Jẹnẹsis 32:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Oshọ de mu Jekọp oma de ron, ọ da ghare ihwo ri rhere, te uchuru na te iyesi na, ẹko ivẹ,

Jẹnẹsis 32:7 Referans Kwoze

Jẹnẹsis 35:3

we jẹn avwanre vrẹn re e kpo Bẹtẹl, re Me dia oboyi so agbada kẹ Ọghẹnẹ ro nyo vwe vwẹ ọke rẹ ukpokpogho, rọ vẹ ovwẹ herọ vwẹ asan kasan Me rare ejobi.

2 Timoti 3:12

Uyota ihwo ejobi re guọnọ yere akpọ ọfuanfon rọ herọ vwi Kristi Jesu ke kpokpo,

2 Kọrẹnt 1:4

ro bru avwanre uche vwẹ evun rẹ ukpokpogho ejobi, rere avwanre vwo se bru otu re hẹ ukpokpogho uche, vẹ uchebro rẹ Ọghẹne bru avwanre.

Iruo rẹ Iyinkọn na 14:22

Ayen da ta ejọghwa phihọ udu rẹ idibo na, o de bru ayen uche rere ayen mudia gan vwẹ esegbuyota na, tanẹ, ukpokpogho buebu a cha wanvrẹn nu tavwe rẹ avwanre ke sa ro uvie rẹ Ọghẹnẹ na.

Iyẹnrẹ Esiri ri Jọn 16:33

Me ta ọnana kẹ ovwan nẹ, vwẹ oma mẹ ovwan ki vwo ufuoma. Vwẹ akpọ na ovwan mrẹ ukpokpogho; ẹkẹvuọvo ghọghọ, mi phi akpọ na kpare obọ nure.

Matiu 10:16

Nighere mi ji ovwan kerẹ igegede re hẹ uherevie rẹ ikpohrokpo; wa gba ghwanre kerẹ ọrọdekọ, re we ru dẹndẹn kerẹ ilekuku.

Matiu 8:26

Ọ da ta kẹ ayen nẹ, die ovwan vwọ djẹ oshọ, ovwan ri vwo esegbuyota tutuno na? Ọ de vrẹn, ọ da van ku odju na kugbe abadi na, asan ejobi da ghwa fọ riei.

Aizaya 28:26

Kidie eyoniro gba; Ọghẹnẹ rọye yoniro.

Isẹ 2:11

Ọmrẹvughe kọye re cha rhẹrẹ owẹ; ẹruọ kọye ri che sun we.

Une rẹ Ejiro 142:4

Mi ni obọrhe me da rhẹrẹ, ẹkẹvuọvo o vwo ohwo ọvuọvo ro ni vwe so-o; o gbi vwo asan odjahọ kẹ vwẹ-ẹ, ohwo gbe davwerhọ mẹ-ẹ

Une rẹ Ejiro 107:6

Etiyin ayen de kperi se Ọrovwohwo vwẹ ukpokpogho rayen, o de si ayen nẹ ọdjarhe rayen,

Une rẹ Ejiro 61:2

nẹ oba rẹ akpọ na rhe mi de tu se we, vwẹ ọke rẹ oma vwọ rhọ udu mẹ. Sun vwe re te oragha ro kpenu nọ vwẹ;

Une rẹ Ejiro 31:13

E, mi nyo ophiọrọ re otu buebu– oshọ vwi kabọ kabọ– rẹ ayen vwọ rua ero kpahe ovwẹ, rẹ ayen vwọ jẹ iroro re vwo hwe vwe!–

Ẹyano 14:10

Ọke ri Fero vwo si kẹrẹ ayen re, ihwo rẹ Izrẹl da kpare ẹro rayen, nighe, ihwo rẹ Ijipt na ra vwọ tua ayen; oshọ rode de rhi mu ayen. Ihwo rẹ Izrẹl de kperi se Ọrovwohwo;

Jẹnẹsis 32:11

Sivwe, Me rẹ wẹ, nẹ obọ rẹ oniọvo mẹ, vwo nẹ obọ rẹ Isọ, kidie oshọ rọye mu vwẹ, o de rhi hwe avwanre ejobi, te ini te emọ.

Une rẹ Ejiro 112:5

Oyovwi kẹ ohwo ro siobọ nẹ ro momo kẹ ihwo, ro ruẹ emu rọye ejobi ọsoso.

Jẹnẹsis 32:3

Jekọp de ji ikọ bru Isọ rẹ oniọvo rọye ra vwẹ otọ ri Seir rẹ orho rẹ Idọm,

Jẹnẹsis 32:8

ko roro nẹ, O da dianẹ Isọ rhi te ẹko rẹ ẹsosuọ rọ da ghwọrọ, ẹko ro chekọ obuko na kọ djẹ vabọ.

Jẹnẹsis 33:1

Jekọp vwọ kpare opharo, nighe, Isọ ra yan cha, ọ vẹ ihwo uri ivẹ ri nene. Etiyin ọ da ghare emọ na kẹ Leah vi Rachel kugbe emetẹ rayen ivẹ na.