Jẹnẹsis 29:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Etiyin Jekọp de mu oyan rọye phihọ, o de rhi te otọ rẹ ihwo rẹ ọnre da vacha

Jẹnẹsis 29:1 Referans Kwoze

Iguẹdjọ 6:3

Kidie ọke rẹ ihwo rẹ Izrẹl da kọn ekankọn phihọ otọ nu ihwo ri Midian kugbe ihwo rẹ Amalẹk vẹ ihwo re dia obaro rẹ ọnre na Me kpare ohọnre bru ayen rhe;

Iguẹdjọ 6:33

Ọke yena ihwo rẹ Midian ejobi kugbe ihwo rẹ Amalẹk, kugbe re obaro rẹ ọnre de sioma koko, ayen da wan vrẹn Jọdan, re mu erhọn phihọ iyara ri Jẹzreel

Hosia 12:12

(Jekọp da djẹ kpo otọ rẹ Aram, etiyin Izrẹl da gẹga rẹ aye, fiki re aye o de sun igode.)

Aghwoghwo 9:7

Yanran, ra re ikara wẹn vẹ aghọghọ, rere wọ da udi wẹn vẹ omavwerhvwẹ vwẹ udu, kidie Ọghẹnẹ phi obọ phihọ obo wo ruru.

Une rẹ Ejiro 119:60

mi bru okpakpa me da oma ji-i rere me vwọ yọnrọn irhi wẹn.

Une rẹ Ejiro 119:32

Me djẹ nene idjerhe rẹ irhi wẹn vwẹ ọke wọ da hẹrẹ erianriẹn mẹ phihọ!

Ukeri 23:7

Etiyin Balaam de mu ikun egbe phihọ, ọ da ta, Nẹ Aram Balak da reyọ ovwẹ rhe, ovie ri Moab nẹ ugbenu rẹ obaro ọnre rhe; Yanrhe, mo duvwu Jekọp iyori kẹ vwẹ yanrhe, mọ rhe bọphiẹ Izrẹl!

1 Ivie 4:30

ọtiọye na aghwanre ri Solomọn da nọ aghwanre rẹ ihwo ejobi re dia obaro-ọnre na, kugbe aghwanre rẹ Ijipt ejobi.

Iguẹdjọ 8:10

Ọke nana Zeba kugbe Zalmunna vẹ otu ofovwi rẹ ayen e he evun ri Karkọr, ayen kerẹ eshare uriori ihwiori, enana ejobi na ihwo re dia obaro ọnre rẹ otu ofovwi ro chekọ; fikiridie eshare uriori ujọri gbe uje ra vwẹ ọlọkọ hwe vwẹ ofovwi na

Iguẹdjọ 7:12

Ihwo ri Midian kugbe ihwo rẹ Amalẹk kugbe ihwo rẹ obaro ọnre ejobi da tẹrẹ usun nene iyara na kerẹ ebaka kidie ayen pha buebu; iyesi rẹ ayen e se kere-e, otu rẹ ayen da dia buebu kerẹ ehavwo rẹ orhoma rẹ urhie.

Jẹnẹsis 25:20

Aizik ghwo te ikpe ujuvẹ, tavwe ọ ke reyọ Rebeka vwọ rọvwọ, ọmọtẹ ri Bẹtuẹl ohwo rẹ Aram rẹ orere ri Padanaram, oniọvo ri Laban rẹ ohwo rẹ Aram.

Jẹnẹsis 24:10

Etiyin odibo na da reyọ iyesi ihwe rẹ onini rọye ọ da yanran, ọ da reyọ oghoghẹre rẹ ekuakua ra vwọ phare ọkon mie onini rọye, o de vrẹn ọ da yanran kpo Mẹsopotemia, vwo kpo orere ri Nahọr.

Jẹnẹsis 25:6

Ẹkẹvuọvo emọ rẹ ayeobọ na ejobi ẹse kọye o di ru kẹ ayen, ọke rẹ ekpuyovwi rọye vwọ akpọ na ọ da hẹriẹ ayen abọ nẹ oma rẹ Aizik, vwo kpo orho rọ abọ rẹ ọnre da vacha.

Jẹnẹsis 35:1

Ọghẹnẹ da ta ki Jekọp, Vrẹn, yanran kpo Bẹtẹl, re wọ dia Etiyin; rere wọ dia Etiyin so agbada kẹ Ọghẹnẹ rọ vwẹ oma phia kẹ wẹ na ọke wọ vwọ djẹ nẹ obọ rẹ oniọvo wẹn Isọ.

Jẹnẹsis 35:7

ke Etiyin ọ da so agbada, o de se odẹ rẹ asan na El-Bẹtẹl, kidie Etiyin Ọghẹnẹ da vwẹ oma nẹ rọ vwọ djẹ nẹ obọ rẹ oniọvo rọye.