Jẹnẹsis 34:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Emọ ri Jekọp de nẹ ẹghwa rhe, rẹ ayen vwo nyo ota na; ivun de miovwo emọ na gangan, kidie o ru emu rẹ ẹkpa vwẹ Izrẹl ro vwo nene ọmọtẹ ri Jekọp mroma, kidie a mrẹ emu ọtiọye dẹvo-o.

Jẹnẹsis 34:7 Referans Kwoze

Iguẹdjọ 20:6

Etiyin mi de mu ọnse mẹ ra va ibribro me da gharọ phihọ ubrotọ rẹ Izrẹl na ejobi, kidie ayen gbe ẹgua ayen vwo ọnko vwẹ Izrẹl.

Joshua 7:15

Ohwo re muru vẹ obo re vwo ze izobo na ka torhẹ te ọye te obo ro vwori ejobi, fikiridie ọ chọ urhi rẹ ọphọ rẹ Ọrovwohwo na, kidie o ru emu rẹ omaẹvuọ vwẹ Izrẹl.

Urhi Rivẹ 22:21

kẹ ayen reyọ ọmọtẹ na kpo anurhero rẹ uwevwi rẹ ọsẹ rọye, eshare rẹ orere rọye Me vwẹ elalọ phio hwe, fikiridie o gbe ugheghẹ vwẹ evun rẹ Izrẹl rọ vwọ dia uwevwi rẹ ọsẹ rọye de gbe ọfanrhiẹ; eriyin wọ vwọ hworhẹ umwemwu nẹ uherevie rẹ ovwan.

Hibru 13:4

E jẹn emu ọghọ kẹ orọvwe vwẹ ohri rẹ ovwan ejobi, e jẹn e gbe ehwa rẹ orọvwe na ẹgua-a; kidie Ọghẹnẹ cha vwẹ ọvwọfanrhiẹ kugbe otu ri gbe igberadja guẹdjọ.

Jẹnẹsis 20:9

Etiyin Abimẹlẹk de se Ebraham, ọ da ta kẹ, Die wo ru kẹ avwanre na? Kidie mi ru we, ru wọ vwọ nẹrhẹ ovwẹ vẹ uvie mẹ ru umwemwu rode tiọnana? Wo ru obo rẹ ohwo e ru-u vwọ kẹ vwẹ.

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.

Jems 3:10

Evun rẹ unu ọvuọvo na ọye ejiro vẹ ekan nẹ cha. Imoni mẹ, komavọ a mrẹ emu ọvo ọtiọye vwo.

Ẹfesọs 5:3

Ẹkẹvuọvo ọfaurhie kugbe oka koka rẹ ijẹfuọn ejobi eyẹ urhuru evwo e jẹn e se odẹ rọye vwẹ ohri rẹ ovwa-an, kirobo ro fori vwẹ ohri rẹ ihwo efuanfon.

1 Kọrẹnt 10:8

Avwanre gbi gbe ọfanrhiẹ kirobo rẹ evo rẹ ayen gberi-i, rẹ uriori uje gbẹ erha vwo she ghwu ẹdọke.

1 Kọrẹnt 6:18

Si oma nẹ ọfanrhiẹ. Kumwemwu kumwemwu ọfa obo uphẹphẹ ọ epha; ẹkẹvuọvo ohwo ro gbe ọfanrhiẹ ru umwemwa kpahe oma rẹ obọ rọye.

Isẹ 7:7

me da mrẹ vwẹ ohri rẹ ihwo diodi na, me da nabọ mrẹ otu rẹ imighene na, ọvo vwẹ usun rẹ ayen ro jẹ iroro evwo,

Une rẹ Ejiro 93:5

Iji wẹn imuẹro gangan, ẹfuọn ri fọ uwevwi wẹn, E Ọrovwohwo, rhiri bẹdẹ.

2 Samuẹl 13:21

Ọke rẹ ovie Devid vwo nyo ena ejobi, ophu de muo gangan.

Urhi Rivẹ 23:17

E ja gọ ẹdjọ rẹ igberadja vwẹ uherevie rẹ emetẹ rẹ Izrẹl na-a, eyẹ e je ẹdjọ rẹ ofarhiẹ egbe dia uherevie rẹ emeshare rẹ Izrẹl na-a.

Livitikọs 4:27

Ọ da dianẹ usun rẹ ihwo ghevweghe na kọye ọvo da vwẹ ugheghẹ ru umwemwu rẹ Ọrovwohwo tanẹ eruẹ-ẹ; rọ da re abe,

Livitikọs 4:13

Ọ da dianẹ ukoko rẹ Izrẹl na ejobi da vwẹ ugheghẹ ru umwemwu rẹ oruchọ na da djahe kẹ ukoko na, ayen da chọ urhi ọvo rẹ Ọrovwohwo tanẹ erue-e ye ayen reabe:

Livitikọs 4:2

Ta ke ihwo te Izrẹl, O da dianẹ ohwo vwẹ ugheghẹ ru umwemwu vwẹ emu kemu ejobi rẹ Ọrovwohwo vwo ji urhi nẹ erue-e, na, O rha riẹ-ẹn o de ru ayen,

Jẹnẹsis 46:7

emọ rọye rẹ emeshare, kugbe emọ rẹ emọ rọye, emetẹ rọye kugbe emọ rẹ emetẹ rọye ejobi, uvwiẹ rọye ejobi vẹ ọye usun re gba rhe Ijipt.

1 Timoti 5:13

Rha vwọ ha ọyena, ayen ki yono ufeti egbe, ri muẹ yan nẹ nwevwi kpo nwevwi, ọ dia nfeti ọvo ayen gbe-e ayen vwẹ oma ru otidia ohwarha re kare unu phihọ ota, eta ri fori-i kọye ayen mnẹ ta.

Kolose 3:5

Gbe hwe urhuru sivwe ofefe rẹ akpọ na re o ghwu; igberadja, inuhu, avwerhe rẹ ugboma, ẹguọnọ ọbrabra, urhuru evwo ro hirhe oma phihọ ẹdjọ.

Jẹnẹsis 34:6

Hamọr rẹ ọsẹ ri Shikẹm de bru Jekọp rhe re vuẹ.

Jẹnẹsis 34:8

Ẹkẹvuọvo Hamọr de nene ayen ta ota, tanẹ, Erhi rẹ ọmọ mẹ Shikẹm churu mu ọmọtẹ wẹn na; Me rẹ wẹ, vwọ kẹ vwọ rọvwọ.

Urhi Rivẹ 22:20

Ẹkẹvuọvo emu na da dia uyota nẹ a mrẹ ọghọ vwẹ oma rẹ ọmọtẹ na-a,

Jerimaya 29:23

fikiridie ayen ru uruemu rẹ ẹkpa vwẹ Izrẹl ayen vẹ eya rẹ irivẹ rayen gbe ọfanrhiẹn, ayen da vwẹ odẹ mẹ ta eta rẹ efian re me vuẹ ayen nẹ ayen ta-a. Mẹvwẹ ohwo rọ riẹnre, mẹvwẹ je he oseri, eriyin Ọrovwohwo tare.