Jẹnẹsis 2:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ kọye Ọrovwohwo Ọghẹnẹ da vwẹ ekpẹn rẹ otọ na vwọ ma ohwo, ọ da wẹn ẹwẹn rẹ arhọ na phihọ iwen rọye, ohwo de hirhe ohwo ọkpokpọ.

Jẹnẹsis 2:7 Referans Kwoze

1 Kọrẹnt 15:45

Kenẹ e siro, Ohwo rẹsosuọ Adam da rhe dia ohwo ọkpokpọ; Adam rọ ka uko da rha dia ohwo rọ kẹ erhi rọ kẹ arhọ.

ỌBE RẸ JOB 33:4

Erhi rẹ Ọghẹnẹ re ma vwẹ, ẹnwẹ rẹ Ọrovwoẹgba na re kẹ vwẹ arhọ.

Aghwoghwo 12:7

Rẹ iwurhie vwo rhivwi kpo ekpẹn kirobo rọ epha jovwo, erhi na de rhivwi bru Ọghẹnẹ ro vworo.

Aizaya 64:8

Yẹ ẹkẹvuọvo, E Ọrovwohwo, wẹ hẹ Ọsẹ rẹ avwanre; avwanre ophiẹn, wẹ kẹ ọmema re avwanre; avwanre ejobi ke iruo rẹ obọ wẹn.

Iruo rẹ Iyinkọn na 17:25

eyẹ kẹ abọ rẹ ohwo rẹ akpọ a vwọ ga-a, kerẹsiẹ ra da mrẹ nẹ ọ guọnọ emu-u, kidie ekpuyovwi rọye re kẹ ihwo ejobi arhọ kugbe ẹnwẹn kugbe kemu kemu.

1 Kọrẹnt 15:47

Ohwo rẹsosuọ na otọ o nurhe, ohwo rẹ ẹkpẹn; ohwo rivẹ na odjuvwu o nurhẹ.

Jẹnẹsis 3:19

Ọdja kọ dia opharo wẹn wọ ke cha re emu, bẹsiẹ wo che vwo rhivwi kpo otọ ri wo nurhe, ekpẹn wo ji che hirhe ra.

ỌBE RẸ JOB 27:3

kirobo rẹ ẹnwẹn mẹ dia evun mẹ krite na, rẹ ẹnwẹn rọ Ọghẹnẹ da je hẹ inwe mẹ na,

Jẹnẹsis 7:22

kemu kemu rọ otọ ọyaya na rọ vwẹ unwe nwẹn ejobi de ghwure.

Zekaraya 12:1

Ota rẹ Ọrovwohwo kpahe Izrẹl: Enẹ Ọrovwohwo tare, ohwo rọ ma enu rọ mama akpọ na ro phi erhi phihọ ohwo oma.

Une rẹ Ejiro 103:14

Kidie o riẹn obo ra ma avwanre wan; o karohọ nẹ avwanre iwurhie.

Une rẹ Ejiro 100:3

Riẹn nẹ Ọrovwohwo ọye Ọghẹnẹ! Ọye re ma avwanre, avwanre erọye; avwanre ihwo rọye, kugbe igegede rẹ egbri rọye.

Ọbe ri Pọl si rhe Ihwo ri Rom 9:20

Ẹkẹvuọvo, kono hẹ owẹ, e ohwo, ru wọ vwọ kpaha kẹ Ọghẹnẹ? Obo ra mare vwo unu rọ vwọ ta kẹ ọ rọ marọ nẹ, Die wọ vwọ ma vwẹ ọtiọna?

Aizaya 2:22

Chuko ku ohwo rẹ akpọ rọ vwẹ unwe nwẹn, kidie o firi?

Jẹnẹsis 3:23

Fiki rẹ ọtiọye na Ọrovwohwo Ọghẹnẹ da djẹ nẹ evun rẹ udju rẹ Idẹn na, nẹ o gbe re voro otọ ra reyerọ nurhe na.

Hibru 12:9

Ọfa, ọsẹ rẹ aruakpọ na ghwọ kuẹ avwanre avwanre mi mu ọghọ kẹ ayen. Kẹ avwanre rhe se mu ọghọ kẹ Ọsẹ ro vwo irhi ejobi re wa rhọ-ọ?

Ukeri 16:22

Ayen de she bọvwọn epharo rayen rhu otọ, ayen da ta, E Ọghẹnẹ, Ọghẹnẹ rẹ irhi rẹ ihwo rẹ akpọ na ejobi, kẹ ohwo ọvo de ru umwemwu kọye wo vwo mu ophu kpahe ihwo rẹ ukoko na ejobi?

Isẹ 20:27

Erhi rẹ ohwo ọye urhukpẹ rẹ Ọrovwohwo na, rọ vwọ mrẹ otọ rẹ evun rọye ejobi.

ỌBE RẸ JOB 33:6

Nighe, me herọ vwẹ obaro rẹ Ọghẹnẹ kirobo ru wọ epha, ubro rẹ ọphiẹn a je vwọ ma vwẹ rhe.

2 Kọrẹnt 5:1

Kidie avwanre riẹnre nẹ ọ da dianẹ a guọghọ utughẹ rẹ akpọ nana rẹ avwanre dia na, yẹ avwanre vwo uwevwi ọvo ro nẹ obọ rẹ Ọghẹnẹ rhe, ọ dia uwevwi ra vwẹ obọ bọ-ọn, ọ re rara vwẹ obo odjuvwu.

2 Kọrẹnt 4:7

Ẹkẹvuọvo avwanre vwo efe nana vwẹ evun rẹ ochẹ, ro vwo dje nẹ ọrho rọ basa-a na Ọghẹnẹ ọvo ri vworo ọ dianẹ kẹ ọ rẹ avwanre-e.

Iyẹnrẹ Esiri ri Jọn 20:22

Ọke rọ vwọ ta ọnana nu, o de ku ẹnwẹn ku ayen, ọ da ta kẹ ayen, Reyọ Erhi Ọfuanfon na.

ỌBE RẸ JOB 4:19

komavọ ọ epha kẹ otu re dia iwevwi re ọphiẹn, ra tọn uchivwo rọye phihọ evun re ubu, rẹ eghwọghwọ guọghọre nana nana.

Ukeri 27:16

Jẹn Ọrovwohwo Ọghẹnẹ rẹ erhi rẹ ihwo ejobi na, ọ vwẹ ohwo mu vwẹ enu rẹ ukoko na,

Aghwoghwo 3:7

ọkẹ ra vwọ bẹrẹ, vẹ ọke re vwo ko; ọke ra vwọ fọ, vẹ ọke ra vwọ ta ota,

1 Timoti 2:13

Kidie Adam a ka ma, tavwe ra ke ma Ivi;

Jẹnẹsis 2:6

ẹkẹvuọvo evwru kọye di muẹ nẹ otọ na kpenu ọ Me rhe kpọrhọ otọ na ejobi–

Uvwerhe 4:20

Ẹnwẹn rẹ inwe rẹ avwanre ọ rẹ Ọrovwohwo vwẹ ọri ghworo na e de muo vwẹ ukpotọ rayen, ọ re avwanre ta kpahe nẹ, Otọ rẹ uhoho rọye avwanre cha dia vwẹ ohri rẹ ẹgborho na.

Izikiẹl 37:5

E nẹ Ọrovwohwo ta kẹ ibeku nana: Nighere mi che ru ẹnwẹn rọ da ro wẹ oma, ku wọ cha rhọ.

Jẹnẹsis 1:27

Kọye Ọghẹnẹ da ma ohwo vwẹ oma rọye, oma rẹ Ọghẹnẹ ọye ọ vwọ ma ayen, ọshare vẹ aye ọ ma ayen.

Izikiẹl 37:6

Ke me cha riẹn iriẹn nene uwe oma, uvwo kọ cha tanrhe vwẹ enu wẹ, ke me vwẹ ohọrọ rhurhu uwe, ki mi phi ẹnwẹn phihọ owẹ oma, ku wọ rhọ, ku wọ riẹn nẹ mẹvwẹ hẹ Ọrovwohwo.