Jẹnẹsis 15:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ọ da ta kẹ, Reyọ upene rẹ erhuẹn rẹ ikperha, ẹvwe aye rẹ ikperha, egbo rẹ ikperha, inekuku, kugbe eme erurẹ.

Jẹnẹsis 15:9 Referans Kwoze

Iyẹnrẹ Esiri ri Luk 2:24

ko ze izobo kirobo re siro phihọ urhi rẹ Ọrovwohwo, inekuku ivẹ eyẹ erurẹ ivẹ.

Livitikọs 14:30

Kẹsiẹye, kọ vwẹ upene rẹ irure na eyẹ inekuku na rẹ ohwo na sa dẹ na ze izobo,

Livitikọs 14:22

Ọ Me vwẹ ọvo ze izobo rẹ umwemwu ọrivẹ kẹ ọ rẹ izobo rẹ ẹtorhẹ.

Livitikọs 9:2

Ọ da ta kẹ Erọn nẹ, Reyọ ọmọ rẹ erhuẹn rẹ ọshare vwo ze izobo rẹ umwemwu, wọ reyọ egbo vwo ze izobo rẹ ẹtorhẹ, ayen ivẹ na vwo eka-an, rere wọ vwẹ ayen ze vwẹ obaro rẹ Ọrovwohwo na.

Livitikọs 3:6

Ọ da rha dianẹ ogodẹ eyẹ ẹvwe ọ rẹ ọshare eyẹ ọ rẹ aye kọye o vwo ze izobo rẹ ufuoma kẹ Ọrovwohwo, Ọ Me dia ọ ro jẹn ekan ọvuọvo evwo.

Livitikọs 3:1

Ọ da dianẹ ẹkpẹvwẹ rẹ ohwo vwọ rhe kẹ izobo rẹ ufuoma eranvwe na da dia erhuẹn rẹ ọshare eyẹ ọ rẹ aye, ọ Me dia ọ ro jẹ eka ọvuọvo evwo vwẹ obaro rẹ Ọrovwohwo.

Livitikọs 1:14

Izobo rọye da rha dia ọ rẹ ephran kọye o che ze kẹ Ọrovwohwo, Ọ Me reyọ erurẹ eyẹ upene rẹ inekuku.

Aizaya 15:5

Udu mẹ rọ viẹ kẹ Moab; ighuvwu rọye djẹ kpọ obi Zọar, kpo obi Eglat-shelishiyah. Kidie vwẹ asan ugbenu ri Luhit ayen viẹ bẹn ayen yere kpenu, vwe idjerhe ra wan kpọ Họrọnaim ayen teyọ unuebo rẹ ẹghwọrọ,

Une rẹ Ejiro 50:5

Ghwe ihwo rẹ uyota mẹ na koko kẹ vwẹ, ihwo re vẹ ovwẹ gba vwe izobo rẹ ọphọ kugbe na!

Livitikọs 12:8

Aye na rha sa de omogodẹ-ẹ, ọ Me reyọ irurẹ ivẹ eyẹ emọ rẹ inekuku ivẹ, ọ Me vwẹ ọvo ze izobo rẹ ẹtorhẹ ọrivẹ kẹ izobo rẹ umwemwu, Orherẹn na kọ gọ ẹgua rọye nọ, kọ fon.

Livitikọs 9:4

kugbe erhuẹn ọshare ọvo kugbe egbo vwo ze izobo rẹ ufuoma, vwẹ obaro rẹ Ọrovwohwo, kugbe izobo rẹ ọka ra vwẹ evwri gua kugbe, kidie nonẹ na Ọrovwohwo cha vwẹ oma phia kẹ wẹ.

Livitikọs 1:10

Ẹkpẹvwẹ rọye da rha dia ogodẹ kọye e che vwo ze izobo ra torhẹre na, eye ẹvwe dede, kọ je dia ọ rẹ ọshare ro vwo ekan ọvuọvo-o;

Livitikọs 1:3

Ẹkpẹvwẹ na da dia erhuẹn re che vwo ze izobo rẹ ẹtorhẹ, gbe jọ dia ọ rẹ ọshare ro jẹn ekan evwo; asan unurhoro rẹ utughẹ ra da vwa oma na kọye e de ze izobo na, rere Ọrovwohwo vwọ mrẹ asan reyọ.

Jẹnẹsis 22:13

Ebraham da kpare opharo, o vwo ni, obuko rọye ọ da mrẹ egbo, rẹ ighoro rọye gbahọ etu, Ebraham da yanran ra reyọ egbo na, kọye o vwo ze izobo rẹ ẹtorhẹ vwẹ ẹdia rẹ ọmọ rọye.

Jẹnẹsis 15:8

Ẹkẹvuọvo ọ da ta, E Ọrovwohwo Ọghẹnẹ, komavọ mi ru riẹn nẹ mi che vwo otọ na?

Jẹnẹsis 15:10

Ọ da ghwe aye ejobi vwo rhe, ọ da bẹrẹ ayen ivivẹ, o de mu ayen ohwohwo kpahe ohwo, ẹkẹvuọvo ephra na ọ gbe bẹrẹ ayen ivivẹ-ẹ.

Livitikọs 12:6

Siẹ rẹ ẹdẹ rẹ orufuọn rọye da gba nu, owenẹ e rẹ ọmọshare eyẹ o re ọmọtẹ, ọ Me reyọ omogodẹ rẹ ẹgbukpe vwo rhe orherẹn na vwẹ unurhoro rẹ utughẹ rẹ a da vwa oma na rere e vwo ze izobo rẹ ẹtorhẹ, kugbe ọmọ rẹ inekuku eye erurẹ re vwo ze izobo fiki rẹ izobo rẹ umwemwu.

Solomon 2:12

Idodo re yoro nẹ otọ cha, ọke rẹ inẹsuọ tere, urhuru rẹ erurẹ kọye enyo vwẹ otọ re avwanre.