Jẹnẹsis 12:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Rẹ emọ rẹ ovie Fero, vwọ mrẹ, ayen de jiro ki Fero. A da reyọ aye na vwo rhe Fero.

Jẹnẹsis 12:15 Referans Kwoze

Jẹnẹsis 20:2

Ebraham da ta kẹ Sera rẹ aye rọye, Wẹ oniọvo mẹ, Abimẹlẹk ovie ri Gẹra de ji ukọ ra reyọ Sera.

Hibru 13:4

E jẹn emu ọghọ kẹ orọvwe vwẹ ohri rẹ ovwan ejobi, e jẹn e gbe ehwa rẹ orọvwe na ẹgua-a; kidie Ọghẹnẹ cha vwẹ ọvwọfanrhiẹ kugbe otu ri gbe igberadja guẹdjọ.

Jerimaya 46:17

Se odẹ ri Fẹro, ovie rẹ Ijipt na, Odedo rọ nẹrhẹ ọke wan na.

Isẹ 29:12

Osun da kerhọn rẹ eta rẹ ọphiẹnvwe, otu rọye ejobi ke dia ihwo miomiovwi.

Isẹ 6:29

Ọtiọye ohwo ro du aye rẹ ọrivẹ rọye epha, ohwo kohwo ro ru ọtiọye ejobi sa vabọ re ehwe-e.

Une rẹ Ejiro 105:4

Guọnọ Ọrovwohwo kugbe ogangan rọye, guọnọ opharo rọye kọke kọke!

Ivie rẹ Ivẹ 18:21

Nighe, wọ vwẹ ẹro so Ijipt, ro vwirhẹ ro che duvwun obọ rẹ ohwo kohwo rọ vwẹ oma rẹrẹ. Eriyin Fẹro ovie rẹ Ijipt ephan vwọ kẹ ohwo kohwo rọ vwẹ ẹro suọ.

1 Ivie 3:1

Solomọn vẹ ovie rẹ Ijipt de bru ọgọ kugbe; ọda vwẹ ọmọtẹ ri Fero vwọ rọvwọ, ọ da reyọ vwọ rhe orere ri Devid, bẹsiẹ rọ vwọ tọn uwevwi rọye phihọ nu kugbe uwevwi rẹ Ọrovwohwo kugbe igbẹhẹ, riariẹ Jerusalẹm phihọ.

Ẹyano 2:15

Ọke rẹ Fẹro vwo nyo, kọ guọnọ Mosis hwe. Ẹkẹvuọvo Mosis da djẹ nẹ asan rẹ Fẹro, ọ da ra dia otọ rẹ Midian; o de tidia kẹrẹ orhare ọvo.

Ẹyano 2:5

Asakiephana ọmọtẹ rẹ Fẹro da rhe họ vwẹ urhie na, emetẹ rọye je yan nene vwẹ oma rẹ urhie na; ọ da mrẹ obere na vwẹ evun rẹ ẹgo na o de ji emetẹ rọye ra reyọ rhe.

Jẹnẹsis 41:1

Rẹ ikpe ivẹ soso vwọ wan nu, Fero da vwerhẹ evwerhẹ nẹ ọye de mudia orhoma rọ urhie ri Nile,

Jẹnẹsis 40:2

Ivun de miovwo Fero kpahe inotu rọye ivẹ na, omuidi na kugbe okakemu na,

Izikiẹl 32:2

Ọmọ rẹ ohwo, teye ugoroviẹ kẹ Fẹro ovie rẹ Ijipt, re wọ ta kẹ. Wo roro oma wẹn nẹ wẹ okpohrokpo vwẹ ohri rẹ ẹgborho na, ẹkẹvuọvo wọ họhọ okpodje rode vwẹ evun rẹ abadi; ku wo muẹ sahra vwẹ evun rẹ urhie wẹn, wọ me vwẹ awọ wẹn vwo kpogho ame na, wo mi vwurie urhie rayen.

Jerimaya 25:19

Fẹro ovie rẹ Ijipt, idibo rọye, isun rọye, ihwo rọye ejobi,

Jẹnẹsis 12:14

Ọke rẹ Ebram vwo te Ijipt re, ihwo rẹ Ijipt da mrẹ aye na nẹ oyovwiri gangan.

Jẹnẹsis 26:7

Ọke rẹ ihwo rẹ asan na vwọ nọ ekpẹn rẹ aye rọye, ọ da ta, Oniọvo mẹ oruẹ; kidie oshọ muro rọ vwọ ta nẹ, Aye mẹ, ko roro nẹ ihwo rẹ asan na che hwe ọye fiki ri Rebeka, kidie oyovwiri gangan.