Jẹnẹsis 26:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ọke rẹ ihwo rẹ asan na vwọ nọ ekpẹn rẹ aye rọye, ọ da ta, Oniọvo mẹ oruẹ; kidie oshọ muro rọ vwọ ta nẹ, Aye mẹ, ko roro nẹ ihwo rẹ asan na che hwe ọye fiki ri Rebeka, kidie oyovwiri gangan.

Jẹnẹsis 26:7 Referans Kwoze

Isẹ 29:25

Oshọ rẹ ohwo djẹ kpahe ufi vwọ kẹ, ẹkẹvuọvo ohwo rọ vwẹ ẹro so Ọrovwohwo na cha rhọ.

Jẹnẹsis 20:2

Ebraham da ta kẹ Sera rẹ aye rọye, Wẹ oniọvo mẹ, Abimẹlẹk ovie ri Gẹra de ji ukọ ra reyọ Sera.

Jẹnẹsis 12:13

Gba ta kẹ ayen nẹ wẹ oniọvo mẹ, rere o vwo yovwi kẹ vwẹ fiki wẹ, rere Me mrasan rhọ fiki wẹ.

Jẹnẹsis 24:16

Ọmọtẹ na vwo erhuvwu gangan, ọmọtobe, rọ je riẹn ọshare-e. Kọ yanran kpo obo ogbugbu na, o de vo ame vọn ochẹ na, kọ yan cha.

Kolose 3:9

Wa vwọnrọn efian kẹ ohwohwo-o, kidie ovwan siobọ nẹ ohwo rẹ awanre na vẹ uruemu rọye ejobi nure.

Ẹfesọs 5:25

Eshare na, wa guọnọ eya rẹ ovwan, kirobo ri Kristi guọnọ ishọshi rọye ọ da vwẹ oma rọye vwọ kẹ,

Matiu 10:28

Ovwan djẹ oshọ rẹ ohwo ro se hwe ugboma-a, ẹkẹvuọvo wa djẹ oshọ rẹ ohwo rọ se hwe ẹnwẹn.

Jẹnẹsis 20:5

Ọ dianẹ ọye ọvo re ta kẹ vwẹ nẹ, Oniọvo mẹ? Okpuyovwi rẹ aye na da je tanẹ, Oniọvo mẹ. Vwẹ ọvwata rẹ udu mẹ kugbe abọ ọfuanfon mẹ ọye mi vwo ru ọna.

Jẹnẹsis 12:11

Ọke ro che vwo te otọ rẹ Ijipt re, ọ da ta kẹ Serai rẹ aye rọye, Me riẹnre nẹ wẹ aye vẹ erhuvwu siẹ re de ni we.

Jẹnẹsis 20:11

Ebraham da ta, Mi ruro fikiridie mi rori nẹ, Oshọ ẹdjẹ rẹ Ọghẹnẹ ọ etinẹ-ẹ, ayen de rhe hwe vwe fiki rẹ aye mẹ.

Jẹnẹsis 26:6

Kọye Aizik da dia Gẹra.

Jẹnẹsis 26:8

Rọ vwọ dia Etiyin krekri re, Abimẹlẹk ovie ri Filistia vwo nẹ evakpo ọ da mrẹ Aizik rọ vẹ Rebeka bẹnẹ.

Jẹnẹsis 29:17

Ibiẹro ri Leah pha rhukpu rhukpu, ẹkẹvuọvo ọ ri Rachel pha sasasa yoyovwi.

Jẹnẹsis 12:15

Rẹ emọ rẹ ovie Fero, vwọ mrẹ, ayen de jiro ki Fero. A da reyọ aye na vwo rhe Fero.