Jẹnẹsis 23:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ kẹ Ebraham rọ dia ẹkẹn rọye vwẹ irharo rẹ ihwo ri Hẹt na, kugbe ihwo rẹ orere na re rhe ughere na ejobi.

Jẹnẹsis 23:18 Referans Kwoze

Jerimaya 32:12

me da vwẹ ọbe na kẹ Barọk ọmọ ri Neraya ọmọ ri Maseya, vwẹ aro rẹ Hanamẹl rẹ omoni mẹ vwẹ irharo rẹ iseri re ghwẹ obọ phihọ ọbe na, kugbe aro ri Ju ejobi ri tidia ọguan rẹ ẹrhẹrẹ na.

Rutu 4:1

Boaz de kpo anuihoro, o de tidia etiyin; nighere, omoni kpẹkpẹkpẹ, ri Boaz ta ota rọye na, da yanrhe. Etiyin Boaz da ta, rhoma akakọ, ugbeyan; wo tidia etinẹ; ọ da rhoma akakọ, o de, tidia.

Jẹnẹsis 34:20

Kọye Hamọr vẹ ọmọ rọye Shikẹm de rhi te ughere rẹ orere na ayen da ta kẹ ihwo rẹ orere na nẹ,

Jẹnẹsis 10:15

Kenan kọye ọsẹ ri Sidọn, ọmọkpako rọye, kugbe Hẹt,

Jẹnẹsis 23:10

Ọke yena yi Efrọn tidia vwẹ ohri rẹ ihwo ri Hẹt na, Efrọn rẹ ohwo ri Hẹt na da kpahe kẹ Ebraham vwẹ irharo rẹ ihwo ri Hẹt ejobi, vwẹ obọ rẹ ihwo ri kpo ughere rẹ orere na,

Jẹnẹsis 23:19

Re enana ejobi vwọ wan nu, Ebraham de shi Sera rẹ aye rọye phihọ ẹmwa rọ otọ ri Mak-pela, vwẹ obọrhe ri Mamre (kọye Hebrọn) vwẹ otọ ri Kenan.

Jẹnẹsis 25:9

Aizik kugbe Ishmael rẹ emọ rọye de sho phihọ ẹmwa ri Mak-pela, vwẹ otọ ri Ephron ọmọ ri Zohar rẹ ohwo ri Hẹt, rọ obọrhe ri Mamre,

Jẹnẹsis 34:24

Ayen ihwo ri koko vwẹ ughere rẹ orere na ejobi da rhọvwe phihọ ota ri Hamọr vẹ ọmọ rọye Shikẹm; kọshare kọshare ejobi ri koko vwẹ ughere rẹ orere na da yanvwe.