Jẹnẹsis 33:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Okpuyovwi rọye da ka obaro kẹ ayen, o de diguẹ vwẹ uyovwi te otọ asieghwrẹ, bẹsiẹ o rhi vwo te asan rẹ oniọvo rọye epha.

Jẹnẹsis 33:3 Referans Kwoze

Jẹnẹsis 42:6

Vwẹ ọke nana Josẹf kọye osun rẹ otọ na ejobi; ọye je ohwo rọ shẹ kẹ ihwo rẹ otọ na ejobi. Emesẹ ri Josẹf na da rhe, ayen de diguẹ bọvwọ epharo rhu otọ vwọ kẹ.

Jẹnẹsis 18:2

Ọ vwọ kparo ni, nighe eshare erha mudia vwẹ obaro rọye. Ọke rọ vwọ mrẹ ayen, ọ da djẹ nẹ anurhoro rẹ utughẹ na ra vwa ayen, o de diguẹ kẹ ayen,

Jẹnẹsis 43:26

Ri Josẹf vwo te uwevwi re, ayen da reyọ ọko na rẹ ayen phare rhe na vwọ kẹ, ayen de diguẹ te otọ kẹ.

Iyẹnrẹ Esiri ri Luk 14:11

Kidie kohwo kohwo ro mu oma kpenu ka phọphọ, ohwo ro mu ọghọ kẹ oma ka kparọ kpenu.

Iyẹnrẹ Esiri ri Jọn 10:15

kirobo rẹ Ọsẹ na riẹn vwẹ na eriyin me je riẹn Ọsẹ na; me da vwẹ arhọ mẹ kpahe otọ kẹ igodẹ na.

Iyẹnrẹ Esiri ri Jọn 10:4

Ọke rọ da ghwẹ erọye ejobi ro otafe nu, kọ ka obaro kẹ ayen, igodẹ na ki nene, kidie ayen riẹn urhuru rọye.

Aghwoghwo 10:4

Ophu rẹ osun da tua kpahe owẹ, wo vrẹn nẹ asan wọ epha-a, kidie oma wo hwemu kpare ophu rode kuẹfia.

Isẹ 6:3

gbe ru ọnana, ọmọ mẹ, rere wo sivwi oma wẹn, kidie wo rhi she ro obọ rẹ ogangan rẹ ọrivẹ wẹn nure. Gba ra rẹ ọrivẹ wẹn na phẹre phẹre,

1 Samuẹl 2:5

Otu rẹ evun vọnre vwẹ oma rayen mie emu ẹriọ ẹkẹvuọvo otu rẹ owẹvwe hwe jovwo, owẹvwe gbi hwe aye-en. Ẹga rhoma vwiẹ emọ ighwrẹ ẹkẹvuọvo ọ ro vwiẹri buebu jovwo a rhoma rhe siọn

Jẹnẹsis 33:2

O de phi eyaobọ na vẹ emọ rayen phihọ obaro, Leah vẹ emọ rọye da vwọ kpahe ayen, Rachel vi Josẹf da ka obuko.

Jẹnẹsis 48:12

Etiyin Josẹf de mu ayen nẹ igbo rọye, o de diguẹ bọvwọ opharo rhu otọ.