Jẹnẹsis 16:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Amakashe rẹ Ọrovwohwo da mrẹ vwẹ asan ogbugbu rẹ ame vwẹ evun rẹ aghwa, ogbugbu rọ orhoma rẹ idjerhe re de kpo Shur na.

Jẹnẹsis 16:7 Referans Kwoze

Ẹyano 15:22

Etiyin Mosis de sun Izrẹl nẹ Abadi ọvwavware na kpo obaro, ayen de rhi te aton ri Shọ; ayen da yan ẹdẹ erha vwẹ evun rẹ aton na yẹ ayen mrẹ ame-e.

Jẹnẹsis 25:18

Ayen da dia nẹ Havilah rhi te Shur, ro hirhe opharo ku Ijipt vwẹ ọke re de kpo Asiria; ọ da dia hirhe uko ku ihwo rọye.

Jẹnẹsis 21:17

Ọghẹnẹ de nyo oviẹ rẹ ọmọ na, Etiyin amakashe rẹ Ọghẹnẹ de se Hagar nẹ obo odjuvwu rhe, ọ da ta kẹ, Die ri kpokpo uwe, Hagar? Wọ djẹ oshọ-ọ, kidie Ọghẹnẹ nyo urhuru rẹ ọmọ na vwẹ asan rọ epha.

Isẹ 15:3

Ibiẹro rẹ Ọrovwohwo mrẹ asan kasan ejobi, ọ rọ rhẹrẹ iruimwemwu vẹ ohwoesiri ejobi,

1 Samuẹl 15:7

Sọl de phi ihwo rẹ Amalẹk kua, nẹ Havila re te Shur rọ hẹ obaro ọnre rẹ Ijipt.

Jẹnẹsis 31:11

Etiyin amakashe rẹ Ọghẹnẹ da ta kẹ vwẹ vwẹ evwerhẹ na, Jekọp, mi de nyo nẹ, Mẹvwẹ na.

Jẹnẹsis 22:15

Amakashe rẹ Ọrovwohwo da rhoma se obọ rivẹ nẹ obo odjuvwu rhe,

Jẹnẹsis 22:11

Ẹkẹvuọvo amakashe rẹ Ọrovwohwo de se nẹ obo odjuvwu rhe, ọ da ta, Ebraham! Ebraham! O de nyo nẹ, Mẹvwẹ na.

Jẹnẹsis 20:1

Nẹ Etiyin Ebraham de mu oyan ọ da garo ni ẹbẹre ri Nẹgẹb, ọ da ra dia uvwre ri Kadẹsh vi Shur, ubrakpọ ri Gẹra kọye o de di muẹ yan.

Jẹnẹsis 21:18

Vrẹn wọ kpare ọmọ na, ru wọ yọnrọn kokoroko vwẹ obọ wẹn, kidie mi che ruo phihọ ẹgborho rode

Jẹnẹsis 21:19

Etiyin Ọghẹnẹ de rhie ẹro rọye, ọ da mrẹ orhare rẹ ame, ọ da yanran, re vo ame vọn ophiẹn rọye, ọ da vwọ kẹ ọmọ na da.

Jẹnẹsis 24:7

Ọrovwohwo Ọghẹnẹ rẹ odjuvwu, rọ reyọ ovwẹ nẹ uwevwi rẹ ọsẹ mẹ rhe kugbe otọ re de vwiẹ vwẹ na, ọ rọ ta ota kẹ vwẹ na nẹ, Uvwiẹ wẹn Me vwẹ otọ nana kẹ, o che ji amakashe rọye karo kẹ wẹ, kẹ oboyi wọ da reyọ aye kẹ ọmọ mẹ.

Ẹyano 3:2

amakashe rẹ Ọrovwohwo da vwẹ oma phia kẹ vwẹ evun rẹ erhanre vwẹ evun rẹ aghwa; o de ni, nighe, erhanre na la, jẹ aghwa na tuaa.