Jẹnẹsis 10:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Emọ ri Jafẹt kẹ ena: Goma, Magog, Madai, Javan, Tubal, Mẹshẹk, Tiras.

Jẹnẹsis 10:2 Referans Kwoze

Izikiẹl 38:2

Ọmọ rẹ ohwo, tọn opharo wẹn vi Gọg, rọ hẹ otọ ri Magọg, olori rẹ isun ri Mẹshẹk kugbe Tubal, re wọ mraro kpahe ayen

Izikiẹl 38:6

Gomar vẹ otu rọye, Bẹttogarmah ro nẹ obo ẹtan rẹ obọhwẹre ọnre rhe vẹ otu rọye–ihwo buebu vẹ owẹ herọ.

Ẹvwọphia 20:8

kọ cha rhe rhe phiẹn ẹgborho na re hẹ igogo ẹne rẹ akpọ na, kọye hẹ, Gọg kugbe Magọg, ka ghwẹ ayen koko kpo ofovwi; unu rayen kọ họhọ ehavwo rẹ abadi na.

Aizaya 66:19

ke Me cha vwẹ oka vi vwẹ uherevie rẹ ayen. Vwẹ uherevie rẹ ayen ri ghwu chekọ na mi de ji ihwo kpo ẹgborho na, kpo Tarshish, Put, kugbe Lud, ri siẹ umurhabọ, kpo Tubal kugbe Javan, re te erhuru re hẹ ogboko na, ri ji nyo usi mẹ-ẹ eyẹ mrẹ urinrin mẹ-ẹ; ayen ki che ghwoghwo urinrin mẹ vwẹ ohri re ẹgborho na.

Izikiẹl 39:1

Wẹ, ọmọ rẹ ohwo, mraro kpahe Gọg, re wọ ta, E nẹ Ọrovwohwo Ọghẹnẹ tare: Nighe, mi mu kpahe owẹ, E Gọg, onotu rẹ isun rẹ Mẹshẹk kugbe Tubal,

Izikiẹl 38:15

Ku wo che nẹ asan ru wọ dia rhe vwẹ etan rẹ akpọ na vwẹ obọhwẹrẹ rẹ ọnre, wẹ kugbe ihwo buebu ri che nene uwe, ayen ejobi gua iyesi, urogho rode, unuofovwi ọgangan;

Izikiẹl 27:19

udi ro nẹ Uzal rhe ọye e vwo wene oghwa rẹ eki wẹn; utehru ra nabọ duvwu, owangha, kugbe ugiri eye e vwo wene ekuakua rẹ eki wẹn.

Izikiẹl 27:7

Vwẹ emwa rẹ e rhuori ri nẹ Ijipt rhe ọye e vwo ru aphiana, rọ dia oka wẹn, ọgiọgiọ kugbe orhurhu ro nẹ erhuru rẹ Elishah rhe kọye ebọn wẹn.

Jẹnẹsis 10:21

Ji vwi Shẹm na, ọye ọsẹ rẹ emọ rẹ Ẹber ejobi, oniọvo ri Jafẹt rẹ ọkpako, ọye vwiẹ emọ kẹ.

Jẹnẹsis 9:27

Ọghẹnẹ hẹre ishamwa ri Jafẹt, e jọ dia itughẹ ri Shẹm, e je Kenan dia ọviẹn rọye.

Jẹnẹsis 10:1

Enana ye orua rẹ emọ ri Noa, Shẹm, Ham, kugbe Jafẹt, rẹ oghwe na vwọ kpọnu ayen de rhi vwiẹ emọ.

Ivie rẹ Ivẹ 17:6

Vwẹ ukpe rirhiri ri Hoshea ovie rẹ Asiria de mu Sameria, ọ da kua ihwo rẹ Izrẹl kpo Asiria, ọ da ghwa ayen phihọ Hala, kugbe Habo, urhie ri Gozan, kugbe evun rẹ irere rẹ ihwo ri Mid.

Une rẹ Ejiro 120:5

Ekan kẹ vwẹ, mi vwo beghe vwi Mẹshẹk, re me vwọ dia ohri rẹ itughẹ ri Kedar!

Izikiẹl 32:26

Meshẹk kugbe Tubal hẹ etiyin, kugbe usun rayen ejobi, ishi rayen riariẹ ayen phihọ, ayen ejobi upheruphe, rẹ ọlọkọ hweri, kidie uguegue rayen ruẹ otọ rẹ akpọ na duvwu.