Jẹnẹsis 12:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ọke ro che vwo te otọ rẹ Ijipt re, ọ da ta kẹ Serai rẹ aye rọye, Me riẹnre nẹ wẹ aye vẹ erhuvwu siẹ re de ni we.

Jẹnẹsis 12:11 Referans Kwoze

Jẹnẹsis 26:7

Ọke rẹ ihwo rẹ asan na vwọ nọ ekpẹn rẹ aye rọye, ọ da ta, Oniọvo mẹ oruẹ; kidie oshọ muro rọ vwọ ta nẹ, Aye mẹ, ko roro nẹ ihwo rẹ asan na che hwe ọye fiki ri Rebeka, kidie oyovwiri gangan.

Isẹ 21:30

O vwo aghwanre-e, o vwo ẹruọ-ọ, o vwo iroro-o o se ru emuọvo kpahe Ọrovwohwo-o.

Jẹnẹsis 29:17

Ibiẹro ri Leah pha rhukpu rhukpu, ẹkẹvuọvo ọ ri Rachel pha sasasa yoyovwi.

Jẹnẹsis 12:14

Ọke rẹ Ebram vwo te Ijipt re, ihwo rẹ Ijipt da mrẹ aye na nẹ oyovwiri gangan.

Solomon 1:14

Ọnse mẹ na da họhọ ekru rẹ adjija vwẹ udju rẹ Ẹngẹdi

2 Samuẹl 11:2

Emu ọvo da rhe phia vwẹ oghẹruvo ọvo, ri Devid vwo vrẹn nẹ ehwa rọye kọ vwẹ enu rẹ uwevwi rọye, ọ da dia obenu rẹ uwevwi na kparo mrẹ aye ọvo rọ họ; aye na yovwiri gangan.

Jẹnẹsis 20:2

Ebraham da ta kẹ Sera rẹ aye rọye, Wẹ oniọvo mẹ, Abimẹlẹk ovie ri Gẹra de ji ukọ ra reyọ Sera.

Jẹnẹsis 24:16

Ọmọtẹ na vwo erhuvwu gangan, ọmọtobe, rọ je riẹn ọshare-e. Kọ yanran kpo obo ogbugbu na, o de vo ame vọn ochẹ na, kọ yan cha.

Jẹnẹsis 6:2

emọ rẹ Ọghẹnẹ da mrẹ emetẹ rẹ ihwo nẹ iyovwiri gangan; ayen da reyọ uche ri je ayen vwọ rọvwọ.

Jẹnẹsis 20:13

Vwẹ ọke rẹ Ọghẹnẹ vwọ tani mi suosuo nẹ uwevwi rẹ ọsẹ mẹ, Me da ta kẹ, Ọnana kọye ẹse ri wo ru kẹ vwẹ, kasan kasan rẹ avwanre yan te, gba ta kpahọ vwẹ nẹ, Oniọvo mẹ o ruẹ.

1 Samuẹl 25:3

Asakiephana odẹ rẹ ọshare na kẹ Nabal, odẹ rẹ aye rọye kẹ Abigail. Aye na vwo erhuvwu kugbe erianriẹn, ẹkẹvuọvo ọshare na pha miomiovwi kugbe uruemu ọbrabra; ohwo ri Kaleh.

1 Ivie 1:4

Ọmọtẹ na vwo erhuvwu gangan; kọye vwẹ ẹro te ovie ro gbe odibo kẹ; ẹkẹvuọvo yẹ ovie na vẹ ọye mrẹ oma-a.

Isẹ 29:25

Oshọ rẹ ohwo djẹ kpahe ufi vwọ kẹ, ẹkẹvuọvo ohwo rọ vwẹ ẹro so Ọrovwohwo na cha rhọ.