Jẹnẹsis 24:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Ọshare na da fọ ko di no rọ vwọ riẹn se Ọghẹnẹ phi erhuvwu phihọ oyan rọye na eyẹ ẹjo.

Jẹnẹsis 24:21 Referans Kwoze

Une rẹ Ejiro 107:43

Onọ re ghwanre jọ kerhọn re imu nana, jẹn ihwo roro ẹguọnọ re Ọrovwohwo ro je rhẹriẹ na.

Jẹnẹsis 24:12

Ọ da ta, E Ọrovwohwo, Ọghẹnẹ rẹ onini mẹ Ebraham, ju vwe phi kparobọ nonẹ, Me rẹ wẹ, re wọ vwẹ evuesiri wẹn na vwọ nẹ onini mẹ Ebraham.

Iyẹnrẹ Esiri ri Luk 2:51

Ọ vẹ ayen da yanran kpo Nazarẹt, ọ da vwẹ oma kpotọ kẹ ayen; oni rọye de phi eta nana vwọ hẹ evun.

Iyẹnrẹ Esiri ri Luk 2:19

Ẹkẹvuọvo Meri de phi eta nana ra ta kẹ na vwọ hẹ vun.

Une rẹ Ejiro 107:15

Jẹn ayen kpẹvwẹ Ọrovwohwo fiki re ẹguọnọ rọye ro je rhẹriẹ, fiki rẹ iruo re igbunu rọye ro ru ke ẹmo rẹ ihwo!

Une rẹ Ejiro 107:8

Jẹn ayen kpẹvwẹ Ọrovwohwo fiki re ẹguọnọ rọye ro je rhẹriẹ, fiki rẹ Iruo re igbunu rọye ro ru ke emọ re ihwo!

Une rẹ Ejiro 107:1

E vwẹ ẹkpẹvwẹ kẹ Ọrovwohwo, kidie oyovwiri; kidie ẹguọnọ rọye ro jẹ rhẹriẹ herọ rhiri bẹdẹ!

Jẹnẹsis 24:56

Ẹkẹvuọvo ọ da ta kẹ ayen, Wa da vwẹ jẹ-ẹ, rẹ Ọrovwohwo vwo ru oyan mẹ yovwi nure na, ju vwe kpo bru onini mẹ.

Jẹnẹsis 24:20

Kpata kpata na o de ghwe rhurie ame na phihọ odo, ọ da ghwa djẹ yanran re vo vwọ kẹ iyesi na.

Jẹnẹsis 24:27

ọ da ta, Ebruphihọ kẹ Ọrovwohwo Ọghẹnẹ rẹ onini mẹ Ebraham, ro se siobọ nẹ ẹguọnọ ro jẹrhẹriẹ kugbe evuesiri ro vwo kpahe onini mẹ. Vwọ kẹ vwẹ, Ọrovwohwo ri sun vwe vwẹ idjerhe rhi te uwevwi rẹ omoni rẹ onini mẹ.