Jẹnẹsis 10:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Eber de vwiẹ emọ ivẹ odẹ rẹ ọvo ki Pẹlẹg, ọke rọye akpọ na vwọ hẹriẹ, odẹ rẹ oniọvo rọye ke rha Joktan.

Jẹnẹsis 10:25 Referans Kwoze

1 Ikun rẹ Ivie 1:19

Evwie emọ ivẹ vwọ kẹ Eber: e se ọvo Pẹlẹg (kidie vwẹ ọke rọye a vwọ ghare akpọ na) odẹ rẹ omoni rọye e se nẹ Joktan.

Iruo rẹ Iyinkọn na 17:26

Ọ da ma ihwo phihọ ẹgborho ọvuọvo nẹ e dia enu rẹ akpọ na, ọ da kẹ ayen uchọke rẹ ayen dia akpọ na te kugbe ughwru ro gbere kẹ ẹdia rayen,

Urhi Rivẹ 32:8

Ọke rẹ Ọro Me Kpenu ejobi vwọ kẹ ẹgborho na ejobi ukuẹriọ rayen nu, rọ vwọ hẹriẹ emọ rẹ ihwo nu, o de gberi ughwru kẹ ihwo na, kirobo rẹ unu rẹ emọ rẹ Ọghẹnẹ bute.

Jẹnẹsis 10:32

Enana eye ekru rẹ emọ ri Noa, kirobo rẹ orua rayen wanre, vwẹ ẹgborho rayen; vwẹ oma rẹ enana kọye ẹgborho rẹ akpọ na ejobi hra nurhe rẹ oghwe na vwọ kponu.

Jẹnẹsis 10:21

Ji vwi Shẹm na, ọye ọsẹ rẹ emọ rẹ Ẹber ejobi, oniọvo ri Jafẹt rẹ ọkpako, ọye vwiẹ emọ kẹ.

Jẹnẹsis 10:26

Joktan kọye ọsẹ ri Almodad, Shelef, Hazarmaveth, Jerah,

Jẹnẹsis 10:5

Oma rẹ ihwo nana kọye ihwo rẹ orhoma rẹ urhie na nurhe. Enana keye emọ ri Jafẹt vwẹ otọ rayen, dohwo depherẹ rọye, vẹ uvwiẹ rayen, vwẹ evun rẹ ẹgborho rayen.

ỌBE RẸ JOB 15:19

ọye ọvo a vwẹ otọ na kẹ, ọrhorha rha sa wan ọhri rayen vrẹ-ẹn).