Jẹnẹsis 34:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Etiyin Shikẹm da ta ota na ki Hamọr rẹ ọsẹ rọye, tanẹ, Reyọ ọmọtẹ na kẹ vwẹ vwọ rọvwọ.

Jẹnẹsis 34:4 Referans Kwoze

Iguẹdjọ 14:2

Ọ da rhe ta kẹ ọsẹ vẹ oni rọye nẹ, Me mrẹ ọmọtẹ ọvo vwẹ usun rẹ emetẹ ri Filistia vwi Timna; asakiephana reyọ kẹ vwẹ vwọ rọvwọ.

2 Samuẹl 13:13

Vwọ kẹ vwẹ, tivọ me ghwa omẹvuọ nana ra? Rha vwọ kẹ wẹ, ko wọ dia kerẹ ọvo rẹ ẹkpa vwẹ Izrẹl. Fiki rẹ ọtiọye na, Me rẹ wẹ, gba ta kẹ ovie; fikiridie o se si vwe nẹ obọ wẹ-ẹn.

Jẹnẹsis 21:21

Ọ da dia aghwa ri Paran, oni rọye da reyọ ọmọtẹ rẹ Ijipt vwọ kẹ vwọ rọvwọ

Jẹnẹsis 34:3

Erhi rọye de churu mui Dinah ọmọtẹ ri Jekọp na; ivun rọye da vwerhọ ọ da ta ota dẹndẹn vwọ kẹ.

Jẹnẹsis 34:5

Eriyin Jekọp de nyo nẹ e gbe ọmọtẹ rọye Dinah ẹgua; ẹkẹvuọvo yẹ emọ rọye vẹ uchuru na je obo ẹghwa, Jekọp de rhurhu ota na bẹsiẹ rẹ ayen vwọ rhe.

Jerimaya 29:6

Reyọ eya re we vwiẹ emeshare vẹ emetẹ; wa reyọ eya kẹ emeshare rẹ ovwan wa vwẹ emetẹ rẹ ovwan kpo orọnvwe, re ayen vwiẹ emeshare vẹ emetẹ; we bu vwẹ oboyin, wa havwa-a.