Jẹnẹsis 32:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² ri Jekọp vwọ mrẹ ayen ọ da ta, Ọnana unuofovwi rẹ Ọghẹnẹ; Kọye o de se asan na Mahanaim.

Jẹnẹsis 32:2 Referans Kwoze

2 Samuẹl 2:8

Asakiephana Abner rẹ ọmọ ri Ner, onotu rẹ ofovwi ri Sọl, da reyọ Ishboshet ọmọ ri Sọl, ọ da vwọ rhe Mahanaim,

Joshua 21:38

vwẹ orua ri Gad, Ramot vwi Gilead vẹ etọ rẹ egbri rọye, orere rẹ adjẹrhọ kẹ ohwo rẹ obọ chọre, Mahanaim vẹ etọ rẹ egbri rọye,

Joshua 5:14

Ọ da ta, Ẹjo, ẹkẹvuọvo kerẹ onotu rẹ ofovwi rẹ Ọrovwohwo me vwo rhe na. Joshua de she bọvwọ opharo rọye rhuotọ, ọ da ga, ọ da ta kẹ, Kidie Ọrovwohwo guọnọre nẹ odibo rọye ru?

Iyẹnrẹ Esiri ri Luk 2:13

Siẹvuọvo na usun rẹ ihwo rẹ obo odjuvwu kugbe emakashe na ki jiri Ọghẹnẹ tanẹ

Une rẹ Ejiro 148:2

Jiro, emakashe rọye ejobi, jiro, otuofovwi rọye ejobi!

Une rẹ Ejiro 34:7

Amakashe rẹ Ọrovwohwo mu erhọn riariẹ ayen otu re djẹ oshọ rọye, o de sivwi ayen.

1 Ivie 2:8

Shemei ọmọ ri Gera, ohwo ri Bẹnjamin ro nẹ Bahurim rhe, vẹ owẹ je hẹ etiyin rhe, ọ harhe ovwẹ brabra ri mi vwo kpo Mahanaim; ẹkẹvuọvo rọ rhe vwọ vwa vwẹ vwi Jọdan, me da vwẹ odẹ rẹ Ọrovwohwo duvwu iyori kẹ nẹ, Me cha vwẹ ọlọkọ nyavwe owẹ hwe-e.

2 Samuẹl 17:24

Etiyin Devid de rhi te Mahanaim; Absalọm da wan Jọdan vrẹn te ọye te ihwo rẹ Izrẹl ejobi.

Daniẹl 10:20

Etiyin ọ da ta wọ riẹn obo ri mi vwo bru we rhe? Ẹkẹvuọvo asakiephana mi che rhivwi ra họnre osun ri Pẹsha, Me vọye de ru nu, nighe, osun ri Grik cha rhe.

Solomon 6:13

Rhivwi, rhivwi E ohwo ri Shunẹm, rhivwi, rhivwi, rere avwanre ni we. Die wo vwo ni ohwo ri Shunẹm na kerẹ eha ro gbe vwẹ obaro rẹ unuofovwi ivẹ?

Une rẹ Ejiro 103:21

Bruphihọ kẹ Ọrovwohwo, otuofovwi rọye ejobi, otu ri gbe odibo kẹ ri ru ẹguọnọ rọye!

Ivie rẹ Ivẹ 6:17

Kọye Ilaesha da nẹ ẹrhovwo ọ da ta, Ọrovwohwo, me rẹ wẹ, rhie ẹro rọye rere ọ mrẹ. Kọye Ọrovwohwo de rhie ẹro rẹ emeghele na ọ da mrẹ; nighe, ugbenu na ejobi vọnre vẹ iyesi vẹ ekpẹrẹ rẹ ituofovwi rẹ erhanre ri mudia yariẹ Ilaesha phihọ.

1 Ivie 4:14

Ahinadab ọmọ rẹ Iddo, vwi Mahanaim;

2 Samuẹl 2:12

Abner ọmọ ri Ner, kugbe idibo rẹ Ishboshet ọmọ ri Sọl, de nẹ Mahanaim rhe kpo Gibiọn.

1 Ikun rẹ Ivie 12:22

Kẹdẹ kẹdẹ kọye ihwo vwo bru Devid cha chuko, bẹsiẹ, ra ke rhe mrẹ unuofovwi rode, kerẹ unuofovwi rẹ Ọghẹnẹ.

Une rẹ Ejiro 24:10

Kono Ovie rẹ urinrin na vwo? Ọrovwohwo rẹ otuofovwi na, ọye Ovie rẹ urinrin na.