Jẹnẹsis 3:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Asakiephana ọrọdekọ kọye Me vwo aghwanre nọ eranvwe ri chekọ vwẹ aghwa rẹ Ọrovwohwo Ọghẹnẹ mare na. Ọ da ta kẹ aye na, Ọ dianẹ Ọghẹnẹ tare nẹ, Wọ re emamọ rẹ irhe rẹ udju na vuọvo-o?

Jẹnẹsis 3:1 Referans Kwoze

2 Kọrẹnt 11:3

Ẹkẹvuọvo oshọ mu vwẹ nẹ kirobo rẹ ọrọdekọ vwẹ ona phiẹn Ivi na, iroro rẹ ovwan che ghwru nẹ omamọ rẹ ẹga ru we vwo kẹ Kristi.

2 Kọrẹnt 11:14

A gbe ta-a, kidie ekpuyovwi rẹ Idẹbono vwẹ oma nẹ kerẹ amakashe rẹ urhukpe.

Ẹvwọphia 12:9

A da djẹ Okpodje rode na rhe otọ, ọrọdekọ rẹ awanre na, re se Idẹbono kugbe Ukọn na, ọphiẹn rẹ akpọ na ejobi–a da djẹ vẹ emakashe rọye ejobi wotọ.

Ẹvwọphia 20:2

O de shabọ họ okpodje na, ọrọdekọ rẹ awanre na, kọye hẹ Idẹbono kugbe Ukọn na, ọ da gba ikpe uriori,

Matiu 4:3

Idebono da rhe ọ da ta kẹ nẹ, Wọ da ghene dia ọmọ rẹ Ọghẹnẹ, gbe hirhe ibiekpẹn nana phihọ emu rere wọ re.

Matiu 10:16

Nighere mi ji ovwan kerẹ igegede re hẹ uherevie rẹ ikpohrokpo; wa gba ghwanre kerẹ ọrọdekọ, re we ru dẹndẹn kerẹ ilekuku.

Matiu 4:6

Ọ da ta kẹ, Wọ da ghene dia ọmọ rẹ Ọghẹnẹ, gbe pho rhe otọ; kidie e siro hẹ otọ nẹ, Ọ vwẹ ogangan kẹ emakashe rọye nẹ, E rhẹrẹ owẹ. Rere ayen yonrọn owẹ, rere awọ wẹn vwo jẹ oragha edje.

Aizaya 27:1

Vwẹ ẹdẹ yena Ọrovwohwo na kọ cha vwẹ oda rọye rode na rọ gangan na nyavwe Liviatan ọrọdekọ rọ djẹ na, Liviatan ọrọdekọ rọ chahe oma na, ko che hwe dragọn rọ dia evun rẹ abadi na.

Aghwoghwo 4:10

Kidie ọvo rẹ ayen de she, ọrivẹ kọ kparọ vrẹn; ẹkẹvuọvo ekan kẹ ohwo rẹ ọye ọvo yan usun ọke ro de she o rhe vwo ọrivẹ rọ kpaherọ vrẹ-ẹn.

Matiu 4:9

Ọ da ta kẹ nẹ, enana ejobi ke dia ewẹ, ọ da dianẹ wo diguẹ kẹ vwẹ re wọ da ga vwẹ.

1 Pita 3:7

Eriyin rhe ovwan eshare ri vwo eya, wa vwẹ iroro nene eya rẹ ovwan yeri, brigu hẹ ayen oma kidie eya na imihwo yẹghẹ, kidie te ovwan te eya na ri gbe koko reuku rẹ ẹserọphẹ rẹ arhọ na, rere e vwo jẹ ẹrhovwo rẹ ovwan ẹdajo.

Ẹvwọphia 12:15

Ọrọdekọ na de won ame buebu nẹ unu rọye rhe ku aye na, rere ọkẹre rọye vwo mu aye na yanran.