Jẹnẹsis 3:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Ọdja kọ dia opharo wẹn wọ ke cha re emu, bẹsiẹ wo che vwo rhivwi kpo otọ ri wo nurhe, ekpẹn wo ji che hirhe ra.

Jẹnẹsis 3:19 Referans Kwoze

Aghwoghwo 12:7

Rẹ iwurhie vwo rhivwi kpo ekpẹn kirobo rọ epha jovwo, erhi na de rhivwi bru Ọghẹnẹ ro vworo.

ỌBE RẸ JOB 34:15

ugboma ejobi de ghwure, ohwo ko rhivwi kpo ekpẹn.

Une rẹ Ejiro 104:29

Ọke wo de si opharo wẹn nu, ofu ko dje ayen, ọke wọ de si ẹnwẹ nẹ ayen oma, ayen ki ghwẹ ayen mi rhivwi kpọ iwurhie rayen.

Jẹnẹsis 2:7

kọye Ọrovwohwo Ọghẹnẹ da vwẹ ekpẹn rẹ otọ na vwọ ma ohwo, ọ da wẹn ẹwẹn rẹ arhọ na phihọ iwen rọye, ohwo de hirhe ohwo ọkpokpọ.

Une rẹ Ejiro 90:3

Wọwẹ ri ku ohwo rhẹriẹ phihọ iwurhie, ọ Me ta, Rhoma rhe, E emọ rẹ ihwo!

Ẹfesọs 4:28

E jẹn ohwo ro cho uji jẹ uji vwo, ẹkẹvuọvo e jẹ ọ vwẹ obọ rọye wian, ọ vwẹ abọ rọye ru iruo ro vwo ọghọ, rere ọ mrẹ vwọ kẹ ayen otu rẹ akpọ bẹn.

Aghwoghwo 3:20

Asan ọvo ayen ejobi ra; iwurhie ayen ejobi nurhe, iwurhie ayen je cha rhoma ra.

Jẹnẹsis 18:27

Ebraham da kpahe, Nighe, Me ra ta ota kẹ Ọrovwohwo, mẹvwẹ re ekpẹn vẹ iwurhie diodi na,

Daniẹl 12:2

Ihwo buebu re vwerhẹre vwẹ evun ekpẹn rẹ otọ na ke cha rhọvwọ, evọ kpo arhọ ri bẹdẹ, evo kpo omẹvuọ vẹ ehwẹjẹ ri bẹdẹ.

Aghwoghwo 1:3

Didi erere ri te ohwo vwẹ owian na ejobi rọ wian vwẹ otọ rẹ ọnre na?

Une rẹ Ejiro 22:15

Ogangan mẹ yamu kere igbephẹre, ẹrẹnvwe mẹ yamu vwe ọhwa, wọ da vwẹ ovwẹ sherhẹ ekpẹn rẹ ughwu.

Jẹnẹsis 23:4

Mẹvwẹ ọrharha ro won ovwan, wa kẹ vwẹ otọ vwẹ ọgbẹ rẹ ovwan na, rere mi shi orivwi mẹ phihọ.

2 Tẹsalonaika 3:10

Tobọ ọke rẹ avwanre vẹ ovwan vwọ herọ na, ọnana hẹ urhi rẹ avwanre ji kẹ ovwan nẹ; a wianre-e, a ria-a.

Une rẹ Ejiro 103:14

Kidie o riẹn obo ra ma avwanre wan; o karohọ nẹ avwanre iwurhie.

1 Tẹsalonaika 2:9

Imoni, ovwan karohọ owian rẹ avwanre kugbe oma elagha rẹ avwanre; obo rẹ avwanre wian te ason te uvo, rere avwanre vwo jẹ oghwa ẹdia kẹ ovwan, vwẹ ọke rẹ avwanre de ghwoghwo iyẹnrẹ esiri rẹ Ọghẹnẹ na kẹ ovwan.

Aghwoghwo 5:15

Kirobo ro nẹ evun rẹ oni rọye rhe eriyin o che ji rhivwi kpo ẹbẹba ọ vwọ rhe, ọ cha vwẹ obọ rọye ghwa emu ọvuọvo rọ owianre na kpo-o.

Aghwoghwo 1:13

Me da vwẹ iroro mẹ ejobi vwọ kpahe ẹghwanre, vwọ guọnọ otọ rẹ emu ejobi re ruẹ vwẹ otọ rẹ odjuvwu na; iruo rẹ ivuemiovwo rẹ Ọghẹnẹ vwọ kẹ emọ rẹ ihwo rẹ akpọ rere ayen vwọ de laghẹ oma.

Isẹ 21:16

Ohwo ro suosuo nẹ idjerhe rẹ ẹruọ vwo, ko che rovwoma vwẹ ọghwẹgbe rẹ ughwu.

Une rẹ Ejiro 22:29

E wẹ ọye otu ri herẹ vwẹ akpọ na ejobi che shiguẹ kẹ otu ri kpo obo ekpẹn vwẹ akpọ na ejobi cha vwẹ uyovwi te otọ kẹ, ohwo se sivwi omaobọ rọye rhọ-ọ.

ỌBE RẸ JOB 21:26

O vwo ofẹnẹ-ẹ ayen ejobi shevwerhẹ ekpẹn re, ihori de rhurhu ayen.

ỌBE RẸ JOB 19:26

nẹ ọke rẹ ohọroma mẹ da ghwọrọ nu, rẹ uvwo rẹ oma mẹ gbe herọ dede-e yẹ me cha mrẹ Ọghẹnẹ,

ỌBE RẸ JOB 1:21

Ọ da ta, Ẹbẹba mi vwo nẹ uwevwievwiẹ rẹ oni mẹ rhe, ẹbẹba me che vwo hirhe, Ọrovwohwo re kerẹ, Ọrovwohwo re je reyọ, ebruphihọ kẹ odẹ rẹ Ọrovwohwo na.

1 Kọrẹnt 15:47

Ohwo rẹsosuọ na otọ o nurhe, ohwo rẹ ẹkpẹn; ohwo rivẹ na odjuvwu o nurhẹ.

Hibru 9:27

Kirobo re bru ẹdẹ nẹ ohwo rẹ akpọ ẹsiẹvo o ghwẹ, ọyena da wan nu kẹ ẹdjọeguo,

Jẹnẹsis 3:18

idjigbẹ vẹ ekpia ke djẹ nẹ otọ na rhe kẹ wẹ, ku wọ cha re ekankọn rẹ aghwa na.

ỌBE RẸ JOB 4:19

komavọ ọ epha kẹ otu re dia iwevwi re ọphiẹn, ra tọn uchivwo rọye phihọ evun re ubu, rẹ eghwọghwọ guọghọre nana nana.

Une rẹ Ejiro 104:23

Ohwo me yanran kpo iruo rọye ọ me wian rhiri re te ovwọnvwọn.

Une rẹ Ejiro 127:2

Abo ofefe kẹ we ru wo de vrẹn vwẹ irhiọke rhirhi ru wọ da ka uko kpo omerovwo, ru wọ da ria emu vẹ ẹwan rẹ owian; kidie ọ kẹ ọ rọ guọnọre ọmamọ ovwerhẹ.

Jẹnẹsis 5:5

Kọye ẹdẹ rẹ akpọ rẹ Adam ejobi da dia ikpe uri ẹne gbe ujosa gbẹ ihwe; o ki rhi ghwu.

ỌBE RẸ JOB 10:9

Karohọ nẹ ọphiẹn wọ vwọ ma vwẹ; ku wọ rhọma hirhe uvwe kpo ekpẹn?