Jẹnẹsis 14:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ ayen da rhoma rhe ri te Enmish-pat (kọye Kadẹsh) ayen da ghwọrọ aghwa rẹ Amalẹk ejobi kugbe aghwa rẹ Amọr re dia Haz-azon-tamar.

Jẹnẹsis 14:7 Referans Kwoze

2 Ikun rẹ Ivie 20:2

Ihwo ẹvo da rhe vuẹ Jehoshafat, urogho rode kpare ofovwi nẹ Idọm bru we cha, nẹ obo ovrẹn rẹ abadi; gbe, nighe ayen hẹ obi Hazazọtanar (kọye, Ẹngedi).

Jẹnẹsis 20:1

Nẹ Etiyin Ebraham de mu oyan ọ da garo ni ẹbẹre ri Nẹgẹb, ọ da ra dia uvwre ri Kadẹsh vi Shur, ubrakpọ ri Gẹra kọye o de di muẹ yan.

Jẹnẹsis 16:14

Fiki rẹ ọtiọye na e de se orhare na Beer-lahai-roi, ọ ughwru ri Kadẹsh vi Bẹrẹd.

Joshua 15:62

Hihshan, orere rẹ Ughweraka, kugbe Engedi irere esan vẹ eko rayen.

Urhi Rivẹ 1:46

Ọ da nẹrhẹ ovwan dia evun ri Kadẹsh ẹdẹ buebu, kerẹ uchẹdẹ rẹ ovwan dia oboyi te.

Urhi Rivẹ 1:19

Avwanre da yan nẹ Horẹb, wan vrẹn aton rode ro mu oshọ na, ọ rẹ ovwan mrẹre na, wan idjerhe na re te ugbenu rẹ ihwo rẹ Amọr, kirobo rẹ Ọrovwohwo Ọghẹnẹ rẹ avwanre ji iji kẹ avwanre; avwanre de rhi te Kedesh-banea.

Ukeri 24:20

Etiyin o de ni Amalẹk, o de mu ikun egbe phihọ, ọ da ta, Amalẹk ọye orere rẹ ẹsosuọ, ẹkẹvuọvo ukoko rọye ka rhoma guọghọ.

Ukeri 20:1

Etiyin ihwo rẹ Izrẹl, ukoko na ejobi, de rhi te aton ri Zin vwẹ emeranvwe rẹ ẹsosuọ, ihwo na da daji Kadẹsh; Miriam de ghwu vwẹ etiyin, e de sho phihọ etiyin.

Ukeri 14:45

Etiyin te ihwo rẹ Amalẹk kugbe ihwo ri Kenan na re dia orere rẹ ugbenu yena de wotọ rhe, ayen de phi ayen kua ayen da vwọ tua ayen, rhiri re te Họrmah.

Ukeri 14:43

Kidie ihwo rẹ Amalẹk vẹ ihwo ri Kenan hẹ oboyi hẹrhẹ ovwan, kẹ ayen vwẹ ọlọkọ gere ovwan she, fikiridie we chuko ku Ọrovwohwo na, Ọrovwohwo vẹ ovwan rha herọ-ọ.

Ukeri 13:26

Ayen de bru Mosis vẹ Erọn rhe kugbe ukoko rẹ ihwo rẹ Izrẹl vwẹ evun rẹ aton ri Paran, vwi Kadesh; ayen da rhe nẹ iyẹnrẹn kẹ ayen kugbe ukoko na ejobi, ayen da vwẹ emamọ rẹ otọ na vwọ nẹ ayen.

Jẹnẹsis 36:16

Korah, Gatam, kugbe Amalẹk; enana keye ilori rẹ emọ rẹ Elifaz vwẹ otọ rẹ Idọm; keye emọ rẹ Adah.

Jẹnẹsis 36:12

(Timna ọye ọsẹ rẹ Elifaz, ọmọ rẹ Isọ; o de vwiẹ Amalẹk kẹ Elifaz).

Izikiẹl 47:10

Ihwiyeri ki mudia vwẹ orhoma rẹ abadi na; nẹ Ẹngẹdi re te Ẹnẹglaim kọ cha dia asan ra vwẹ iriri tan, iyeri rọye kẹ dia oghẹre buebu, kerẹ iyeri rẹ Abadi Rode.

Izikiẹl 48:28

Ọ rọ ghwabọ kpahe otọ ri Gad na vwẹ obọhwẹre ọnre na, ughwru na kọ djẹ nẹ Tamar re te ame ri Meribat-kadesh, re fi Oku rẹ Ijipt re te Abadi Rode na.