Jẹnẹsis 23:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Sera de ghwu vwi Kiriatharba (kọye Hebrọn) vwẹ otọ ri Kenan. Ebraham de vweri Sera ọ da viẹ kẹ.

Jẹnẹsis 23:2 Referans Kwoze

Jẹnẹsis 23:19

Re enana ejobi vwọ wan nu, Ebraham de shi Sera rẹ aye rọye phihọ ẹmwa rọ otọ ri Mak-pela, vwẹ obọrhe ri Mamre (kọye Hebrọn) vwẹ otọ ri Kenan.

Jẹnẹsis 13:18

Ebram da ghwiẹ utughẹ rọye, ọ da rhe dia kẹrẹ ọhahe ri Mamre, rọ kẹrẹ Hebrọn, kẹ Etiyin ọ da so agbada kẹ Ọrovwohwo.

1 Ikun rẹ Ivie 6:57

A da vwẹ Irere re de siomanẹ vwọ kẹ emọ rẹ Erọn: Hẹbrọn Libna vẹ otọ rẹ egbri rọye.

Iguẹdjọ 1:10

Juda da ra họnre ihwo ri Kenan re dia evun rẹ Hebrọn (odẹ ri Hebrọn rẹ ẹsosuọ e se nẹ Kiriatarba); ayen de phi Sheshai kugbe Ahiman kugbe Talmai kparobọ otniẹl phi Dẹba kua ọ da reyọ Aksa (Joshua 15.15-19)

Iruo rẹ Iyinkọn na 8:2

Ihwo ri vwo erhi rẹ egagọ de mu Stivin re shi, ayen da nabọ vwere uvweri rode kẹ.

Iyẹnrẹ Esiri ri Jọn 11:35

Jesu da viẹ.

Iyẹnrẹ Esiri ri Jọn 11:31

Ọke rẹ ihwo ri Ju re vẹ ọye gba hẹ evun rẹ uwevwi na, ri bro uche na, vwọ mrẹ Meri ro vrẹri kpre ro otafe na, ayen de nene, ki roro nẹ o kpo obo ushi na da ra viẹ vwẹ etiyin.

Jerimaya 22:18

Ọtiọye na enẹ Ọrovwohwo ta kpahe Johaikim ọmọ ri Josaya, ovie ri Juda: Ayen gbe viẹ kẹ-ẹ, tanẹ E oniọvo me! eyẹ E oniọvo mẹ rẹ ọmọte! Ayen gbe viẹ kẹ-ẹ, tanẹ, E ọrovwohwo eyẹ E ọrho rọye!

Jerimaya 22:10

Wọ viẹ ọ ro ghwuru na-a, wo ji vwerhe-e, ẹkẹvuọvo viẹ kẹ ọ rọ yanran na gangan kidie o gbi rhivwi rhe ọfa-a rhe mrẹ orere rọye-e.

2 Ikun rẹ Ivie 35:25

Jerimaya da je viẹ kẹ Josaya; re eshare re sua ine te eya re sua ine de roro ine vwo so Josaya rhi te nonẹ na. Ayen de ji iji nana vwẹ Izrẹl; nighe, e si ayen phihọ ọbe rẹ ovie.

2 Samuẹl 5:5

Ọ re ovie vwẹ enu ri Juda vwi Hebrọn ẹgbukpe ighwrẹ gbe emeranvwe esan vwi Jerusalẹm; ọ da re ovie ẹgbukpe ọgban gbe erha vwẹ Izrẹl vi Juda.

2 Samuẹl 5:3

Ọye ekpako rẹ Izrẹl ejobi de bru Devid rhe vwi Hebrọn; ọye ovie Devid rẹ ayen da re ọphọ vwi Hebrọn vwẹ obaro rẹ Ọrovwohwo, ayen da vwi Devid mu ovie vwẹ enu rẹ Izrẹl.

2 Samuẹl 2:11

Ọke ri Devid vwọ hẹ ovie vwi Hebrọn vwọ kẹ uwevwi ri Juda da dia ikpe ighwrẹ kugbe emeranvwe esan.

2 Samuẹl 1:17

Devid da viẹ oviẹ nana vwọ kẹ Sọl vẹ Jonatan rẹ ọmọ rọye,

2 Samuẹl 1:12

Ayen de muomahọ, ayen da viẹ, ayen de chiri owẹvwe re duvwu ovwọnvwọn vwọ kẹ Sọl vẹ Jonaran rẹ ọmọ rọye kugbe ihwo rẹ Ọrovwohwo, kugbe vwọ kẹ uwevwi rẹ Izrẹl, kidie a vwẹ ọlọkọ hwe ayen.

1 Samuẹl 28:3

Ọke yena yi Samuẹl ghwu nure, Izrẹl ejobi de muomaphihọ kẹ ayen de sho phihọ Ramah, orere rẹ obọ rọye. Yi Sọl djẹ ebọerivwi kugbe erieda rẹ otọ na ejobi no nure.

1 Samuẹl 20:31

Kidie uche ọke rẹ ọmọ ri Jesse na dia akpọ na krite, te owẹ te uvie wẹn cha sa ghwotọ-ọ. Gbe ji ohwo re muo rhe vwe, kidie o ghwu nure.

Joshua 20:7

Etiyin ayen de phi Kedẹsh vwi Galili vwẹ obo orho rẹ ugbenu ri Naftali phihọ ovwanrhe, kugbe Shikẹm vwẹ obo orho rẹ ugbenu vwẹ Ifrem, kugbe Kiriatarba kọye Hebrọn vwẹ obo orho rẹ ugbenu ri Juda.

Joshua 10:39

ọ da reyọ vẹ ovie rọye vẹ irho rọye ejobi; ayen da vwẹ ọlọkọ nyavwe ayen hwe, ayen da ghwọrọ kohwo kohwo rọ herọ kakare, ọ yan jẹ ohwo ọvuọvo vwo-o; kirobo ro ru Hebrọn vi Libnah vẹ ivie rayen, ọtiọye o ru Debir vẹ ovie rọye.

Urhi Rivẹ 34:8

Ọye ihwo rẹ Izrẹl da viẹ Mosis ẹdẹ ọgban vwẹ uphẹphẹ ri Moab; kọye ẹdẹ rẹ oviẹ vẹ uvweri ri Mosis ki rhi re.

Ukeri 20:29

Ọke rẹ ukoko na ejobi vwọ mrẹ nẹ Erọn ghwuru, uwevwi rẹ Izrẹl ejobi da viẹ fiki rẹ Erọn ẹdẹ ọgban.

Ukeri 13:22

Etiyin ayen de kpo obi Nẹgẹb, ayen de ri te Hebrọn; Abiman, Sheshai kugbe Taimai, emọ ri Anak he asan na. (A bọn Hebrọn ẹgbukpe ighwrẹn tavwe a ke bọn? Zoan vwẹ Ijipt.)

Jẹnẹsis 50:10

Rẹ ayen rhi vwo te uwevwi rẹ ewunye rẹ Atad, rọ abọ oboyi ri Jọdan, Etiyin ayen da viẹ oviẹ rode, oviẹ rẹ uvwerhe, o de muomahọ urhughwrẹ soso vwọ ke ọsẹ rọye.

Jẹnẹsis 27:41

Kẹ ọke nana yanran oma ri Jekọp ko tuẹ Isọ fiki rẹ ẹrhovwo rẹ ọsẹ rọye nẹ kẹ, Isọ da ta kẹ omoma rọye, Ẹdẹ rẹ ughwu ri Baba kẹrire, ke Me teye oniọvo mẹ na Jekọp hwe.

Jẹnẹsis 23:1

Sera tọnre ọ da dia akpọ ikpe ujosa gbẹ ighwrẹ, ena kọye ikpe ri Sera.

Jẹnẹsis 24:67

Etiyin Aizik da reyọ Rebeka kpo uwevwi rọye, o da rhe dia aye rọye, evun rọye da vwerhọ, oma rẹ Aizik da rhe sasa rẹ oni rọye vwo ghwu nu.

Jẹnẹsis 35:27

Jekọp de rhi te otọ rẹ ọsẹ rọye Aizik vwi Mamre, eyẹ Kiriataba (kọye Hebrọn), asan rẹ Ebraham vẹ Aizik diare jovwo.

Jẹnẹsis 37:14

Etiyin ọ da ta kẹ, Yanran, ra mrẹ imoni wẹn sẹ oma rayen dori, te uchuru na re wọ rhe vuẹ vwẹ. Etiyin o de jo nẹ iyara ri Hebrọn, o de rhi te Shikẹm.

Joshua 15:13

Kirobo rẹ urhi rẹ Ọrovwohwo ji kẹ Joshua epha ọ da kẹ Kalẹb re ọmọ ri Jefunneh ẹkẹn vwẹ ohri rẹ ihwo ri Judah, Kiriatarba, koye, Hebrọn (Arba kọye ọsẹ rẹ Anak).

Joshua 15:54

Humtah, Kiriatarha (kọye Hebrọn), kugbe Ziọ; irere irhiri vẹ eko rayen.

Joshua 21:11

A da vwi Kiriatarba vwọ kẹ ayen, Arba kọye ọse rẹ Anak (kọye Hebrọn), vwẹ obo orere rẹ ugbenu ri Juda, vwẹ etọ rẹ egbri re riariẹ ayen phihọ.

Nehemaya 11:25

Vwọ kpahe ẹko na, vẹ udju rayen, ihwo rẹ Juda ẹvo dia Kiriatarba vẹ ẹko rọye, kugbe Dibon ve ẹko rọye, kugbe Jekabzeel vẹ ẹko rọye,

Jẹnẹsis 50:1

Josẹf da gbanọ ọsẹ rọye ọ da vwẹ opharo te, ọ da viẹ, ọ da fiọnfiọn.

1 Samuẹl 25:1

Asakiephana Samuẹl de rhi ghwu; Izrẹl ejobi da ghwẹ koko rhe viẹ, ayen de sho phihọ uwevwi rọye vwi Ramah. Etiyin Devid vrẹnri ọ da yanran kpo aghwa ri Paran.