Jẹnẹsis 33:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Jekọp da ta, Ẹjo, Me rẹ wẹ, ọ da dianẹ ivun mẹ vwerhe owẹ, gba reyọ ọghọ na mie vwe, vwẹ uyota a da mrẹ opharo wẹn, kọ họhọ ohwo rọ mrẹ opharo rẹ Ọghẹnẹ, gba vwẹ ẹguọnọ ro jẹrhẹriẹ tiọye na reyọ ovwẹ.

Jẹnẹsis 33:10 Referans Kwoze

ỌBE RẸ JOB 33:26

Etiyin ohwo ko nẹ ẹrhovwo kẹ Ọghẹnẹ, ọ me reyọ, ọ me vwẹ aghọghọ rhe obaro rọye. O mi gbe ikun rẹ esivwo rọye kẹ ihwo,

Ẹvwọphia 22:4

ayen ke cha mrẹ opharo rọye, odẹ rọye kọ cha dia arhare rayen.

Jerimaya 31:2

Enẹ Ọrovwohwo tare: Ihwo re vabọ rẹ ọlọkọ ke mrẹ ẹserọphẹ vwẹ aghwa; vwẹ ọke rẹ Izrẹl vwọ guọnọ omerovwo,

Jẹnẹsis 32:30

Jekọp de se odẹ rẹ asan na Peniel, nẹ, Fikiridie Me mrẹ Ọghẹnẹ opharo ye emuọvo ru vwee.

Une rẹ Ejiro 41:11

Vwẹ oma re ọnana me vwọ riẹn nẹ ivun mẹ vwerhe owẹ, kidie ọvweghrẹ rha mrẹ vwẹ ghọghọ-ọ.

2 Samuẹl 14:32

Absalọm da kpahe kẹ Joab, Nighere, mi ji ohwo re se we, re mi ji we bru ovie, re wọ nọ, Die sorọ mi vwo nẹ Gesho rhe? Oyoma kẹ vwẹ me vwọ daji oboyi, Asakiephana gbe ju vwe mrẹ opharo rẹ ovie; ọ da dianẹ orukuruku hẹ oma mẹ, gbe jo hwe vwe.

2 Samuẹl 14:28

Absalọm da dia Jerusalẹm ikpe ivẹ jẹn ọ mrẹ opharo rẹ ọsẹ rọye-e.

2 Samuẹl 14:24

ovie da ta, jọ dia uwevwi rọye san, e gbi jọ mrẹ opharo mẹ-ẹ; Etiyin Absalọm da dia uwevwi rọye san, o gbe mrẹ opharo rọye-e.

2 Samuẹl 3:13

Etiyin ọ da ta, Ọyoma; me vẹ owẹ re ọphọ; ẹkẹvuọvo me guọnọ emu ọvo vwẹ obọ wẹn; emu na kẹ ọna, wọ mrẹ opharo mẹ-ẹ jokpa nẹ wọ vwẹ Mikal, ọmọtẹ ri Sọl rhe, kọye wọ mrẹ opharo mẹ.

1 Samuẹl 20:3

Ẹkẹvuọvo Devid da kpahe, ọsẹ wẹn riẹnre nẹ ivun mẹ vwerhe owẹ; o de roro nẹ, e jẹn Jonatan riẹn ọnana-a, ivun de rhe miovwo. Ẹkẹvuọvo uyota, kirobo rẹ Ọrovwohwo herọ na ji kugbe obo rẹ erhi wẹn herọ na, me da je owọ ọko vwẹ ẹtinẹ na ye me ro ughwu.

Rutu 2:10

Etiyin ọ da bọvwọ opharo rọye rhuotọ, o de shiguẹ te otọ, ọ da ta kẹ, die me ghwa vwọ mrẹ ẹroesiri vwẹ obaro wẹn, ru wo vwo ni vwe so, je ọrharha mi ruẹ?

Jẹnẹsis 50:4

Ẹdẹ rẹ uvweri na ejobi vwọ ghwiẹ nu, Josẹf da ta kẹ ekru ri Fero nẹ, Ọ da dianẹ ivun mẹ vwerhe ovwan, gba ta, Me rẹ wẹ, ki Fero nyo nẹ,

Jẹnẹsis 47:29

Rẹ ọke rẹ ughwu rẹ Izrẹl vwọ kẹrẹ otọ re, o de se ọmọ rọye Josẹf ọ da ta kẹ, Ọ da dianẹ ivun mẹ ghene vwerhe owẹ, gbe phi obọ wẹn phihọ otọ rẹ ekpoghowọ mẹ, ru wo vẹ nẹ wo nene uvwe yeri eyere rẹ ọghọ vẹ uyota. Wo shi vwe phihọ Ijipt rẹ,

Jẹnẹsis 19:19

nighe, ọviẹn wẹn mrẹ aruesiri vwẹ obọ wẹn nure, we ni aruẹdọn mẹ gangan ri we vwo sivwi arhọ mẹ, yẹ ẹkẹvuọvo Me sa djẹ kpo obo igbenu na-a, ughwu de ke vwe phihọ, mi de rhe ghwu.

Matiu 18:10

Wo jẹ ọvo rẹ imitete na fia-a, fikiridie emakashe rẹ emọ na i mudia vwẹ obaro rẹ Ọghẹnẹ Ọsẹ rẹ avwanre rọ hẹ obo odjuvwu.

Jẹnẹsis 43:3

Ẹkẹvuọvo Juda da ta kẹ, Ohwo na kpokpa kẹ avwanre nẹ, jokpa nẹ ọmọsẹ wẹn na nene uwe.

Jẹnẹsis 33:9

Ẹkẹvuọvo Isọ da ta, Mi vwori buebu, oniọvo mẹ, sẹro rayen vwọ kẹ oma wẹn.

Jẹnẹsis 33:11

Reyọ, Me rẹ wẹ, ọko nana re Me phare rhe we na, kidie Ọghẹnẹ ru ẹse kẹ vwẹ gangan, fikiridie ọ ri mi vwori na te kẹ vwẹ. Ọtiọna kọye ọ rẹrẹ, ọ da reyọ.