Jẹnẹsis 16:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ebram da dia ikpe ujọne gbẹ esan vwẹ ọke ri Hagar vwo vwiẹ Ishmael kẹ Ebram.

Jẹnẹsis 16:16 Referans Kwoze

Jẹnẹsis 12:4

Kọye Ebram da yanran, kirobo rẹ Ọrovwohwo ta kẹ, Lọt vẹ ọye da yan usun. Ebram da dia ikpe ujorha gbẹ ihwiori vwẹ ọke ro vwo vrẹn ni Haran.

Jẹnẹsis 16:3

Kọye, Ebram rhe vwọ dia Kenan ikpe ihwe nure, Serai, aye rẹ Ebram na, da vwi Hagar ohwo rẹ Ijipt ọmọtẹ rọye, vwọ kẹ Ebram ọshare rọye vwọ rọvwọ.

Jẹnẹsis 16:15

Hagar de vwiẹ ọmọshare kẹ Ebram, Ebram de se odẹ rẹ ọmọ na ri Hagar vwiẹ kẹ na Ishmael.

Jẹnẹsis 17:25

Ishmael rẹ ọmọ rọye da dia ikpe ihwerha ọke rọ vwọ yanvwe.

Jẹnẹsis 25:17

(Enana keye ikpe rẹ akpọ rẹ Ishmael, ikpe erha nuro vwẹ ujughwrẹ, o de phi ẹnwẹn họ, o de ghwu, o de bru uvwiẹ rọye.)

Jẹnẹsis 17:1

Ọke rẹ Ebram vwọ ikpe ọvo nuro vwẹ ujori re Ọrovwohwo da vwẹ oma phia kẹ Ebram, ọ da ta kẹ, Mẹvwẹ Ọghẹnẹ ro vwo Ẹgba, yan nene uvwe, wo gbe ẹgua-a.

Jẹnẹsis 21:5

Ebraham da dia ikpe ujori vwẹ ọke re vwo vwiẹ ọmọ rọye Aizik kẹ.