Jẹnẹsis 37:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Jekọp da dia otọ rẹ ọsẹ rọye da ọrharha jovwo na, vwẹ otọ ri Kenan

Jẹnẹsis 37:1 Referans Kwoze

Jẹnẹsis 17:8

Ke Me vwọ kẹ wẹ kugbe uvwiẹ wẹn rọ cha obuko wẹ, otọ nana rẹ ovwan da ọrharha na, otọ ri Kenan ejobi, kọ dia ẹkẹn uku wẹn bẹdẹ, ke Me dia Ọghẹnẹ rayen.

Jẹnẹsis 23:4

Mẹvwẹ ọrharha ro won ovwan, wa kẹ vwẹ otọ vwẹ ọgbẹ rẹ ovwan na, rere mi shi orivwi mẹ phihọ.

Jẹnẹsis 36:7

Fikiridie ayen vwo eyere buebu gangan o rhe jẹn ayen yeri kugbee, otọ na sa gba aye-en kidie uchuru rayen bunọ.

Jẹnẹsis 28:4

Jọ vwẹ ebruphihọ rẹ Ebraham kẹ wẹ kugbe uvwiẹ wẹn ejobi, rere wọ vwọ sa reyọ otọ rẹ ihwo ru wọ kua bru na, re Ọghẹnẹ vwọ kẹ Ebraham na vwọ riuku.

Jẹnẹsis 36:43

Magdiel, kugbe Iram; enana ilori re Idọm (kọye Isọ, ọsẹ rẹ Idọm), vẹ asansan rayen dia vwẹ otọ rayen kuara na.