Jẹnẹsis 21:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Etiyin Sera da ta, Ọghẹnẹ ma ehwẹ kẹ vwẹ; kohwo kohwo ro nyori ejobi kọ cha hwẹ vwẹ.

Jẹnẹsis 21:6 Referans Kwoze

Aizaya 54:1

So ine, E ẹga, ro ji vwiẹ-ẹ, va so ine ru wo kperi phia, ovwan re je chuẹ uvwiẹ dẹvo-o! Kidie emọ re ẹga che bunọ emọ rẹ aye ro kpo orọvwe, eriyin Ọrovwohwo tare.

Une rẹ Ejiro 126:2

Etiyin unu rẹ avwanre da vọn vẹ ehwẹ, ẹrenvwe re avwanre vẹ ukperi rẹ aghọghọ; Etiyin ayen da ta vwẹ ohri rẹ ẹgborho na, Ọrovwohwo ru okpemu rode kẹ ayen.

Jẹnẹsis 17:17

Etiyin Ebraham de gbe opharo otọ ọ da hwẹ, ọ da ta kẹ oma rọye, Kẹ ohwo rọ ghwo te ikpe ujori nure na se vwiẹ ọmọ? Ki Sera rẹ ikpe ujọne gbe ihwe na ji se vwiẹ ọmọ rhe?

Iyẹnrẹ Esiri ri Luk 1:58

Igbeyan rọye kugbe imoni rọye rhe vwọ mrẹ ẹse rẹ Ọrovwohwo ru kẹ, ayen da rhe ghọghọ kẹ.

Iyẹnrẹ Esiri ri Luk 1:14

Ku wo vwo aghọghọ vẹ omavwerhe, ihwo buebu ke ghọghọ vwẹ evwiẹ rọye;

Aizaya 49:21

Ọke yena ko wọ ta vwẹ udu wẹn Konọ vwiẹ enana kẹ vwẹ? Ihwo Mẹ ghwuru Me ke rha dia ẹga, e mu ayen ighuvwu a dje ayen kufia, ẹkẹvuọvo kono rha rhoma vwiẹ enana? Nighe, Mẹvwẹ obo ri chekọ, ki tivo enana rhe nurhe?

Une rẹ Ejiro 113:9

Ọ kẹ aye rẹ ẹga uwevwi, o mi ruo oniemọ rẹ aghọghọ. Jiri Ọrovwohwo na!

Ọbe ri Pọl si rhe Ihwo ri Rom 12:15

Ghọghọ kẹ otu re ghọghọ, otu re viẹ nene ayen vie.

Hibru 11:11

Vwẹ esegbuyota ọye Sera rhi vwo vwo ogangan ro vwọ mrevun, vwẹ ọke ro vwo bru afe nure, fikiridie o se ohwo ro ve ive na gbuyota.

1 Samuẹl 1:26

Ọ da ta, E, ọrovwovwe: Kirobo wọ herọ na, ọrovwovwe, mẹvwẹ aye ro mudia vwẹ obaro wẹ vwẹ etinẹ ye, rọ nẹ ẹrhovwo kẹ Ọrovwohwo ye.

Aizaya 49:15

Ke ọmọ ro vievie sa chọrọ aye ẹro, ro vwo jẹ ehrọre ẹriọ kẹ ọmọ rẹ ọrhen rọye? Ọ da tobọ dianẹ enana chọrọ ẹro, yu wọ sa chọrọ ovwẹ ẹro-o

Jerimaya 20:15

Ekan kẹ ohwo na rọ ghwa ikun rhe ọsẹ mẹ nẹ, E vwiẹ ọmọshare kẹ we, rọ nẹrhẹ ọghọghọ na.