Jẹnẹsis 39:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ọmọke vwọ wan nure aye rẹ onini rọye na kọ vwẹ ẹro guọnọ Josẹf, ọ da ta, Mọ ra vwerhẹ.

Jẹnẹsis 39:7 Referans Kwoze

2 Samuẹl 13:11

Ẹkẹvuọvo ọke ro vwo mu emu na kẹrẹ nọ gba riọ, ọ da yọnrọn ọ da ta kẹ, Yanrhe, nene uvwe sherhẹ, omoni mẹ rẹ ọmọtẹ.

2 Pita 2:14

Ẹro rẹ ayen vọnre vẹ igberadja, evun rẹ umwemwu vọn aye-en. Ayen riẹriẹ ihwo ri mudia ga-an. Ayen yono udu rayen phihọ urhuru evwo. Emọ ra harhere!

Izikiẹl 16:34

Ọtiọye na wọ da fẹnẹ eya ri chekọ ri gbe igberadja na ohwo ọvuọvo rẹ wẹ-ẹ, wọ rhoma hwa osa kẹ ihwo ri bru we, ye a hwa osa kẹ wẹ-ẹ, fiki rẹ ọtiọye na wọ fẹnẹ ayen.

1 Jọn 2:16

Kidie obo re hẹ evun rẹ akpọ na ejobi, urhuru si vwe rẹ ugboma, ojevwe rẹ ẹro kugbe eheri rẹ akpọ na, e dia e rẹ Ọsẹ na-a ẹkẹvuọvo e rẹ akpọ na.

Matiu 5:28

ẹkẹvuọvo me ta kẹ wẹ nẹ, kohwo kohwo ro ni aye rẹ ohwo ọfa opharo ro de je, yẹ o duro vwẹ udu rọye nure.

Izikiẹl 16:32

Igberadja rẹ aye na, ro brẹ eshare erhorha ra jẹ ọshare rọye vwo na!

ỌBE RẸ JOB 31:1

Me vẹ ẹro mẹ re ọphọ nure, komavọ mi ru se ni ọmọtọbẹ?

Izikiẹl 16:25

vwẹ oba koba rẹ urhuvwu wọ da bọn asan ro kpenu kẹ oma wẹn ku wọ vwẹ erhuvwu wẹn gbe igberadja, wọ vwẹ oma wẹn ru ẹse kẹ ihwo re wanvrẹn, igberadja kegbe-egbe.

Jerimaya 3:3

Ọtiọye na a vwo da eghwẹghwẹ rẹ osio na ji yẹ osio rẹ owanre je rhọ-ọ, yu wo vwo oka rẹ ọfarhiẹ vwẹ arhare oma sa vo ovwa-an.

Isẹ 7:13

O ghwe muo gbane ọ ghwa fiọnfiọn unu, vẹ opharo zebuzebu yọ ghwa ta kẹ:

Isẹ 5:9

wọ da rha vwẹ ọghọ wẹn ruẹse kẹ ihwo efa ikpe wẹn kẹ ihwo ri jẹ arodọvwẹ evwo.

Isẹ 2:16

Ko che sivwi uwe nẹ obọ rẹ igberadja na, kugbe obọ rẹ aye rọ vẹ eta ro riẹriẹvwe.

Une rẹ Ejiro 119:37

Rhẹriẹ ẹro mẹ rere o vwo je ogbegbemre e no; wọ kẹ vwẹ arhọ vwẹ idjerhe wẹn na.

Jẹnẹsis 6:2

emọ rẹ Ọghẹnẹ da mrẹ emetẹ rẹ ihwo nẹ iyovwiri gangan; ayen da reyọ uche ri je ayen vwọ rọvwọ.

Isẹ 1:10

Ọmọ mẹ, irumwemwu da riẹriẹ owẹ, wọ rhọvwa-a.

Isẹ 6:26

kidie a sa vwẹ ọko rẹ okuọka ọvo vwo du igberadja, ẹkẹvuọvo aye ọfanrhiẹ sa guọghọ arhọ re ohwo muotọ.