Jẹnẹsis 19:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ẹkẹvuọvo ko gbe eghẹrẹ, kọye ihwo na de shabọ vwọ kugbe aye rọye kugbe emetẹ rọye ive na, ọ da yọnrọn ayen obọ, Ọrovwohwo ki nẹ aruẹdọ rọye, ayen da reyọ kpono nẹ evun rẹ orere na.

Jẹnẹsis 19:16 Referans Kwoze

2 Pita 2:9

kẹ ọtiọye Ọrovwohwo je riẹn obo ro sivwi ihwo efuanfon rọye nẹ ọdavwini, ọ me rha sẹrọ rẹ ohwo umwemwu hẹrhe ehwe bẹsiẹ rẹ ẹdẹ rẹ ẹdjọeguo na vwo te.

Taitọs 3:5

o de sivwi avwanre, ọ diane ki fiki rẹ iruo rẹ ọvwata rẹ avwanre ruru-u, ẹkẹvuọvo fiki rẹ ehrọre rọye, rọ vwọ hworhẹ, rhuẹrẹ avwanre vwiẹ ru avwanre ọkpokpọ vwẹ evun rẹ Erhi Ọfuanfon na.

2 Kọrẹnt 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi, Ọsẹ rẹ aruẹdọn kugbe Ọghẹnẹ rẹ uchebro,

Iyẹnrẹ Esiri ri Jọn 6:44

Ohwo ọvuọvo se bru uvwe rhe-e jokpa nẹ Ọsẹ na ro ji vwe na siro toma; ke me kparọ vrẹn vwẹ ẹdẹ rẹ oba na.

Iyẹnrẹ Esiri ri Luk 18:13

Ẹkẹvuọvo omiarhọghọ na, de mudia tephe, o gbi yivwi kpare opharo kpenu-u, ẹkẹvuọvo ọ da vwẹ abọ ghwiẹ udu, tanẹ, Ọghẹnẹ ni arodọvwẹ mẹ oruimwemwu!

Uvwerhe 3:22

Ẹguọnọ ro jẹrhẹriẹ rẹ Ọrovwohwo na o re-e, arodọvwẹ rọye vwo oba-a.

Aizaya 63:9

Vwẹ evun rẹ ukpokpogho rayen ejobi ọye e kpokpori, amakashe rẹ opharo rọye ri sivwi ayen, vwẹ evun rẹ ẹguọnọ kugbe ehrọre rọye ọ da tan ayen, Ọ kpare ayen kpenu ọ de mu ayen vwẹ ọke rẹ awanre ejobi.

Une rẹ Ejiro 136:1

E vwe ẹkpẹvwẹ kẹ Ọrovwohwo, kidie ọ yoma, kidie ẹguọnọ rọye ro je rhẹriẹ na dia rhiri bẹdẹ.

Une rẹ Ejiro 119:60

mi bru okpakpa me da oma ji-i rere me vwọ yọnrọn irhi wẹn.

Une rẹ Ejiro 118:1

E vwẹ ẹkpẹvwẹ kẹ Ọrovwohwo, kidie o yoma; ẹguọnọ rọye ro jẹ rhẹriẹ na dia rhiri bẹdẹ!

Une rẹ Ejiro 111:4

O da nẹrhẹ a karohọ iruo rẹ igbunu rọye; Ọrovwohwo ọ vọnre vẹ ehrọre vẹ arodọvwẹ.

Une rẹ Ejiro 107:1

E vwẹ ẹkpẹvwẹ kẹ Ọrovwohwo, kidie oyovwiri; kidie ẹguọnọ rọye ro jẹ rhẹriẹ herọ rhiri bẹdẹ!

Une rẹ Ejiro 106:8

Dede na o ji sivwi ayen fiki rẹ odẹ rọye, rere ọ mrasan vwẹ ẹgba rọye rode na phia.

Une rẹ Ejiro 106:1

Jiri Ọrovwohwo na! E vwẹ ẹkpẹvwẹ kẹ Ọrovwohwo, kidie o yoma, kidie ẹguọnọ rọye ro jẹ rhẹriẹ na dia rhiri bẹdẹ!

Une rẹ Ejiro 103:13

Kirobo re ọsẹ pẹpẹ emọ rọye, ọtiọye Ọrovwohwo je vwẹ obọ pẹpẹ otu re djẹ oshọ rọye.

Une rẹ Ejiro 86:15

Ẹkẹvuọvo wẹ, E Ọrovwohwo, wẹ Ọghẹnẹ ro nẹ aruẹdọ vẹ ehrọre, ọ fobọ mu ophu-u, ọ vọnre ve ẹguọnọ ro jẹ rhẹriẹ kugbe esegbuyota.

Une rẹ Ejiro 86:5

Kidie wọwẹ, E Ọrovwohwo, ohwo esiri vẹ evwoghovwo, wọ vọnre vẹ ẹguọnọ ro jẹ rhẹriẹ kẹ ihwo ejobi ri se we.

Une rẹ Ejiro 34:12

Didi ohwo re guọnọ arhọ, rọ rioma re ẹdẹ buebu, rọ sa vwọ ghọghọ vwe emu esiri?

1 Ikun rẹ Ivie 16:34

E vwẹ ẹkpẹvwẹ kẹ Ọrovwohwo kidie ẹguọnọ ro jẹrhẹriẹ rọye dia rhiri bẹdẹ

Urhi Rivẹ 4:31

kidie Ọrovwohwo Ọghẹnẹ rẹ ovwan na Ọghẹnẹ rẹ aruẹdọn; ọ cha sen ovwa-an, ọ je ghwọrọ ovwan, ọphọ rọ nene esẹ wẹn re na sa chọrọ ẹro-o.

Ukeri 14:18

Ọrovwohwo fobọ mu ophu-u, ọ vọnre vẹ ẹguọnọ ro jẹrhẹriẹ, ọ vwẹ orukuruku kugbe ogbeku vwo ghovwo ẹkẹvuọvo o vwo obo ro ru wa-a o brorhiẹ hwe o ro re abe, ọ vwẹ orukuruku rẹ esemọ vwo nene emọ, re te uvwiẹ re erha ra ro ọrẹnẹ.

Ẹyano 34:6

Ọrovwohwo da ka obaro rọye, o de ghwoghwo, Ọrovwohwo, Ọrovwohwo, Ọghẹnẹ rọ ria ehrọre vẹ arodọvwẹ, ọ fobọ muophu-u ọ vẹ ẹguọnọ vẹ uyota.

Ọbe ri Pọl si rhe Ihwo ri Rom 9:18

Vwẹ ọtiọye na ohwo ro jere o nẹ arodọvwẹ kẹ, ọ ro jere o mi rhe ru udu rọye gan.

Joshua 6:22

Joshua da ta kẹ ihwo ivẹ ri re dorhẹ rẹ otọ na, We kpo uwevwi rẹ igberadja na, rere wa reyọ aye na rhe, kugbe ihwo ro vwori ejobi, kirobo ru we duvwu iyori vwọ ke na.

2 Pita 2:7

ọ da dianẹ o sivwi Lọt rẹ ọvwata na, rẹ ofu rẹ ọfanrhiẹ rẹ ihwo umwemwu djeri

Jẹnẹsis 19:15

Rẹ ọke rhi vwo rhie re, emakashe na ki bru Lọt okpakpa nẹ, Vrẹn, reyọ aye wẹn kugbe emetẹ wẹn ivẹ na ri etinẹ na, ayen da rha ghwọrọ vwẹ evun rẹ ẹguọghọ rẹ orere na.

Ẹyano 34:7

Ẹguọnọ ro jẹrhẹriẹ rọye herọ vwọ kẹ ihwo uriori vwo ghovwo orukuruku vẹ urhiegbe vẹ umwemwu, ẹkẹvuọvo o brorhiẹ hwe ohwo rọ re abe rọ reihri rẹ umwemwu rẹ esemọ vwẹ obọ rẹ emọ ra ruẹ emọ rayen ra ro uvwiẹ rerha vẹ ọrẹne.

Urhi Rivẹ 5:15

Wọ Me karohọ nẹ wọ je dia odibo vwẹ otọ rẹ Ijipt dẹvure rẹ Ọrovwohwo Ọghẹnẹ wẹn ke reyọ obọ gangan vẹ ugbobọ ra riẹnre vwọ reyọ owẹ nẹ Etiyin rhe; vwẹ eriyin na Ọrovwohwo Ọghẹnẹ wẹn de jiji kẹ wẹ nẹ wọ yọnrọn ẹdidjala na.

Urhi Rivẹ 6:21

ko wọ ta kẹ ọmọ wẹn nẹ, Avwanre eviẹn ri Fero vwẹ Ijipt; Ọrovwohwo da vwẹ obọ ọgangan si avwanre nẹ Ijipt rhe.

Urhi Rivẹ 7:8

ẹkẹvuọvo fiki rẹ obo rẹ Ọrovwohwo vwọ guọnọ ovwan, gbe fiki rẹ obo rọ vwọ yọnrọn ive ro veri kẹ esẹ rẹ ovwan gbagba, ọ vwọ vwẹ obọgangan reyọ ovwan phia ọ ke je tan ovwan nẹ uwevwi rẹ ọviẹn nẹ obọ ri Fero ovie rẹ Ijipt.

Une rẹ Ejiro 32:10

Ọdjorho rẹ oruimwemwu buru gangan; ẹkẹvuọvo ẹguọnọ rọ rhẹriẹ-ẹ gba riariẹ ohwo rọ vwẹ ẹro so Ọrovwohwo.

Une rẹ Ejiro 33:18

Nighere, ẹro rẹ Ọrovwohwo ọ hẹ enu rẹ ayen otu re djẹ oshọ rọye, ọ hẹ enu re ayen otu re vwẹ ẹro so ẹguọnọ rọye rọ rhẹriẹ-ẹ na.

Une rẹ Ejiro 33:19

rere o vwo sivwi erhi rayen nẹ ughwu, rere ọ rha ghẹrẹ ayen vwẹ ọke owẹvwe.

Jẹnẹsis 43:10

ọ dianẹ ke Me gbe eghẹrẹ-ẹ, mane avwanre rhe rhivwi rhe asiava re.