Jẹnẹsis 27:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Bi te vwe oma te, rere Me vwẹ obọ te we, ọmọ mẹ, rere mi vughe uwe se owẹ Isọ eyẹ ohwo ọfa.

Jẹnẹsis 27:21 Referans Kwoze

Jems 4:8

Si kẹrẹ Ọghẹnẹ, rere o si kẹrẹ owẹ. Hworhẹ abọ rẹ ovwan iruimwemwu na; hworhẹ udu rẹ ovwan rọ fon, ovwan otu ri vwo iroro ivẹ.

Aizaya 57:19

Ufuoma, ufuoma, kẹ otu re kẹre kugbe otu ri sheri, eriyin Ọrovwohwo tare; ki Mi sivwo.

Une rẹ Ejiro 73:28

Ẹkẹvuọvo vwọ kẹ vwẹ o yoma mi vwo si kẹre Ọghẹnẹ, Me vwẹ Ọrovwohwo Ọghẹnẹ ru asan odjahọ mẹ, rere mi se vwo gbe ikun rẹ iruo wẹn ejobi.

Jẹnẹsis 27:12

Ọkeọvo ọsẹ mẹ cha vwẹ obọ te vwe, ke Me họhọ ohwo rọ vwọ jehwẹ, ke Me vwo eka kẹ oma mẹ ọ rha dia ẹrhovwo-o.

Jẹnẹsis 27:22

Etiyin Jekọp de si kẹrẹ Aizik rẹ ọsẹ rọye, ọ da vwẹ obọ gbe ọ da ta, Urhuru na urhuru ri Jekọp, ẹkẹvuọvo abọ na kiri abọ rẹ Isọ.