Jẹnẹsis 26:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Aizik da rhoma tọn erhare ra tọnre vwẹ ọke rẹ Ebraham ọsẹ rọye, fikiridie ihwo ri Filistia gbe ayen vwẹ ọke rẹ Ebraham vwo ghwu nu, o de mu edẹ rẹ ọsẹ rọye mu kẹ ayen jovwo na kẹ ayen.

Jẹnẹsis 26:18 Referans Kwoze

Zekaraya 13:2

Je vwẹ ẹdẹ yena, Ọrovwohwo rẹ otuofovwi tare, mi che si edẹ rẹ ema nẹ otọ na, ra gbe karohọ ayen ọfa-a; eriyin rhe mi ji si emraro vẹ erhi re ijẹfuọn nẹ otọ na.

Hosia 2:17

Kidie mi si odẹ ri Baal nẹ unu rọye, e gbi se odẹ rayen ọfa-a.

Une rẹ Ejiro 16:4

Otu re jẹn ọghẹnẹ ọfa reyọ oja rayen ki buphihọ ọbara rayen ra jẹ kuotọ me sa je kuotọ-ọ eye me cha vwẹ unu mẹ se odẹ raye-en.

Ukeri 32:38

Nebo, kugbe Baalmeọn (odẹ rayen e che wene), kugbe Sibmah; ayen de mu edẹ efa kẹ irere rẹ ayen bọnre na.

Jẹnẹsis 21:31

Fiki rẹ ọtiọye na e de se asan na Bẹẹrsheba, fikiridie Etiyin ayen ihwo ivẹ na da re ọphọ.

Jẹnẹsis 21:25

Ọke rẹ Ebraham vwo gu kẹ Abimẹlẹk kpahe orhare rẹ ame rẹ idibo rẹ Abimẹlẹk gborhori.

Jẹnẹsis 26:17

Etiyin Aizik de vrẹn nẹ Etiyin, o de mu erhọn phihọ ushekpotọ ri Gẹra kẹ Etiyin ọ diare.

Jẹnẹsis 26:19

Ẹkẹvuọvo ọke rẹ idibo rẹ Aizik vwọ tọn ushekpotọ na ayen da mrẹ orhare rẹ ogbugbu rẹ ame,

2 Ikun rẹ Ivie 26:10

Ọ da bọn ehẹrhẹ phihọ obo aghwa ọ da tọn ikpotọ buebu, kidie o vwo ekru rẹ uchuru ride, vwẹ obo Shẹfela ji kugbe obo uphẹphẹ, o de vwo eghwẹrẹ kugbe ihwo rẹ rhuẹrẹ vain vwẹ obo igbenu na kugbe etọ ri yovwẹ emu na, kidie udju evoro vwerhọ.

Jẹnẹsis 21:30

O da ta, Igodẹ rẹ eya nana ighwrẹ na gba reyọ ayen mie vwe, rere e dia iseri nẹ mẹvwẹ ri ghine tọn orhare na.