Jẹnẹsis 3:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ki mi phi eghrẹ phihọ uvwre wẹn vẹ ọ rẹ aye na, Te uvwre rẹ emọ wẹn vẹ erẹ aye na, kọ ghwiẹ wẹ uyovwi, ku wọ rhovwọ uchukowọ.

Jẹnẹsis 3:15 Referans Kwoze

Ọbe ri Pọl si rhe Ihwo ri Rom 16:20

o chekọ emerha, Ọghẹnẹ rẹ ufuoma na ko che chihi Idẹbono muotọ. Ẹserọphẹ rẹ Ọrovwavwanre Jesu Kristi nene ovwan dia.

1 Jọn 3:8

Ohwo ro ru umwemwu hẹ ọmọ rẹ idẹbono; kidie idẹhono hẹ oruimwemwu notọrhe. Fiki rẹ Ọnana ọye Ọmọ rẹ Ọghẹnẹ vwọ rhe rere ọ vwọ mrasan guọghọ iruo rẹ idẹhono.

Ẹvwọphia 12:17

Ophu de rhi mu Okpodje kpahe ayen na gangan o de re nene emọ rọye ri chekọ phi ofovwi, e re yọnrọn irhi rẹ Ọghẹnẹ na kugbe iseri ri Jesu. O de mudia vwẹ enu rẹ ehavwo rẹ abadi na.

Aizaya 7:14

Fiki rẹ ọtiọye na Ọrovwohwo ọvo kọye cha vwẹ oka kẹ wẹn. Nighe, eghene aye cha mrevun, ko che vwiẹ ọmọ, ke se odẹ rọye Imanuẹl.

Galesha 4:4

Ẹkẹvuọvo, rẹ ọke na rhe vwọ gbare, Ọghẹnẹ de ji ọmọ rọye na rhe, rẹ aye vwiẹri, re vwiẹri vwẹ otọ rẹ urhi na,

Iyẹnrẹ Esiri ri Jọn 8:44

Ovwan ọ rẹ ọsẹ rẹ ovwan idẹbono, ẹguọnọ rẹ ọsẹ rẹ ovwan ọye we ruẹ na. Ozighẹ o ruẹ nẹ otọrhe, kaka uyota rhere-e, fikiridie uyota na hẹ evun rọye-e. Ọke rọ da vwọnrọn ofian, ọ ta ota kirobo rẹ uruemu robọ rọye epha, kidie ọ vwọnrọn ofian o ruẹ ọye hẹ ọsẹ rẹ ofian.

Matiu 1:23

Nighe, ọmọtobẹ cha mrevun, ko vwiẹ ọmọshare, ke se odẹ rọye Immanuẹl, otọ rọye Ọghẹnẹ vẹ avwanre herọ.

Matiu 13:38

Udju na vwenẹ kẹ akpọ na; emamọ esiri na kọye hẹ emọ rẹ uvie na; ẹgo na kẹ emọ rẹ idẹbono;

1 Jọn 3:10

Vwẹ oma rẹ Ọnana kọye e vwo vughe emọ rẹ Ọghẹnẹ, kugbe emọ rẹ idẹbono. kohwo kohwo ro ru umwemwu eyẹ ro tuoma rẹ oniọvo rọye yọ dia ọmọ rẹ Ọghẹnẹ-ẹ.

Iyẹnrẹ Esiri ri Luk 10:19

Nighe, Me vwẹ ogangan kẹ ovwan we vwo chiyi eredekọ kugbe ekpakpasimagha, vwẹ enu rẹ ogangan rẹ ọvweghrẹ; yẹ emuọvo sa wan ovwan oma-a.

Une rẹ Ejiro 132:11

Ọrovwohwo ve ki Devid ive ro muẹro ọ gbe cha sa rhẹriẹ no-o; Ọvo vwẹ usun rẹ emọ ri nẹ oma wẹn rhe na Mi che vwo dje ekete wẹn.

Ẹvwọphia 20:10

idẹbono rọ phiẹn ayen na a da kparọ phi phihọ ẹtẹrhe rẹ erhanre kugbe ibiosio rẹ erhanre asan rẹ eranvwe na kugbe ọmraro rẹ ofian na epha, kẹ etiyin ayen da mrẹ odjadja te ason te uvo bẹdẹ bẹdẹ.

Kolose 2:15

Ọ da rhahọ rẹ ihwo ride vẹ ogangan na ejobi nẹ ovwan oma ọ da rhe phọphọ otu ri hwere na, ro vwo vrẹn nẹ ughwu nu.

Iruo rẹ Iyinkọn na 13:10

ọ da ta, Wẹ ọmọ rẹ idẹbono na, ọvweghrẹ rẹ ọvwata ejobi na, ro vọnre vẹ ophiẹnvwe vẹ ọkon ejobi na, wo rhe jẹ idjerhe ọphiọn phiọn rẹ Ọrovwohwo na vwo ẹgẹrẹ?

Ẹvwọphia 2:10

Wọ djẹ oshọ rẹ oja ru wọ cha re na-a. Nighe, idẹbono cha kpare ẹvo vwẹ usun rẹ ovwan na phihọ uwodi, rere a davwe ovwan ni, kẹ ovwan reoja ẹdẹ ihwe soso. Ovwan vwo esegbuyota re te ughwu, ke me vwẹ erhu rẹ arhọ na kẹ ovwan.

Aizaya 53:12

Fiki rẹ ọtiọye na ke Me ghare ẹkẹn te vwẹ usun rẹ ihwo ride, ọ vẹ egba keye gba ghare ughwẹ; kidie o ku ọbara rọye phihọ otọ kẹ ughwu, e de kere kugbe otu ri gburhi ku; yẹ ọye re ghwa umwemwu rẹ ihwo buebu, ọ da re orẹ vwọ kẹ otu ri gburhi ku.

Maika 5:3

Fiki rẹ ọtiọye na ke siobọ nẹ ayen bẹsiẹ rẹ ọke na vwo te bẹsiẹ rẹ ohwo rọ chuẹ uvwiẹ na vwo vwiẹ nu; Etiyin iniọvo rọye ejobi ki che rhivwi bru ihwo rẹ Izrẹl ra.

Jerimaya 31:22

Mavọ wo sioma uko krite, E ọmọtẹ rẹ o mudiagaa na? Kidie Ọrovwohwo ma emu ọkpokpọ vwẹ akpọ na, aye esivwo kẹ ọshare.

1 Jọn 5:5

Kono hẹ ohwo ro phi akpọ na kparobọ na, ọ rha dia ohwo ro se Jesu Ọmọ rẹ Ọghẹnẹ na, gbuyota?

Hibru 2:18

Kidie fiki robo rẹ okpuyovwi rọye vwọ reoja ra vwọ davwọ ni, kọ je sa dia ọchuko kẹ ayen otu ra davwere.

Ẹfesọs 4:8

Fiki rẹ ọtiọye na ọ vwọ ta nẹ, Ọke ro de yeri kpenu re ko sun ighuvwu buebu, o mi rhe ru ẹse kẹ ihwo

Ẹvwọphia 13:7

A je rhọvwe kẹ nẹ ọ họnre ihwo efuanfon na re o phi ayen kua. A kẹrẹ ogangan vwẹ enu rẹ orua korua kugbe ihwo kugbe ephẹrẹ kugbe ẹgborho,

Hibru 5:7

Vwẹ ọke rọ vwọ herọ vwẹ ugboma na, Jesu nẹ ẹrhovwo ọ ghwa yare oyare, vẹ ekperẹ vẹ oviẹ, kẹ ohwo ro se sivwo nẹ ughwu, e de nyo kẹ fikiridie ohwo ọfuanfon rọ djẹ oshọ o ruẹ.

Iyẹnrẹ Esiri ri Luk 22:53

Ọke re me vẹ ovwan vwọ herọ kẹdẹ kẹdẹ vwẹ uwevwi rẹ ẹga na, we shabọ họ ovwẹ-ẹ. Ẹkẹvuọvo ọnana hẹ unọke rẹ ovwan, kugbe ogangan rẹ ebri.

Matiu 23:33

Ovwan eredekọ na, uvwiẹ rẹ ọrobiebi na, komavọ ovwan ru se nabọ rẹ ẹdjeguo rọ cha na?

Matiu 12:34

Ovwan uvwiẹ rẹ erọdekọ na, re pha brabra miomiovwi na, sa vwọ ta ota rẹ esiri, kidie obo rẹ ohwo rori vwẹ evun ọye ọ ta phia vwẹ unu rọye.

Matiu 3:7

Ẹkẹvuọvo ọke rọ vwọ mrẹ otu ri Farisi kugbe Sadiusi ri bruro rhe rhe reyọ ame, ọ da ta kẹ ayen nẹ, Uvwiẹ rẹ eredekọ na, Ono ta kẹ ovwan nẹ wa djẹ nẹ abe rọ cha na?

Ọbe ri Pọl si rhe Ihwo ri Rom 3:13

Upho rayen rhie phihọ ghwroro, ayen vwẹ ẹrenvwe rayen vwọ phiẹn ihwo. Obi rẹ ọrobiebi hẹ otọ rẹ ẹbẹrunu rayen

Iyẹnrẹ Esiri ri Luk 1:76

Wẹ, ọmọ, e che se we ọmraro rẹ Ọro Mekpenu; kidie wọ cha ka obaro kẹ Ọrovwohwo ra rhuẹrẹ idjerhe rọye,

Iyẹnrẹ Esiri ri Mak 16:18

ayen mu eredekọ, ayen da da obi kobi dede, i che se ru ayen emu ọvo-o; ayen ghwẹ abọ kpahe otu re hovwan, oma rẹ ayen ki kpo.

Matiu 1:25

Ayen ivẹ na mroma tavwe re ki vwiẹ ọmọ na-a; o de se odẹ roye Jesu.

Jẹnẹsis 49:17

Dan kọ dia ọrọdekọ vwe ugbo idjerhe, ọrobiebi vwẹ orhaghwa, rọ rhọvwe iyesi ukowọ ohwo rọ gua mi she kpuko.

Daniẹl 9:26

Edidjana ujorha gbe ivẹ na da wanu, ọ ra vwẹ ori te na ka cha nyavwọ kufia, ọ gbi che vwo emuọvo-o, ihwo rẹ osun na re cha cha, kẹ eye cha guọghọ orere na vẹ ẹshẹ na. Oba rọye oghwe rode ko che kuẹ, obo ba rọye ofovwi kọ cha dia; ẹkuafiotọ ọye e ji urhi rọye na.

Emọs 9:3

Owenẹ ayen sioma nu vwẹ enu rẹ ugbenu ri Kaniẹh Me je guọnọ ayen phia, owenẹ ayen sioma nu vwẹ obọtọ rẹ abadi, ki mi ji jẹ ọrọdekọ ra rhovwo ayen.

Iyẹnrẹ Esiri ri Luk 24:27

O de mu phihọ nẹ Mosis rhe kugbe emraro na ejobi, ọ da fan otọ rẹ ẹbe efuanfon na ejobi kpahe oma rọye kẹ ayen.