Jẹnẹsis 24:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ọ da ta, E Ọrovwohwo, Ọghẹnẹ rẹ onini mẹ Ebraham, ju vwe phi kparobọ nonẹ, Me rẹ wẹ, re wọ vwẹ evuesiri wẹn na vwọ nẹ onini mẹ Ebraham.

Jẹnẹsis 24:12 Referans Kwoze

Jẹnẹsis 24:27

ọ da ta, Ebruphihọ kẹ Ọrovwohwo Ọghẹnẹ rẹ onini mẹ Ebraham, ro se siobọ nẹ ẹguọnọ ro jẹrhẹriẹ kugbe evuesiri ro vwo kpahe onini mẹ. Vwọ kẹ vwẹ, Ọrovwohwo ri sun vwe vwẹ idjerhe rhi te uwevwi rẹ omoni rẹ onini mẹ.

Ivie rẹ Ivẹ 2:14

Etiyin ọ da reyọ ukpo rẹ Ilaija ro she va abọ na, ọ da vwọ fa ame na, ọ da tanẹ, Tivọ Ọrovwohwo Ọghẹnẹ rẹ Ilaija na epha? Ọke rọ vwọ ghwiẹ ame na nu, ame na da hẹriẹ oma ẹkẹn ivẹ. Ilaesha da wan vrẹn.

Ẹyano 3:15

Ọghẹnẹ da ta kẹ Mosis rhe, Ta ọnana kẹ ihwo rẹ Izrẹl, Ọrovwohwo na, Ọghẹnẹ rẹ esẹ rẹ ovwan, Ọghẹnẹ rẹ Ẹbraham, Ọghẹnẹ rẹ Aizik, Ọghẹnẹ rẹ Jekọp, ọyen ju vwe bru ovwan rhe: ọnana odẹ mẹ bẹdẹ, enẹ a vwọ karophiyọ ovwẹ vwẹ evun rẹ uvwiẹ na ejobi.

Ẹyano 3:6

Ọ da ta, “Mẹvwẹ Ọghẹnẹ rẹ ọsẹ wẹn, Ọghẹnẹ rẹ Ebraham, Ọghẹnẹ rẹ Aizik vẹ Ọghẹnẹ rẹ Jekọp.’’ Etiyin Mosis de si opharo rọye nu, fikiridie oshọ ro vwo ni Ọghẹnẹ muro.

Jẹnẹsis 26:24

Ọrovwohwo da vwẹ oma phia kẹ vwẹ ason yena ọ da ta, Mẹvwẹ Ọghẹnẹ rẹ Ebraham rẹ ọsẹ wẹn, wọ djoshọ-ọ, kidie Me vẹ owẹ herọ ki mi bruphihọ kẹ wẹ uvwiẹ wẹn ko bu phihọ fiki rẹ odibo mẹ Ebraham.

Jẹnẹsis 24:48

Etiyin mi de gbe uyovwi kpotọ Me da ga Ọrovwohwo, mi de bruphihọ kẹ Ọrovwohwo, Ọghẹnẹ rẹ onini mẹ Ebraham, ro sun vwe wan idjerhe esiri ra reyọ ọmọtẹ rẹ uwevwi rẹ onini mẹ vwọ kẹ ọmọ rọye.

Jẹnẹsis 24:42

Nonẹ na ki mi rhi te ogbugbu na, Me da ta, Ọrovwohwo, Ọghẹnẹ rẹ onini mẹ Ebraham, vwẹ enẹ na aruesiri wẹn de se nene uvwe vwẹ idjerhe re Me ra na,

Filipae 4:6

Wa ro ẹnwan rẹ emuọvo-o, ẹkẹvuọvo vwi kemu kemu orẹ kugbe oyare kugbe ẹkpẹvwẹ ta ọdavwẹ wẹn kẹ Ọghẹnẹ.

Matiu 22:32

Mẹvwẹ Ọghẹnẹ rẹ Ebraham, Ọghẹnẹ rẹ Aizik, kugbe Ọghẹnẹ ri Jekọp. Ọghẹnẹ dia Ọghẹnẹ rẹ otu ri ghwuru-u, ẹkẹvuọvo ọ rẹ ihwo ekpokpọ.

Isẹ 3:6

Vwẹ idjerhe wẹn ejobi rhọvwọ; kọ cha kpọ idjerhe wẹn ejobi vi.

Une rẹ Ejiro 127:1

Jokpa nẹ Ọrovwohwo na bọn uwevwi na-a, yẹ otu re bọnrọ ruiruo kufia. Jokpa nẹ Ọrovwohwo rhẹrẹ orere na, yẹ ọrherotọ rhẹrẹ kufia.

Une rẹ Ejiro 122:6

Nẹ ẹrhovwo kẹ ufuoma ri Jerusalẹm! Jẹn ihwo re guọnọ owẹ mrẹ erhuvwu!

Une rẹ Ejiro 118:25

Sivwi avwanre, ma rẹ wẹ, E Ọrovwohwo! E Ọrovwohwo, ma re wẹ, kẹ avwanre obọẹkparọ

Une rẹ Ejiro 37:5

Phi idjerhe wẹn phihọ obọ rẹ Ọrovwohwo, vwẹ ẹro vwọ suọ, ko ruo kẹ wẹ.

Nehemaya 2:4

Etiyin ovie na da ta kẹ vwẹ, kẹ obọ rẹ ono wọ da yare oyare na? Kẹ etiyin me da nẹ ẹrhovwo kẹ Ọghẹnẹ rọ hẹ ọbo odjuvwu.

Nehemaya 1:11

E Ọrovwohwo, jẹn erhọn wẹn nabọ rhie phihọ ke ẹrhovwo re odibo wẹn, ji kugbe ẹrhovwo re idibo wẹn re vwe omavwerhe dje oshọ re odẹ wẹn na, wọ vwe obọekparọ ke odibo wẹn nonẹ na, re wọ ke arọdọvwe wẹn, vwẹ obaro re ohwo nana. Asakiephana mẹvwẹ ọye omuidi rẹ ovie na.

1 Ivie 18:36

Ọke rẹ izobo rẹ ẹtorhẹ na vwo te, Ilaija rẹ ọmraro na de si kẹrẹ ọ da ta, E Ọrovwohwo, Ọghẹnẹ rẹ Ebraham, Aizik, kugbe Izrẹl, jẹn a riẹn nonẹ na nẹ wẹ ọfuanfon rọ hẹ Izrẹl, nẹ mẹvwẹ kẹ odibo wẹn, nẹ ota wẹn mi vwo ruẹ imu nana.

Jẹnẹsis 43:14

E jẹn Ọghẹnẹ ro vwo Ẹgba kẹ ovwan aruẹdọn vwẹ obaro rẹ ohwo na, rere o siobọ nẹ ọmọsẹ wẹn ro chekọ vi Bẹnjamin rhe. Ọ da dianẹ emu ru emọ Me nana ivẹ na, ye okpemu ri ru vwe.

Jẹnẹsis 32:9

Jekọp da ta, E Ọghẹnẹ rẹ ọsẹ mẹ Ebraham kugbe Ọghẹnẹ rẹ ọsẹ mẹ Aizik, E Ọrovwohwo rọ ta kẹ vwẹ nẹ, Rhivwi kpo orho wẹn bru uvwiẹ wẹn, ki mi ru we yovwi,

Jẹnẹsis 31:42

Ọ dianẹ kẹ Ọghẹnẹ rẹ ọsẹ mẹ, Ọghẹnẹ rẹ Ebraham kugbe oshọ rẹ Aizik nene uvwe dia vwo-o, yo muẹro nẹ abọ ofefe wa vwọ djẹ vwẹ kpọ, Ọghẹnẹ mrẹ oma elaghọ mẹ kugbe owian rẹ abọ mẹ, ọ da ghwọ ku we ason rọ wanre na.

Jẹnẹsis 28:13

O vwo ni, Ọrovwohwo de mudia obenu rọye ọ da ta, Mẹvwẹ Ọrovwohwo na, Ọghẹnẹ rẹ Ebraham na rẹ ọsẹ wẹn kugbe Ọghẹnẹ rẹ Aizik, otọ ru wo shevwerhẹ phihọ na Me vwọ kẹ wẹ kugbe uvwiẹ wẹn ejobi,

Jẹnẹsis 27:20

Ẹkẹvuọvo, Aizik da ta kẹ ọmọ rọye, Mavọ wọ ghwa fobọ mrẹ eranvwe na phẹrẹkpẹ ọtiọye, ọmọ Me? Ọ da kpahe, Kidie Ọrovwohwo rẹ Ọghẹnẹ wẹn vwe rọ kẹ vwẹ. Aizik da ta ke Jekọp,

Jẹnẹsis 27:10

ku wo muo rhe ọsẹ wẹn rọ re, rere ọ nẹ ẹrhovwo kẹ wẹ ro ki ghwu.

Jẹnẹsis 15:1

Rẹ imu nana vwọ wan nu ota rẹ Ọrovwohwo de bru Ebram rhe vwẹ evwerhẹ, Wọ djẹ oshọ-ọ, Ebram, mẹvwẹ ekpọfia wẹn, osa wẹn cha rho gangan.

Jẹnẹsis 24:21

Ọshare na da fọ ko di no rọ vwọ riẹn se Ọghẹnẹ phi erhuvwu phihọ oyan rọye na eyẹ ẹjo.

Jẹnẹsis 32:10

mi fo ohwo rọ sa mrẹ ivuavwerhe wẹ-ẹn kugbe ọvwata wẹ-ẹn ru wo dje phia kẹ odibo wẹn na, fikiridie ku ovwẹ ku ugbọphogho nana Me vwọ wan Jọdan vrẹn, vwẹ ọke nana mẹvwẹ kẹ usun ivẹ.