Jẹnẹsis 39:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Dede na ọ ta ki Josẹf kẹdẹ kẹdẹ na, jẹn ọ davwerhọ rọye-e, ro vwo nene shevwerhẹ eyẹ ro vwo si kẹrẹ-ẹ.

Jẹnẹsis 39:10 Referans Kwoze

Jẹnẹsis 39:8

Ẹkẹvuọvo ọ da se ọ da ta kẹ aye rẹ onini rọye na, Nighe, Me vwọ herọ na onini mẹ gbe ro ẹnwa rẹ emuọvo-o, o de phi kemu kemu na ejobi phihọ ovwẹ obọ.

1 Pita 2:11

Imoni re me guọnọre, me rẹ ovwan kerẹ erhorha kugbe otu re hẹ imu re we sioma nẹ urhuru sivwe rẹ ugboma ro nene ẹnwẹn họnra na.

2 Timoti 2:22

Vwẹ ọtiọye na gbe siobọ nẹ unuavwerhe rẹ ọkeemọ rere wo nene ovwata, esegbuyota, ẹguọnọ, kugbe ufuoma, re wọ vwọ ba ayen otu ri se odẹ rẹ Ọrovwohwo nẹ otọ rẹ udu rhe.

1 Tẹsalonaika 5:22

siobọ nẹ emu ọbrabra kemu ọbrabra.

1 Kọrẹnt 15:33

Wo jẹ a phiẹn wẹ-ẹn: Otu umwemwu gbe uruemu esiri kuẹ.

1 Kọrẹnt 6:18

Si oma nẹ ọfanrhiẹ. Kumwemwu kumwemwu ọfa obo uphẹphẹ ọ epha; ẹkẹvuọvo ohwo ro gbe ọfanrhiẹ ru umwemwa kpahe oma rẹ obọ rọye.

Isẹ 23:27

Kidie aye ro gbe igberadja ọgọdọ kokodo o ruẹ; aye ro gbe ọghwia họhọ orhare ọhwahwa.

Isẹ 22:14

Ugbunu rẹ aye ọrharhaphiẹ họhẹ ọgọdọ okokodo; ohwo rẹ ivun rọye miovwo Ọrovwohwo na che she phihọ.

Isẹ 7:5

rọ sẹro wẹ nẹ obọ rẹ igberadja na, nẹ obọ rẹ aye vẹ eta ro riẹriẹvwe rọye.

Isẹ 5:8

Jẹn idjerhe wẹn tephe kẹ, wo siẹ kẹrẹ anurhoro rẹ uwevwi rọye-e;

Isẹ 5:3

Kidie ugbunu rẹ aye ro gbe igberadja na o suẹn kerẹ ọnyọn ota rọye vwiọrọ nọ ori;

Isẹ 2:16

Ko che sivwi uwe nẹ obọ rẹ igberadja na, kugbe obọ rẹ aye rọ vẹ eta ro riẹriẹvwe.

Isẹ 1:15

Ọmọ mẹ, wo nene ayen yan usu-un, si owọ wẹn nẹ idjerhe rayen,

Isẹ 9:16

Ohwo ro ghẹnri, jọ vwẹriẹ rhe etinẹ, ohwo ro vwo ọhọ-ọ ọye ọ ta kẹ na.

Isẹ 9:14

O tidia anurhoro rọye, ohwarha rọ hẹ evun rẹ orho ọye ọ nabọ tidia phihọ.

Isẹ 7:13

O ghwe muo gbane ọ ghwa fiọnfiọn unu, vẹ opharo zebuzebu yọ ghwa ta kẹ:

1 Timoti 5:14

Ọtiọye na me guọnọre nẹ eyanku rẹ uphophẹ na rhoma kpo orọvwe, re ayen vwie ẹmọ, re ayen sẹro rẹ uwevwi rayen, rere e vwo je se unwe phihọ ayen.

Jẹnẹsis 39:9

Ọ rhonọ vwẹ vwẹ uwevwi na-a, eyẹ o si emuọvo nu kẹ vwẹ-ẹ jokpa wẹ ọvo, fikiridie wẹ aye rọye, komavọ mi ru emu ọbrabra nana, ri mi ru umwemwu kpahe Ọghẹnẹ.

Jẹnẹsis 39:11

Ẹkẹvuọvo ẹdẹ ọvo, ri Josẹf vwọ ro uwevwi re ru iruo re jẹn ohwo ọvuọvo uwevwi-i.

Isẹ 23:28

Ọ gba phihọ idjerhe kerẹ igbunegbu rere o vwo geri eshare ri se gbuyota-a she.