Jẹnẹsis 11:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Gba yanrhe, re wotọ rhe, ra dia Etiyin phi ozighi phihọ ephẹrẹ rayen, rere ayen jẹn ephẹrẹ rẹ ohwo ohwo enyo.

Jẹnẹsis 11:7 Referans Kwoze

Une rẹ Ejiro 33:10

Ọrovwohwo hirhe umẹ rẹ ẹgborho na phihọ emu diọdi, ọ hra iroro rẹ ihwo na kufia.

Une rẹ Ejiro 55:9

Guọghọ iroro rayẹn, E Ọrovwohwo, jẹ ọbagha phihọ ẹrẹnvwe rayen; kidie me mrẹ ozighi kugbe ohọnre vwẹ evun re orere na.

Jẹnẹsis 1:26

Etiyin Ọghẹnẹ da ta, Gbe jẹn avwanre ma ohwo vwẹ oma rẹ avwanre, rọ họhọ avwanre, re ayen vwo ogangan vwẹ enu rẹ erin rẹ urhie, vwẹ enu rẹ ephran ri obenu, vwẹ enu rẹ uchuru, kugbe vwẹ enu rẹ akpọ na vẹ obo ri kpono vwẹ enu rẹ otọ na.

1 Kọrẹnt 14:23

Ọtiọye na, ọ da dianẹ ishọshi na ejobi ghwẹ koko rẹ ayen ejobi da jẹ ephẹrẹ, rẹ ogbori eyẹ ohwo ro segbuyota-a da vwẹriẹ, ayen rha tanẹ ovwan mwa orhuẹ-ẹ?

Jerimaya 5:15

Nighe, mi che ji orere nẹ ogboko rhe E uwevwi rẹ Izrẹl, eriyin Ọrovwohwo na tare. Orere na kri otọ re orere rẹ awanre oruẹ, orere ru wọ riẹn ephẹrẹ rọye-e, eyẹ wọ se nyo obo rẹ ayen ta-a.

Une rẹ Ejiro 2:4

O rọ tidia vwe obọ odjuvwu na cha hwe, Ọrovwohwo cha vwe ayen jehwẹ.

ỌBE RẸ JOB 12:20

O gbe ota phihọ unu re ihwo re ayen vwẹ ẹruẹvwọsuọ, O mi si ọmrẹvughe rẹ ekpako na nẹ ayen oma.

Urhi Rivẹ 28:49

Ọrovwohwo cha reyọ ẹgborho ọfa nẹ ogboko rhe ri mu kpahe ovwan, nẹ oba rẹ akpọ na rhe kpata kpata kerẹ ugo rọ rhan, ẹgborho ro wa riẹn ephẹrẹ rọye-e

Aizaya 6:8

Mi de nyo urhuru rẹ Ọrovwohwo rọ tanẹ, Ono mi ji, kono re ra kẹ avwanre? Etiyin me da ta, Mẹvwẹ na! Ji vwe

Jẹnẹsis 42:23

Ayen rha riẹn ni Josẹf nyo obo rẹ ayen ta na-a, kidie tanumeta uvwre rayen.

Jẹnẹsis 11:5

Ọrovwohwo de wotọ rhe mrẹ orere na kugbe uwevwi rẹ enu na, rẹ emọ rẹ ihwo rẹ akpọ bọnre na.

Jẹnẹsis 10:20

Enana eye emọ ri Ham, vwẹ ekrekru rayen, vẹ ephẹrẹ rayen, otọ rayen, kugbe ẹgborho rayen.

Jẹnẹsis 3:22

Ọrovwohwo Ọghẹnẹ da ta, Nighe, ohwo rhoma rhe họhọ ọvo rẹ avwanre re, rọ riẹn erhuvwu vẹ umiovwo re, Asakiephana, a da fọ ke, ọ cha riẹn obọ rọye rhe ọ da je rhe reyọ omamọ rẹ urhe rẹ arhọ na, ọ da riọ, ọ da rhe dia bẹdẹ.

Jẹnẹsis 10:32

Enana eye ekru rẹ emọ ri Noa, kirobo rẹ orua rayen wanre, vwẹ ẹgborho rayen; vwẹ oma rẹ enana kọye ẹgborho rẹ akpọ na ejobi hra nurhe rẹ oghwe na vwọ kponu.

Jẹnẹsis 10:5

Oma rẹ ihwo nana kọye ihwo rẹ orhoma rẹ urhie na nurhe. Enana keye emọ ri Jafẹt vwẹ otọ rayen, dohwo depherẹ rọye, vẹ uvwiẹ rayen, vwẹ evun rẹ ẹgborho rayen.

Ẹyano 4:11

Etiyin Ọrovwohwo da ta kẹ, “Ono re ma unu rẹ ohwo? Eyẹ ono re marọ diunu, dierhọn, yẹrẹ ohwo ro sa mrẹ orẹẹ, yẹrẹ orhuẹro? Ọ dia mẹvwẹ hẹ Ọrovwohwo na?

Aizaya 33:19

Wọ gbe mrẹ ihwo ri yivwaro na ọfa-a, ihwo re je ogheje ru wo se nyo ota rọyẹ-e, re pherẹ ikoko vwe ephere re wọ riẹn otọ rọye-e