Jẹnẹsis 24:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ọmọtẹ na vwo erhuvwu gangan, ọmọtobe, rọ je riẹn ọshare-e. Kọ yanran kpo obo ogbugbu na, o de vo ame vọn ochẹ na, kọ yan cha.

Jẹnẹsis 24:16 Referans Kwoze

Jẹnẹsis 26:7

Ọke rẹ ihwo rẹ asan na vwọ nọ ekpẹn rẹ aye rọye, ọ da ta, Oniọvo mẹ oruẹ; kidie oshọ muro rọ vwọ ta nẹ, Aye mẹ, ko roro nẹ ihwo rẹ asan na che hwe ọye fiki ri Rebeka, kidie oyovwiri gangan.

Solomon 5:2

Me vwerhẹre, ẹkẹvuọvo udu mẹ da rhọvwọ. kerhọn! ọnse mẹ ro je vwe re hworo ẹchẹ. Rhie kẹ vwẹ, oniọvo mẹ, ọnse mẹ, ilekuku mẹ, ọvuọvo mẹ rọ gbare, kidie uyovwi mẹ kpọrhọre vẹ irho, osusu mẹ vẹ irho rẹ ason.

Jẹnẹsis 39:6

Kọye ọ da yan jobo ro vwori ejobi vwo ki Josẹf, ro vwo jẹn ayen vwo kẹ nu ọ gbe ro ẹnwa rẹ emuọvo jokpa re obo rọ ria ọvo. Josẹf re dje na ohwo erhuvwu gangan.

Jẹnẹsis 4:1

Vwẹ ọke nana Adam da rhe riẹn aye rọye Ivi, ọ da mrevun o de vwiẹ Ken, tanẹ, Mi vwiẹ ohwo vwẹ ọchuko rẹ Ọrovwohwo.

Jẹnẹsis 12:11

Ọke ro che vwo te otọ rẹ Ijipt re, ọ da ta kẹ Serai rẹ aye rọye, Me riẹnre nẹ wẹ aye vẹ erhuvwu siẹ re de ni we.

Jẹnẹsis 29:17

Ibiẹro ri Leah pha rhukpu rhukpu, ẹkẹvuọvo ọ ri Rachel pha sasasa yoyovwi.