Jẹnẹsis 13:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ kidie otọ na ejobi re wọ mrẹ na Me vwẹ ayen kẹ wẹ kugbe uvwiẹ wẹn bẹdẹ.

Jẹnẹsis 13:15 Referans Kwoze

2 Ikun rẹ Ivie 20:7

Ọ dia owẹ-ẹ, E Ọghẹnẹ rẹ avwanre, re djẹ ihwo re ka dia otọ nana no vwọ kẹ ihwo wẹn Izrẹli-i, wo de siobọ no bẹdẹ kẹ uvwiẹ rẹ Ebraham ugbeyan wẹn na?

Jẹnẹsis 12:7

Etiyin Ọrovwohwo da vwẹ oma phia kẹ Ebram, ọ da ta, Uvwiẹ wẹn Me cha vwẹ otọ nana kẹ. O da so agbada kẹ Ọrovwohwo rọ vwẹ oma phia kẹ, vwẹ Etiyin na.

Jẹnẹsis 35:12

Otọ re Me vwọ kẹ Ebraham, kugbe Aizik ke Me je vwẹ ayen kẹ wẹ, ke Me vwẹ otọ na kẹ emọ wẹn re cha vwẹ obuko wẹ.

Jẹnẹsis 15:18

Vwẹ ẹdẹ yena Ọrovwohwo vẹ Ebram da re ọphọ tanẹ, Uvwiẹ wẹn Me vwẹ otọ nana kẹ, nẹ urhie rẹ Ijipt re te urhie rode na, urhie ri Yufretis.

Iruo rẹ Iyinkọn na 7:5

yẹ ọ vwẹ uku kẹ vwẹ etiyi-in, kaka ichiyi ọvo dede, ẹkẹvuọvo o de ve kẹ nẹ ọye cha reyọ otọ na kẹ kugbe uvwiẹ rọye rọ cha vwẹ obuko, yẹ o ji vwo ọmọ-ọ.

Une rẹ Ejiro 37:29

Ọvwata cha re ughwẹ rẹ otọ na, kọ dia enu rọye bẹdẹ.

Une rẹ Ejiro 37:22

kidie ihwo rẹ Ọrovwohwo bruphihọ kẹ cha re erere rẹ otọ na, ẹkẹvuọvo ihwo ro harhere na ka nyavwe ayen kufia

Matiu 5:5

Ebruba kẹ ihwo ri ruẹ dẹndẹn; kidie ayen cha reuku rẹ akpọ na.

Ukeri 34:2

Ji urhi kẹ ihwo rẹ Izrẹl, re wọ ta kẹ ayen, ọke ru wọ da ro otọ ri Kenan (ọnana otọ ro che te we rọ dia ẹkẹn uku wẹn, otọ ri Kenan asan ro rho te ejobi),

Ẹyano 33:1

Ọrovwohwo da ta kẹ Mosis, Vrẹn nẹ etinẹ kpo obenu wẹ vẹ ihwo re wọ reyọ nẹ otọ rẹ Ijipt rhe na, vwo kpotọ ri mi ve kẹ Ebraham, Aizik, vi Jekọp, tanẹ, wẹ vẹ uvwiẹ wẹn ọye me vwe rọ kẹ.

Jẹnẹsis 48:4

ọ da ta kẹ vwẹ, Nighe, mi ru we ogbaọmiovwọ, ki mi ru we bu, ki mi ru we urogho rẹ ihwo, ke Me vwẹ otọ na kẹ uvwiẹ wẹn rọ cha vwẹ obuko wẹ re ọ dia ẹkẹn rayen bẹdẹ.

Jẹnẹsis 28:13

O vwo ni, Ọrovwohwo de mudia obenu rọye ọ da ta, Mẹvwẹ Ọrovwohwo na, Ọghẹnẹ rẹ Ebraham na rẹ ọsẹ wẹn kugbe Ọghẹnẹ rẹ Aizik, otọ ru wo shevwerhẹ phihọ na Me vwọ kẹ wẹ kugbe uvwiẹ wẹn ejobi,

Jẹnẹsis 28:4

Jọ vwẹ ebruphihọ rẹ Ebraham kẹ wẹ kugbe uvwiẹ wẹn ejobi, rere wọ vwọ sa reyọ otọ rẹ ihwo ru wọ kua bru na, re Ọghẹnẹ vwọ kẹ Ebraham na vwọ riuku.

Jẹnẹsis 24:7

Ọrovwohwo Ọghẹnẹ rẹ odjuvwu, rọ reyọ ovwẹ nẹ uwevwi rẹ ọsẹ mẹ rhe kugbe otọ re de vwiẹ vwẹ na, ọ rọ ta ota kẹ vwẹ na nẹ, Uvwiẹ wẹn Me vwẹ otọ nana kẹ, o che ji amakashe rọye karo kẹ wẹ, kẹ oboyi wọ da reyọ aye kẹ ọmọ mẹ.

Aizaya 63:18

Ihwo efuanfon wẹn vwo ẹshẹ wẹn na ọmọke, ivwighrẹ rẹ avwanre de chiyo wan.

Urhi Rivẹ 34:4

Ọrovwohwo da ta ke, Ọnana otọ ri mi ve kẹ Ebraham, kẹ Aizik, kugbe Jekọp, Me vwọ kẹ esakpegodi wẹn. Mi ju we vwẹ ibiẹro wẹn mrẹ nure, yẹ ẹkẹvuọvo wọ cha sa wan vrẹn rẹ te oboyi-i.

Jẹnẹsis 18:18

ye Me mrẹre nẹ Ebraham cha rho ri hirhe ẹgborho rode, rẹ ẹgborho rẹ akpọ na ejobi da wan oma rọye vwo ebruphihọ?

Jẹnẹsis 13:17

Vrẹn, yan nene ugrogro rẹ otọ na te ohẹhẹre rọye, kidie wẹn Me vwọ kẹ.

Jẹnẹsis 15:7

Ọ da ta kẹ, Mẹvwẹ Ọrovwohwo rọ reyọ owẹ ni Ur ri Kaldia rhe, ro kẹ wẹ otọ nana vwọ re uku.

Jẹnẹsis 28:14

uvwiẹ wẹn ko che bu kiri ibiekpẹn rẹ otọ na, ku wọ hrabọ kpo obọrhe vẹ obọhwẹre kpo obaro vẹ obuko; oma wẹn vẹ oma rẹ uvwiẹ wẹn ọye uvwiẹ rẹ akpọ na ejobi de vwo ebruphihọ kẹ oma rayen.

Jẹnẹsis 50:24

Josẹf da ta kẹ emesẹ rọye, Mi che ghwu reọ, ẹkẹvuọvo Ọghẹnẹ che bru ovwan rhe, rọ da reyọ ovwan nẹ otọ nana vwo kpo otọ re veri kẹ Ebraham, Aizik, kugbe Jekọp.

Ẹyano 32:13

Karohọ Ebraham, Aizik vẹ Izrẹl, idibo wẹn, ihwo re wọ vwẹ oma wẹn duvwu iyori kẹ, wọ da ta kẹ ayen, Mi ru uvwiẹ wẹn bu kerẹ isio rẹ obenu na, otọ nana ejobi ri mi ve kẹ wẹ na ke Me vwọ kẹ ikru wẹn, kẹ ayen riuku rọye bẹdẹ.

Urhi Rivẹ 9:5

Ọ dia fiki rẹ ọvwata wẹn eyẹ ẹvun ẹfuọ wẹn wọ ra vwọ dia otọ na-a; ẹkẹvuọvo fiki rẹ umwemwu rẹ ẹgborho nana Ọrovwohwo Ọghẹnẹ wẹn vwọ djẹ ayen nẹ obaro wẹn, rere ọ mrasan ru ive ro veri kẹ esẹ rẹ ovwan na gba, kẹ Ebraham, kẹ Aizik, ki Jekọp.

1 Ikun rẹ Ivie 16:18

Ọ tanẹ, Wẹ me vwẹ otọ ri Kenan kẹ nẹ ọ dia ẹkẹn uku wẹn.