Jẹnẹsis 13:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ebram da dia otọ ri Kenan, yi Lọt ra dia uherevie rẹ irere rẹ ushekpotọ na, o de mu erhọ kẹrẹ Sodọm.

Jẹnẹsis 13:12 Referans Kwoze

Jẹnẹsis 19:29

Ke eriyin ọ epha, vwẹ ọke rẹ Ọghẹnẹ vwọ guọghọ irere rẹ ishekpotọ na, Ọghẹnẹ da karohọ Ebraham, o de si Lọt nu uherevie rẹ erhanre na, vwẹ ọke ra vwọ torhẹ orere ri Lọt diare.

Jẹnẹsis 19:1

Emakashe ivẹ na de rhi te Sodọm vwẹ ovwọnvwọn, yi Lọt tidia ughere ri Sodọm, Ri Lọt vwọ mrẹ ayen, o de vrẹn ra vwa ayen, o de diguẹ bọvwọ opharo rhu otọ,

Jẹnẹsis 14:12

ayen ji mu Lọt rhe, ọmọ rẹ oniọvo rẹ Ebram, rọ dia Sodọm, vẹ eyenre rọye, ayen de kpo.

1 Kọrẹnt 15:33

Wo jẹ a phiẹn wẹ-ẹn: Otu umwemwu gbe uruemu esiri kuẹ.

Une rẹ Ejiro 26:5

Oma rẹ ukoko rẹ ihwo umwemwu tu vwe, Me ve ihwo umwemwu se tidia kugbe-e.

Jẹnẹsis 19:25

ọ da ghwọrọ irere yena ejobi, vẹ ishekpotọ na ejobi, kugbe ẹbe re djẹ vwẹ otọ na ejobi.

Jẹnẹsis 13:11

Lọt ke jẹ ushekpotọ ri Jọdan na kẹ oma rọye, Lọt de nene obọrhe, kọye ayen da hẹriẹ oma nẹ ohwohwo

Jẹnẹsis 14:2

ivie nana da kpare ofovwi bru Bera ovie ri Sodọm, Birsha ovie ri Gomora, Shinab ovie rẹ Adma, Shimeba ovie ri Zeboim, kugbe ovie ri Bẹla (kọye Zoar)

Jẹnẹsis 19:24

Etiyin Ọrovwohwo da rhọ osio rẹ ibieragha vẹ erhanre phihọ Sodọm vi Gomora nẹ obo odjuvwu rhe,