Jẹnẹsis 28:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Jọ vwẹ ebruphihọ rẹ Ebraham kẹ wẹ kugbe uvwiẹ wẹn ejobi, rere wọ vwọ sa reyọ otọ rẹ ihwo ru wọ kua bru na, re Ọghẹnẹ vwọ kẹ Ebraham na vwọ riuku.

Jẹnẹsis 28:4 Referans Kwoze

Galesha 3:14

rere vwẹ oma ri Jesu Kristi ebruphihọ rẹ Ebraham vwọ mrasan bru ihwo ri Keferi rhe, rere avwanre vwo vwo ive rẹ Erhi na fiki rẹ esegbuyota.

Jẹnẹsis 12:7

Etiyin Ọrovwohwo da vwẹ oma phia kẹ Ebram, ọ da ta, Uvwiẹ wẹn Me cha vwẹ otọ nana kẹ. O da so agbada kẹ Ọrovwohwo rọ vwẹ oma phia kẹ, vwẹ Etiyin na.

Ẹfesọs 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi, ro bruphihọ kẹ vwi Kristi vẹ emu buebu rẹ erhi guọnọre vwẹ obo odjuvwu,

Une rẹ Ejiro 39:12

Nyo ẹrhovwo mẹ, E Ọrovwohwo, kerhọn rẹ oviẹ mẹ; wo rhurhu unu kẹ ame oviẹ mẹ-ẹ! kidie mẹvwẹ ọrhorha ukpo, ro di suosuo, kirobo rẹ ọsẹ mẹ epha

Galesha 3:8

Re ẹbe ọfuanfon na, vwọ mrẹ nẹ Ọghẹnẹ cha vwẹ ase kẹ ihwo ri Keferi fiki rẹ esegbuyota, ọye o vwo ghwoghwo iyẹnrẹ esiri na kẹ Ebraham jovwo nẹ Vwẹ oma wẹn ọye ẹgborho na ejobi wan vwo ebruphihọ.

Une rẹ Ejiro 72:17

Jẹn odẹ rọye tọn hẹnrẹn hẹnrẹn, usi rọye kọ dia kreki kerẹ ọnre na! Jẹn ihwo wan oma rọye vwo ebruphihọ, ẹgborho na ejobi ki se nẹ ebruphihọ!

Jẹnẹsis 15:8

Ẹkẹvuọvo ọ da ta, E Ọrovwohwo Ọghẹnẹ, komavọ mi ru riẹn nẹ mi che vwo otọ na?

Jẹnẹsis 27:33

Etiyin Aizik kọ phariẹ guegue, ọ da ta, Kono ri hwe eranvwe ro de muo rhe vwe, Me rerọ ejobi nu tavwe wọ ke rhe, Me je vwẹ ẹrhovwo kẹ nureọ? uyota ke bruphihọ kẹ.

Jẹnẹsis 37:1

Jekọp da dia otọ rẹ ọsẹ rọye da ọrharha jovwo na, vwẹ otọ ri Kenan

Ẹyano 6:4

Me vẹ ayen da re ọphọ, nẹ me vwẹ otọ rẹ Kenan na kẹ ayen, otọ rẹ ayen da dia erhorha na.

1 Ikun rẹ Ivie 29:15

Kidie avwanre erhorha vwẹ obaro wẹ, avwanre ihwo re kua rhe, kirobo rẹ esẹ rẹ avwanre epha; ẹdẹ rẹ avwanre vwẹ akpọ na họhọ uhoho, rọ sa dia bẹdẹ-ẹ,