Jẹnẹsis 3:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Rẹ aye na vwọ mrẹ nẹ urhe na fẹriọ, o ki rhe fẹro, nẹ urhe na ki rhe ru ohwo ghwanre, ọ da reyọ omamọ rọye ọ da riọ; ọ da je vwẹ ẹvo kẹ ọshare rọye ọ da je re.

Jẹnẹsis 3:6 Referans Kwoze

1 Jọn 2:16

Kidie obo re hẹ evun rẹ akpọ na ejobi, urhuru si vwe rẹ ugboma, ojevwe rẹ ẹro kugbe eheri rẹ akpọ na, e dia e rẹ Ọsẹ na-a ẹkẹvuọvo e rẹ akpọ na.

1 Timoti 2:14

ọ je dia Adam a phiẹre-e, ẹkẹvuọvo aye na a phiẹre o de rhi hirhe phihọ ọchurhi.

2 Samuẹl 11:2

Emu ọvo da rhe phia vwẹ oghẹruvo ọvo, ri Devid vwo vrẹn nẹ ehwa rọye kọ vwẹ enu rẹ uwevwi rọye, ọ da dia obenu rẹ uwevwi na kparo mrẹ aye ọvo rọ họ; aye na yovwiri gangan.

Joshua 7:21

ọke me vwọ mrẹ adagba ri Shinar oyoyovwi vwẹ ohri rẹ ekuakua na, kugbe shekẹl ujori ivẹ rẹ idọnọ, kugbe ubrogba rẹ oro rọ họhọ te shekẹl ujuvẹ gbẹ ihwe, etiyin urhuru rẹ ayen de si vwe, me da reyọ ayen; nighere, a tọn ayen phihọ otọ vwẹ evun rẹ utughẹ mẹ, vẹ idọnọ na ra vwọ ka obotọ.

Hosia 6:7

Ẹkẹvuọvo ayen de miovwi ophọ mẹ kerẹ Adam etiyin ayen de ru vwe chọ.

Jẹnẹsis 6:2

emọ rẹ Ọghẹnẹ da mrẹ emetẹ rẹ ihwo nẹ iyovwiri gangan; ayen da reyọ uche ri je ayen vwọ rọvwọ.

Izikiẹl 24:25

Wẹ, ọmọ rẹ ohwo, vwẹ ẹdẹ ri mi vwo mie ayen ogba ọgangan rayen, aghọghọ kugbe urinrin rayen, kugbe ojevwe rẹ ibiẹro rayen kugbe ẹguọnọ rẹ udu rayen, ji kugbe emeshare vẹ emetẹ rayen,

Izikiẹl 24:16

Ọmọ rẹ ohwo, nighe, mi re muegbe re me cha vwọ reyọ ojevwe rẹ ẹro wẹn nẹ uwe oma kpregede; yu wo che muomahọ-ọ eyẹ viẹ eyẹ amẹoviẹ wẹn che sun te otọ-ọ.

Matiu 5:28

ẹkẹvuọvo me ta kẹ wẹ nẹ, kohwo kohwo ro ni aye rẹ ohwo ọfa opharo ro de je, yẹ o duro vwẹ udu rọye nure.

Izikiẹl 24:21

Ta kẹ uwevwi rẹ Izrẹl, E nẹ Ọrovwohwo Ọghẹnẹ tare: Nighe mi che gbe ẹshẹ mẹ na ẹgua, eheri ọgangan wẹn na, obo ri je ibiẹro wẹn na kugbe obo rẹ ẹnwẹn wẹn guọnọ na; te emeshare wẹn te emetẹ wẹn ru wọ yan jovwo vwẹ obuko na ka vwẹ ọlọkọ nyavwe ayen hwe.

Jẹnẹsis 39:7

Ọmọke vwọ wan nure aye rẹ onini rọye na kọ vwẹ ẹro guọnọ Josẹf, ọ da ta, Mọ ra vwerhẹ.

Jẹnẹsis 3:17

Vwọ kẹ Adam ọ da tanẹ, Fikiridie wọ vwọ kerhọ rẹ aye wẹn, wo da re emamọ rẹ urhe na re Me djẹ wẹ nu wọ ria-a na, eka kọ dia kẹ otọ na fiki wẹn, vwẹ evun rẹ owian wọ ke sa re emu vwẹ ẹdẹ rẹ akpọ wẹn ejobi;

Jẹnẹsis 3:12

Ọshare na da ta, Aye ru wọ vwọ kẹ vwẹ nẹ o nene uvwe dia, ọye vwẹ emamọ rẹ urhe na kẹ vwẹ, Me da re.

ỌBE RẸ JOB 31:1

Me vẹ ẹro mẹ re ọphọ nure, komavọ mi ru se ni ọmọtọbẹ?

Iguẹdjọ 14:17

Aye na da viẹ vwẹ obaro rẹ ọshare rọye bẹsiẹ rẹ ẹdẹ ighwrẹn rẹ orẹ na vwo te; ẹdẹ rẹ ighwrẹn na vwọ gba nu ọ da fa otọ rẹ ido na kẹ ayẹ rọye, kidiẹ ayẹ na karhiẹre unu ganọ. Etiyin aye na da ra fa otọ rẹ ido na kẹ ihwo rẹ orho rọye.

1 Ivie 13:19

Ọtiọye na o de nene kpo, ọ da re emu vwẹ uwevwi rọye, ọ da da ame.