Jẹnẹsis 2:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ọrovwohwo Ọghẹnẹ de ji urhi kẹ ohwo na, nẹ, Wọ sa re omamọ komamọ rẹ udju na obo ri jẹn we;

Jẹnẹsis 2:16 Referans Kwoze

1 Samuẹl 15:22

Samuẹl da ta, Wo rori nẹ Ọrovwohwo vwo omavwerhe vwẹ izobo rẹ ẹtorhẹ kugbe izobo re zeri, kirobo rẹ oma vwerhe Ọrovwohwo siẹ re de mu ọghọ kẹ urhuru rọye– Nighe, Ọghọ emuo o yovwi nọ izobo, ra vwọ kerhọ nọ lvwri rẹ egbo.

1 Timoti 4:4

Kidie emu kemu rẹ Ọghẹnẹ mare yovwiri, o vwo obo ra gba vwọ-ọ ọ da dianẹ a rerọ vẹ ẹkpẹvwẹ;

1 Timoti 6:17

Nabo yono ayen otu ri feri vwẹ akpọ na nẹ, ayen bru ọrho-o, eyẹ ayen vwẹ ẹro so efe rọ muẹro-o ẹkẹvnọvo ayen vwẹ ẹro so Ọghẹnẹ rọ kẹ avwanre efe ro muẹ avwanre geie na.

Jẹnẹsis 2:9

Vwẹ evun rẹ otọ na kọye Ọrovwohwo Ọghẹnẹ tare nẹ urhe kurhe ro yovwiri, fẹro ji fẹriọ gba djẹrhe, urhe rẹ arhọ na rọ ji uherevie rẹ udju na, kugbe urhe rẹ erianriẹn rẹ erhuvwu vẹ umiovwo.

Jẹnẹsis 2:15

Ọrovwohwo Ọghẹnẹ da reyọ ohwo na o de phio phihọ udju rẹ Idẹn na rere ọ sẹro rọye.

Jẹnẹsis 3:3

ẹkẹvuọvo Ọghẹnẹ tare nẹ, Wa ria emamọ rẹ urhe rọ uherevie rẹ udju na-a, eyẹ wa vwẹ obọ te-e, we de rhe ghwu.

Jẹnẹsis 1:29

Ọghẹnẹ da ta, Nighe, Me reyọ urhe kurhe rọ mọn ubi ejobi rọ enu rẹ otọ na vwọ kẹ wẹ, kugbe urhe kurhe rọ mọn emamọ kọ dia emuọre kẹ ovwan.