Jẹnẹsis 21:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ọ da ta kẹ Ebraham, Djẹ aye na ọviẹn na vẹ ọmọ rọye kufia, kidie ọmọ rẹ aye nana rẹ ọviẹn na vẹ ọmọ mẹ Aizik se koko re uku-u.

Jẹnẹsis 21:10 Referans Kwoze

Iyẹnrẹ Esiri ri Jọn 8:35

Ọviẹn na sa dia uwevwi na bẹdẹ-ẹ; ọmọ na dia bẹdẹ.

1 Jọn 2:19

Uherevie rẹ avwanre na ayen nu yanran, ẹkẹvuọvo ayen dia ẹvo vwẹ usun rẹ avwanre-e; ọ dianẹ usun rẹ avwanre ayen epha nọ, manẹ ayen djẹ jẹ avwanre vwo-o; ẹkẹvuọvo ayen yanran re, kọye djere phia nẹ ayen ghine dia ẹvo vwẹ usun rẹ avwanre-e.

1 Pita 1:4

vwọ kẹ ukuẹriọ ro jẹghwọrọ, ro jẹ ẹgua evwo, rọ tẹ-ẹn, ra sẹro rọye vwẹ obo odjuvwu kẹ ovwan.

Galesha 4:7

Ọtiọye na, vwẹ oma rẹ Ọghẹnẹ ovwan gbe dia ọviẹn ọfa-a, ẹkẹvuọvo kẹ ọmọ, wa da dia ọmọ kẹ ọmọwanran.

Galesha 3:18

Kidie ọ da dianẹ ukuẹriọ na kẹ fiki rẹ urhi na, ye ọ gbe dia ifiki rẹ ive ọfa-a; ẹkẹvuọvo Ọghẹnẹ vwe rọ kẹ Ebraham ifiki rẹ ive.

Matiu 22:13

Ovie na da ta kẹ idibo rọye nẹ, A gba abo vẹ awọ re we muo phihọ uwodi; kẹ etiyin ọ da viẹ reako.

Jẹnẹsis 25:19

Enana ke rha uvwiẹ rẹ Aizik, ọmọ rẹ Ebraham, Ebraham kọye ọsẹ rẹ Aizik,

Jẹnẹsis 25:6

Ẹkẹvuọvo emọ rẹ ayeobọ na ejobi ẹse kọye o di ru kẹ ayen, ọke rẹ ekpuyovwi rọye vwọ akpọ na ọ da hẹriẹ ayen abọ nẹ oma rẹ Aizik, vwo kpo orho rọ abọ rẹ ọnre da vacha.

Jẹnẹsis 22:10

Etiyin Ebraham da kpare obọ, ọ da reyọ aphia ro che vwo bru ọmọ rọye na.

Jẹnẹsis 20:11

Ebraham da ta, Mi ruro fikiridie mi rori nẹ, Oshọ ẹdjẹ rẹ Ọghẹnẹ ọ etinẹ-ẹ, ayen de rhe hwe vwe fiki rẹ aye mẹ.

Jẹnẹsis 17:21

Ẹkẹvuọvo Aizik ọye ọphọ mẹ cha sẹ nene, ri Sera che vwiẹ kẹ vwẹ eghẹre ọtiọnana ukpe ọfa.

Jẹnẹsis 17:19

Ọghẹnẹ da ta, Ẹjo, ẹkẹvuọvo Sera rẹ aye wẹn na che vwiẹ ọmọshare kẹ wẹ, ku wo se odẹ rọye Aizik. Ọphọ mẹ na kọ sẹ nene kọ dia ọphọ re rara kẹ vẹ uvwiẹ rọye rọ cha vwẹ obuko rọye.

Isẹ 22:10

Djẹ ohwo ọghwia na phiho otafe, ẹghwọ kọ ro otafe, ekan ehanrhọn vẹ unuẹkọ ki fue.

Iguẹdjọ 11:2

Aye rẹ Giliad de vwiẹ emeshare buebu kẹ; emọ na vwọ ghwanre rhe, ayen da djẹ Jẹfta phihọ ada, ayen da ta kẹ nẹ, Wọ sa re vwẹ uku rẹ uwevwi rẹ ọsẹ rẹ avwanre-e; kidie ọmọ re aye ọfa wo ruẹ.