Jẹnẹsis 24:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ọ da vwẹ iyesi na shevwerhẹ otọ vwẹ ughere rẹ orere na vwẹ orhoma rẹ orhare vwẹ ọke rẹ ovwọnvwọn, rẹ eya vwo kpo ame evo.

Jẹnẹsis 24:11 Referans Kwoze

1 Samuẹl 9:11

Rẹ ayen vwo yere ugbenu na kpo obo orere na, ayen da vwa emetẹ ri re vo ame, ayen da nọ ayen, ọmrorẹ na hẹ etinẹ?

Iyẹnrẹ Esiri ri Jọn 4:7

Etiyin aye ri Sameria ọvo de rhi vo ame. Jesu da ta kẹ, Kẹ vwẹ ame da.

Ẹyano 2:16

Asakiephana orherẹn rẹ Midian vwo emetẹ ighwrẹn; ayen de rhi vo ame, ayen de vo ame vọn echẹ na ra vwọ kẹ eranvwe rẹ ọsẹ rayen.

Isẹ 12:10

Ọvwata nabọ sẹro rẹ arhọ rẹ uchuru rọye, ẹkẹvuọvo arodọvwẹ rẹ ohwo umwemwu vọnre vẹ evunmwemwu.

Jẹnẹsis 24:42

Nonẹ na ki mi rhi te ogbugbu na, Me da ta, Ọrovwohwo, Ọghẹnẹ rẹ onini mẹ Ebraham, vwẹ enẹ na aruesiri wẹn de se nene uvwe vwẹ idjerhe re Me ra na,

Jẹnẹsis 29:2

Rọ vwọ kpare opharo, ọ da mrẹ orhare vwẹ evun rẹ ẹghwa, o vwo ni, ekru rẹ igodẹ erha rhuẹn kẹrẹ; kidie ame rẹ orhare na ọye igodẹ na da. Oragha rọ unu rọye na pha rhuarho,

Ẹyano 2:15

Ọke rẹ Fẹro vwo nyo, kọ guọnọ Mosis hwe. Ẹkẹvuọvo Mosis da djẹ nẹ asan rẹ Fẹro, ọ da ra dia otọ rẹ Midian; o de tidia kẹrẹ orhare ọvo.

Iguẹdjọ 5:11

Edo re eha ọ vwevwerhe vwẹ asan rẹ ame epha, Etiyin ayen da vwanriẹn ikun rẹ ephiokparobọ rẹ Ọrovwohwo na, ephiokparobọ rẹ eghwẹrẹ rẹ Izrẹl. Etiyin ihwo rẹ Ọrovwohwo na de ne udje kpo ughere na.