Jẹnẹsis 16:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Amakashe rẹ Ọrovwohwo na da je ta kẹ, Mi che ru uvwiẹ wẹn buebu gangan re de je se kere.

Jẹnẹsis 16:10 Referans Kwoze

Jẹnẹsis 17:20

Vwọ kẹ Ishmael, mi nyo we; nighe, mi bruphihọ kẹ, kọ dia ọmiọvwọ ko ji bu gangan; kọ dia isun ihwivẹ, kọ dia ẹgborho rode.

Jẹnẹsis 21:18

Vrẹn wọ kpare ọmọ na, ru wọ yọnrọn kokoroko vwẹ obọ wẹn, kidie mi che ruo phihọ ẹgborho rode

Jẹnẹsis 21:13

Ki mi ji ru rere ẹgborho vwo nẹ oma rẹ ọmọ rẹ aye rẹ ọviẹn na rhe, fikiridie ọmọ obọ wẹn oruẹ.

Iyẹnrẹ Esiri ri Jọn 1:18

Ohwo ọvuọvo je mrẹ Ọghẹnẹ na dẹvo-o; Ọmọ ọvuọvo na, rọ hẹ agada rẹ Ọsẹ na, ọye re nẹrhẹ a riẹn.

Malakae 3:1

Nighe, mi ji ikọn mẹ rọ ra rhuẹrẹ idjerhe hẹrhẹ ovwẹ, Ọrovwohwo rẹ ovwan guọnọ na cha rhe uwevwi rọye kpregede; ọyinkọ rẹ ọphọ na rọ vwerhe ovwan oma na, nighe, ọ rọ cha, eriyin Ọrovwohwo rẹ otuofovwi na tare.

Iguẹdjọ 6:16

Ọrovwohwo na da ta kẹ nẹ, Ẹkẹvuọvo Mi nene uwe dia, ku wo hwe ihwo ri Midian na kerẹ ohwo ọvo.

Iguẹdjọ 6:11

Etiyin amakashe rẹ Ọrovwohwo ọvo da rhe o de tidia obotọ rẹ ọhahe vwi Ọfra, ri Joash ọmọ rẹ Abiẹza, vi Gidiọn rẹ ọmọ rọye re wonro eka vwẹ asan re de miẹ udi, rere o ovwo si ayen nu fiki rẹ ihwo ri Midian.

Jẹnẹsis 21:16

Ọ da yanran re tidia tephe vwẹ ogboko kẹ ọmọ na vwẹ uvwre rẹ asan rẹ umurhabọ sa yan te, kidie ọ tare ne, E ju vwe mrẹ orivwi rẹ ọmọ na-a. Ọke ro vwo tidia oboyi ro vwo no re, ọmọ na da teye ugoroviẹ.

1 Timoti 6:16

ọvuọvo ro je ghwo na rọ dja vwẹ evun rẹ orẹẹmrẹ re yivwẹ siẹ kẹrẹ-ẹ, rẹ akpọ je mrẹ dẹvo-o eye sa mrẹ-ẹ. Ọye a vwẹ ọghọ kugbe isuesun ri bẹdẹ kẹ. Isẹ.

Aizaya 63:9

Vwẹ evun rẹ ukpokpogho rayen ejobi ọye e kpokpori, amakashe rẹ opharo rọye ri sivwi ayen, vwẹ evun rẹ ẹguọnọ kugbe ehrọre rọye ọ da tan ayen, Ọ kpare ayen kpenu ọ de mu ayen vwẹ ọke rẹ awanre ejobi.

Jẹnẹsis 13:16

Mi ru uvwiẹ wẹn bu kiri ibiekpẹn rẹ otọ na, kọye ohwo de se kere ibiekpẹn rẹ otọ na, ko ji se kere uvwiẹ wẹn.

Jẹnẹsis 16:9

Amakashe rẹ Ọrovwohwo na da ta kẹ, Rhivwi bru onini wẹn, ru wọ vwẹ oma kpotọ kẹ.