Jẹnẹsis 27:43 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴³ Wẹ ọmọ mẹ, kerhọ mẹ, vrẹn, wọ djẹ bru Laban rẹ oniọvo mẹ vwi Haran,

Jẹnẹsis 27:43 Referans Kwoze

Jẹnẹsis 27:8

Fiki rẹ ọtiọye na ọmọ mẹ, gbe nyo ota na re Me ta kẹ wẹ na.

Jẹnẹsis 11:31

Terah da reyọ Ebram rẹ ọmọ rọye vi Lọt rẹ ọmọ ri Haran, rẹ ovwrọmọ rọye, vi Serai rẹ aye rẹ ọmọ rọye Ebram, ayen ejobi de ku usun phihọ ni Ur ri Kaldia vwo kpo Kenan, ẹkẹvuọvo rẹ ayen vwo te Haran ayen da daji Etiyin.

Jẹnẹsis 27:13

Oni rọye da ta kẹ, Jẹn eka ra harhe owẹ dia uyovwi mẹ, ọmọ mẹ, takpi nyo ota mẹ ru wọ yanran, re mu eranvwe na rhe vwe.

Iruo rẹ Iyinkọn na 5:29

Ẹkẹvuọvo Pita kugbe otu rẹ iyinkọn na da kpahe nẹ, Avwanre se mu ọghọ kẹ Ọghẹnẹ nọ ihwo rẹ akpọ.

Jerimaya 35:14

Urhi ri Jonadab ọmọ ri Rekab vwọ kẹ emọ rọye, nẹ ayen da waini-i, ayen yonrọn; ayen dare rhi te none na-a, kidie ayen yọnron urhi rẹ ọsẹ rayen, mi dje ovwan ẹtẹta kẹ, ẹkẹvuọvo wa kerhọn mẹ-ẹ.

Isẹ 30:17

Ẹro rọ vwẹ ọsọmọ jehwẹ rẹ ọjẹfia jo mu ọghọ kẹ oni rọye-e, okpemu rọ dia evun rẹ iyara cha sọhrọ, ekala ke cha riọ.

Jẹnẹsis 28:7

Jekọp de nyo ota rẹ ọsẹ rọye kugbe oni rọye ọ da yanran kpo Padanaram.

Jẹnẹsis 24:29

Rebeka vwo oniọvo re se Laban; Laban da djẹ bru ohwo na, vwẹ obo ogbugbu na.

Jẹnẹsis 28:10

Jekọp da yan ni Bẹẹrsheba, o de hirhe aro ku Haran.

Jẹnẹsis 27:42

Ẹkẹvuọvo eta rẹ Isọ na rẹ ọmọkpako rọye na e de rhi gbe ayen kẹ Rebeka; o de ji ohwo re se Jekọp rẹ omotete rọye na, ọ da vuẹ nẹ, Nighe, Isọ rẹ oniọvo wẹn ọ rọ jẹn iroro ro vwo hwe we, ọke o di nẹ na.

Jẹnẹsis 28:5

Enẹ kọye Aizik ji Jekọp yanran, ọ da yan kpo Padanaram bru Laban, rẹ ọmọ ri Bẹtuẹl ohwo ri Aram, rẹ oniọvo ri Rebeka, rẹ oni ri Jekọp kugbe Isọ.

Jẹnẹsis 35:1

Ọghẹnẹ da ta ki Jekọp, Vrẹn, yanran kpo Bẹtẹl, re wọ dia Etiyin; rere wọ dia Etiyin so agbada kẹ Ọghẹnẹ rọ vwẹ oma phia kẹ wẹ na ọke wọ vwọ djẹ nẹ obọ rẹ oniọvo wẹn Isọ.

Jẹnẹsis 25:20

Aizik ghwo te ikpe ujuvẹ, tavwe ọ ke reyọ Rebeka vwọ rọvwọ, ọmọtẹ ri Bẹtuẹl ohwo rẹ Aram rẹ orere ri Padanaram, oniọvo ri Laban rẹ ohwo rẹ Aram.