Jẹnẹsis 13:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Lọt ke jẹ ushekpotọ ri Jọdan na kẹ oma rọye, Lọt de nene obọrhe, kọye ayen da hẹriẹ oma nẹ ohwohwo

Jẹnẹsis 13:11 Referans Kwoze

Jẹnẹsis 13:9

Ọ dia otọ na ejobi ri obaro wẹ na-a? Hẹriẹ oma wẹn nu vwe. Wo de kpo obọrhe, ki mi kpo obọhwẹre, eye wo de kpo obọhwẹre, ki mi kpo obọrhe.

1 Pita 2:17

Mu ọghọ kẹ ihwo ejobi, Guọnọ imoni. Djẹ oshọ rẹ Ọghẹnẹ. Vwẹ ọghọ kẹ ovie.

Hibru 10:25

e jẹn avwanre ghwẹ oma koko, a rha hẹrhiẹ oma kirobo rẹ otu evo ruẹ-ẹ, ẹkẹvuọvo e bru ohwohwo uche, marho kẹ ọke nana rẹ ovwan vwọ mrẹ nẹ Ẹdẹ na si kẹre re.

Isẹ 27:10

Ugbeyan wẹn, eyẹ ugbeyan rẹ ọsẹ wẹn, wọ sen aye-en; wo kpo uwevwi rẹ oniọvo wẹn vwẹ ẹdẹ rẹ okpetu wẹ-ẹn. Ọrivẹ rọ dia kẹrẹ ohwo yovwi nọ oniọvo rọ hẹ ogboko.

Une rẹ Ejiro 119:63

Mẹvwẹ otu rẹ ayen ihwo re djẹ oshọ wẹn, ọvo vwẹ ayen otu re yọnrọn iji wẹn.

Une rẹ Ejiro 16:3

Vwọ kẹ ihwo efuanfon vwẹ evun rẹ otọ na, ayen ihwo re mu ọghọ kẹ, ayen ọvo ivun rayen vwerha ovwẹ.

Jẹnẹsis 13:14

Ọrovwohwo da ta kẹ Ebram, ri Lọt vwọ yanran nu nẹ, Kpare ẹro wẹn kpenu, vwẹ asan wọ epha na, ri wo ni obenu vẹ obotọ te obọrhe vẹ obọhwẹre,

Jẹnẹsis 19:17

Ọke rẹ ayen vwọ reyọ ayen phihọ uphephẹ nu, ayen da ta, Djẹ kẹ arhọ wẹn, we nẹ obuko-o eyẹ we mudia vwẹ ukpotọ na-a, djẹ kpo obo ugbenu na, wa da ghwọrọ.

Jẹnẹsis 13:10

Lọt da kpare opharo, ọ da mrẹ ushekpotọ ri Jọdan na rọ pha djidjiro wọnwọn kiri udju rẹ Ọrovwohwo, kiri otọ rẹ Ijipt vwẹ ọke re de kpo obi Zoar, kẹ enẹ ọ epha tavwe rẹ Ọrovwohwo ke rhe ghwọrọ Sodọm vi Gomora.

Jẹnẹsis 13:12

Ebram da dia otọ ri Kenan, yi Lọt ra dia uherevie rẹ irere rẹ ushekpotọ na, o de mu erhọ kẹrẹ Sodọm.

Izikiẹl 47:18

Vwẹ abọ rẹ obaro ọnre, ughwru na kọ djẹ nẹ Hazarenọn vwẹ uvwre ri Hauran vi Damaskọs; vwẹ oma rẹ urhie ri Jọdan vwẹ uvwre ri Gilead vẹ otọ rẹ Izrẹl, re te abadi rọ hẹ obaro ọnre rhiri re te Tamar. Ọnana kọ dia abọ rẹ obaro ọnre.