Jẹnẹsis 23:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Nyo avwanre, ọrovwavwanre; wẹ ọgba kugbe ovwiodje vwẹ ohri rẹ avwanre. Shi orivwi wẹn vwẹ ushi ro Me yovwi vwẹ ọgbọ na, ohwo rọ se kẹ wẹ herọ-ọ eyẹ ohwo sa kpọ wẹ unu-u.

Jẹnẹsis 23:6 Referans Kwoze

Jẹnẹsis 24:35

Ọrovwohwo nabọ bruphihọ kẹ onini mẹ gangan, kẹ okpohwo rode, ọ vwẹ uchuru kẹ vẹ ekru rẹ eranvwe, idọnọ efuanfon vẹ iro, idibo rẹ eshare kugbe erẹ eya, iyesi kugbe ekẹtẹkẹtẹ.

Jẹnẹsis 14:14

Ọke rẹ Ebram vwo nyo nẹ emu omoni rọye ighuvwun, o de sun otu rẹ ofovwi rọye phia rọ nabọ yono, re ji vwiẹ vwẹ uwevwi rọye, uri gbẹ ujori, gbẹ ihwe gbẹ ẹrenre, ayen da vwọ tua ayen rhi te Dan.

Aizaya 45:14

Enẹ Ọrovwohwo rẹ otuofovwi na tare. Efe rẹ Ijipt kugbe oghwa rẹ ineki rẹ Etiopia, kugbe ihwo ri Seba, eshare puma, ki bru we rhe ke dia ewẹn ki nenẹ uwe. ke rhe vẹ igoni vwẹ obọ rhi shiguẹ kẹ wẹ. Ayen ke rẹ wẹ tanẹ; Ọghẹnẹ vẹ owẹ ọvo re gba herọ, ọfa gbe herọ-ọ, Ọghẹnẹ ọfa rọ barọ gbe herọ-ọ.

Ẹyano 32:22

Etiyin Erọn da ta, Wo jẹ ophu rẹ Ọrovwovwe tua-a, wọ riẹn ihwo na, tanẹ ayen ihwo umwemwu.

Jẹnẹsis 44:8

Nighere, igho rẹ avwanre mrẹre vwe unu rẹ ibo na dẹvo ma rhoma ghwa ayen nẹ otọ ri Kenan rhe, komavọ avwanre vwo cho idọnọ eyẹ oro vwẹ uwevwi rẹ ọrovwovwe?

Jẹnẹsis 44:5

O dia ọna ọrovwovwe vwọ da ame, ọ je dia ọna o vwọ bọ epha? Ọna we ruru na we ru chọ gangan.

Jẹnẹsis 42:10

Ayen da ta kẹ, Ẹjo, ọrovwovwe, ẹkẹvuọvo e mu ọye idibo wẹn rhe dẹ.

Jẹnẹsis 32:18

Ku wọ ta kẹ nẹ, Erẹ odibo wẹn Jekọp, ena ọko ra phare rhe ọrovwovwe Isọ, okpuyovwi rọye je cha vwẹ obuko.

Jẹnẹsis 31:35

Ọ da ta kẹ ọsẹ rọye nẹ, Wo jẹ ivun miovwo ọrovwovwe ri mi vwo je vrẹ-ẹn, kidie idjerhe rẹ eya na ra nyẹ vwẹ. Kọye ọ da guọnọ, ẹkẹvuọvo ọ sa mrẹ oma rọ umukpe rọye na-a.

Jẹnẹsis 24:18

Ọ da ta, Da, ọrovwovwe; o de wo ochẹ na kpata kpata, ọ da vwẹ ame kẹ da.

Jẹnẹsis 21:22

Vwẹ ọke yena, Abimẹlẹk vi Fikol rẹ onotu rẹ ofovwi rọye da ta kẹ Ebraham, Ọghẹnẹ vẹ owẹ herọ vwẹ emu kemu ri wo ruẹ ejobi,

Jẹnẹsis 18:12

Etiyin Sera da hwẹ phihọ evun tanẹ, Ọke nana Me vwọ ghwo nure na, ekpuyovwi rẹ ọshare mẹ je ghwo, kẹ ọke na a ke mrẹ avwerhe ọfa?

Jẹnẹsis 13:2

Asakiephana Ebram feri gangan vwẹ uchuru, idọnọ efuanfon kugbe oro.

Rutu 2:13

Etiyin ọ da ta, Wo nẹ arodọrvwe kẹ vwẹ gangan, Ọrovwovwe, kidie wo bru vwe uche wọ da ta ota rẹ aruẹdọ kẹ ọmọtẹ wẹn, je me dia ọvo vwẹ usun rẹ idibo wẹn rẹ emetẹ-ẹ.

Jẹnẹsis 20:7

Gba vwẹ aye rẹ ohwo na vwọ kẹ; fikiridie ọmraro o ruẹ, kọ nẹ ẹrhovwo kẹ wẹ, kọye wọ rhọre. Ẹkẹvuọvo wọ rha vwọ kẹ-ẹ, gba riẹn tanẹ ughwu kọye wo ghwu, wẹ kugbe ekru wẹn ejobi.

Jẹnẹsis 23:5

Ihwo ri Hẹt na da kpahe kẹ Ebraham,

Jẹnẹsis 23:7

Ebraham de vrẹn o de diguẹ kẹ ihwo ri Hẹt na, re dia ihwo rẹ otọ na.