Jẹnẹsis 13:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ebram da ta ki Lọt, E gbi jẹ oseghe dia uvwre wẹ vẹ ọmẹ-ẹ kugbe uvwre rẹ isuigodẹ wẹn vẹ emẹ-ẹ, kidie avwanre iniọvo.

Jẹnẹsis 13:8 Referans Kwoze

Iruo rẹ Iyinkọn na 7:26

Ẹdẹ rivẹ ọ da rhoma vwẹ oma phia kẹ ayen vwẹ ọke rẹ ayen vwọ kunu rere ọ vwọ rhuẹrẹ ayen kugbe, tanẹ, Eshare, ovwan imoni, die we vwo gbe ohwohwo kuẹ?

Une rẹ Ejiro 133:1

Nighe, mavọ oyovwi te rọ vwerhe te re iniọvo da dia kugbe vwẹ okugbe!

2 Pita 1:7

ẹfuọn vẹ ẹguọnọ rẹ imoni, ẹguọnọ rẹ imoni vẹ ẹguọnọ.

1 Pita 4:8

Ọ rọ marho ejobi ovwan vwo ẹguọnọ kẹ ohwohwo, kidie ẹguọnọ rhurhu imwemwu buebu.

1 Pita 3:8

Ọ rọ ka oba, ovwan ejobi, ku evun gbe vwẹ erhi, re ehrọre, guọnọ imoni na, vwo udu ọlọlọhọ-kugbe udu dẹndẹn.

Ọbe ri Pọl si rhe Ihwo ri Rom 12:10

Wa guọnọ ohwohwo vẹ omamọ rẹ ẹguọnọ; we sivwi oseghe rẹ ọghọemuo.

Isẹ 20:3

Ohwo ro tephe kẹ ohọnre mu oma rọye phihọ ọghọ, ẹkẹvuọvo ẹkpa kẹkpa djẹ ẹghwọ eghwọ.

Isẹ 15:1

Ota vwiọrọ vwiọrọ fuẹ ophu, ẹkẹvuọvo ota gbaegbae kpara ophu.

Jẹnẹsis 45:24

O de siobọ nẹ emesẹ rọye yanran, rẹ ayen vwo kpo re, ọ da ta kẹ ayen, Wa ghwọ vwẹ idjerhe rẹ.

1 Jọn 4:7

Imoni re ghare, e jẹn avwanre guọnọ ohwohwo; kidie ẹguọnọ hẹ ọ rẹ Ọghẹnẹ, ohwo ro vwo ẹguọnọ yẹ Ọghẹnẹ ri vwiẹrẹ kọ riẹn Ọghẹnẹ.

1 Pita 2:17

Mu ọghọ kẹ ihwo ejobi, Guọnọ imoni. Djẹ oshọ rẹ Ọghẹnẹ. Vwẹ ọghọ kẹ ovie.

1 Pita 1:22

Rẹ ovwan vwọ hworhẹ ẹnwẹn rẹ ovwan fon vwẹ oma rẹ ọghọ rẹ ovwan mu kẹ uyota na rẹ ovwan vwo vwo ẹguọnọ kpahe imoni na, ovwan gba guọnọ ohwohwo nẹ otọ rẹ evun rhe.

Hibru 13:1

E jẹn ẹguọnọ rẹ iniọvo na dje ebuebuo.

Hibru 12:14

Pharhe re wọ vẹ ihwo ejobi vwọ dia kugbe vwẹ ufuoma, kidie ẹfuọn tiọnana da kare ohwo, ohwo yena sa mrẹ Ọrovwohwo-o.

1 Tẹsalonaika 4:9

Ẹkẹvuọvo vwọ kpahe ẹguọnọ rẹ imoni na o rhe fo rere ohwo ọvo vwo si rhe ovwa-an, kidie Ọghẹnẹ yono ekpuyovwi rẹ ovwan nẹ ohwohwo guọnọ ohwohwo.

Filipae 2:14

Ovwan ru emu ejobi wẹ guẹ iguegu-un eyẹ a nọ enanọ-ọ,

Matiu 5:9

Ebruba kẹ ihwo rẹ kẹ ufuoma; kidie e che se ayen emọ rẹ Ọghẹnẹ.

Isẹ 15:18

Ohwo vẹ udu gidigidi sua ẹghwọ, ẹkẹvuọvo ohwo ro vwo udu odjidjiro fuẹ ọhọre.

Ẹyano 2:13

Rọ vwọ ra vwẹ ẹdẹ rivẹ, nighe ihwo rẹ Hibru ivẹ e họnra; ọ da ta kẹ ohwo rẹ ọ ria abe vwẹ usun rayen na, “Die nẹrhe wo hwe ọrivẹ wẹn?”

Jẹnẹsis 13:9

Ọ dia otọ na ejobi ri obaro wẹ na-a? Hẹriẹ oma wẹn nu vwe. Wo de kpo obọrhe, ki mi kpo obọhwẹre, eye wo de kpo obọhwẹre, ki mi kpo obọrhe.

Jẹnẹsis 46:34

ku wo tanẹ, Idibo wẹn eranvwe ichurẹ nẹ ọke-emọ rhe ri te ọke na, te avwanre te ese rẹ avwanre, rere wa mrasa dia otọ ri Goshẹn na, kidie osuigodẹ kosuigodẹ ẹgua kẹ ihwo rẹ Ijipt.

Jẹnẹsis 14:14

Ọke rẹ Ebram vwo nyo nẹ emu omoni rọye ighuvwun, o de sun otu rẹ ofovwi rọye phia rọ nabọ yono, re ji vwiẹ vwẹ uwevwi rọye, uri gbẹ ujori, gbẹ ihwe gbẹ ẹrenre, ayen da vwọ tua ayen rhi te Dan.

Iguẹdjọ 9:26

Gaal ọmọ rẹ Ebẹd vẹ ekru rọye da kua kpo obi Shikẹm; eshare ri Shikẹm da vwẹ ẹnwẹ vwọ kpahọ.