Jẹnẹsis 26:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Aizik de voro udju ukpe yena vwẹ otọ na, o de vun ujori. Ọrovwohwo de bruphihọ kẹ,

Jẹnẹsis 26:12 Referans Kwoze

Jẹnẹsis 26:3

Dia ukane wẹn vwe otọ nana, ki mi nene uwe dia, ki mi bruba kẹ wẹ; kidie vwọ kẹ wẹ vẹ uvwiẹ wẹn Me cha vwẹ etọ nana kẹ, ki mi ru ive ri mi veri kẹ Ebraham rẹ ọsẹ wẹn gba.

Iyẹnrẹ Esiri ri Mak 4:8

Efa de she phihọ otọ rẹ esiri, e da djẹ phia, ẹ da mọ, ẹvo ọgban, ẹvo ujorha, ẹvo ujori.

Aghwoghwo 11:6

Kọn ekankọn vwẹ irhiọke, kugbe ọke rẹ ovwọnvwọn wọ kẹkẹ obọ-ọ; kidie wọ riẹn ọ ro che yovwẹ-ẹ, se ọnana eyẹ ọyena, eyẹrẹ ivẹ na ri che yovwẹ kuẹgbe.

Une rẹ Ejiro 67:6

Akpọ na yovwi emu buebu; Ọghẹnẹ, Ọghẹnẹ rẹ avwanre, o bruphihọ kẹ avwanre nure.

Jẹnẹsis 24:35

Ọrovwohwo nabọ bruphihọ kẹ onini mẹ gangan, kẹ okpohwo rode, ọ vwẹ uchuru kẹ vẹ ekru rẹ eranvwe, idọnọ efuanfon vẹ iro, idibo rẹ eshare kugbe erẹ eya, iyesi kugbe ekẹtẹkẹtẹ.

Jẹnẹsis 24:1

Asakiephana Ebraham ghworo, ọ tọnre gangan; Ọrovwohwo de bruphihọ kẹ Ebraham vwẹ emu buebu

1 Kọrẹnt 3:6

Me kọnre, Apolọs ku ame ku, ẹkẹvuọvo Ọghẹnẹ kọye nẹrhẹ ayen djẹ.

Zekaraya 8:12

Kidie ekọn rẹ ufuoma cha dia, vain cha mọ emamọ rọye, otọ na cha ghwẹ ebuo rọye rhe, idjuvwu che rho irho ki mi che ru imihwo ri chekọ vwọ reuku rẹ emu nana ejobi

ỌBE RẸ JOB 42:12

Ọrovwohwo de bruba ukuko rẹ akpo ri Job no ẹtuophihọ rọye; o de vwo igegede uriori ihwẹne, karmẹl uriori esan, ekru rẹ irhuẹn uriori, ekẹtẹkẹtẹ rẹ eya uriori.

Jẹnẹsis 30:30

Kidie uchuru wẹn pha tutuno vwẹ ọke re Me vwọ rhe, nẹ ọke yena rhe na i de bu gangan, Ọrovwohwo de bruphihọ kẹ wẹ vwi kabọ kabọ. Asakiephana kẹ ọke vọ Me rha vwọ wian kẹ omobọ mẹ?

Matiu 13:8

Ẹfa de she phihọ otọ esiri, e da djẹ e da mọ emamọ, evo ujori, evo ujorha, evo ọgban.

Une rẹ Ejiro 72:16

E jẹn ọka buebu dia otọ na; vwẹ enu rẹ igbenu na etiyin i de kpogho; e jẹn emamọ rọye dia kerẹ Lebanọn; e jẹn ihwo varhe gbọdọ gbọdọ ne irere na rhe kerẹ odi rẹ udju!

Matiu 13:23

Ọ ra kọn phihọ otọ rẹ esiri na, eye hẹ edje ri nyo ota na, re riẹn otọ rọye, e da ghene mọ emamọ, evo ujori, evo ujorha, evo ọgban.

Jẹnẹsis 26:29

nẹ wo kpokpo avwanre-e, kirobo rẹ avwanre vwẹ obọ te we-e, Me ji ru we emuọvo-o jokpa rẹ uyoyovwi avwanre ki rhe siobọ nẹ uwe kpo egberhẹnẹdẹ. Asakiephana wẹ kẹ ohwo rẹ Ọrovwohwo bruphihọ kẹ.

Isẹ 10:22

Ebruphihọ rẹ Ọrovwohwo nẹrhẹ efe cha, ọ vwẹ enuebro ba-a.

Jẹnẹsis 25:11

Rẹ Ebraham vwo ghwunu Ọghẹnẹ de bruphihọ kẹ Aizik rẹ ọmọ rọye. Aizik da dia Beer-lahai-roi.