Jẹnẹsis 26:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Etiyin ọ da so agbada o de se odẹ rẹ Ọrovwohwo, ọ da ghwa fa ọko phihọ Etiyin. Idibo rẹ Aizik da tọn orhare vwọ asan na.

Jẹnẹsis 26:25 Referans Kwoze

Une rẹ Ejiro 116:17

Ki mi ze izobo rẹ ẹkpẹvwẹ kẹ wẹ ri mi se odẹ rẹ Ọrovwohwo na.

Jẹnẹsis 13:18

Ebram da ghwiẹ utughẹ rọye, ọ da rhe dia kẹrẹ ọhahe ri Mamre, rọ kẹrẹ Hebrọn, kẹ Etiyin ọ da so agbada kẹ Ọrovwohwo.

Ẹyano 17:15

Mosis da so agbada o de se odẹ rọye, Ọrovwohwo aphiana mẹ,

Jẹnẹsis 35:1

Ọghẹnẹ da ta ki Jekọp, Vrẹn, yanran kpo Bẹtẹl, re wọ dia Etiyin; rere wọ dia Etiyin so agbada kẹ Ọghẹnẹ rọ vwẹ oma phia kẹ wẹ na ọke wọ vwọ djẹ nẹ obọ rẹ oniọvo wẹn Isọ.

Jẹnẹsis 33:20

Ọ da so agbada phihọ Etiyin o de se odẹ rọye El-Elohe Izrẹl.

Jẹnẹsis 22:9

Ọke rẹ ayen rhi vwo te asan rẹ Ọghẹnẹ ta kẹ na, Ebraham da so agbada vwẹ Etiyin, ọ da rhuẹrẹ irhe na phihọ, ọ da gba Aizik rẹ ọmọ rọye na o de muo kpahe enu rẹ agbada na, rọ enu rẹ irhe na.

Jẹnẹsis 13:4

re te asan rẹ Ebram ka so agbada phihọ ẹsosuọ na; Ebram de se odẹ rẹ Ọrovwohwo vwẹ Etiyin.

Jẹnẹsis 8:20

Noa da so agbada kẹ Ọrovwohwo, ọ da reyọ eranvwe keranvwe ro tete oma, kugbe kọphra kọphra ro tete oma, o de ze izobo rẹ ẹtorhẹ vwẹ enu rẹ agbada na.

Jẹnẹsis 4:26

Sẹt de rhe vwiẹ ọshare re se odẹ rọye Inọsh. Vwẹ ọke yena yẹ ihwo ghwe mu odẹ rẹ Ọghẹnẹ ese obọ.

Jẹnẹsis 26:32

Ẹdẹ yena vuọvo na idibo rẹ Aizik da rhe vuẹ kpahe orhare rẹ ayen tọnre, ayen da ta ke, Avwanre mrẹ ame re.