Jẹnẹsis 1:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ Kọye Ọghẹnẹ da ma ohwo vwẹ oma rọye, oma rẹ Ọghẹnẹ ọye ọ vwọ ma ayen, ọshare vẹ aye ọ ma ayen.

Jẹnẹsis 1:27 Referans Kwoze

Matiu 19:4

Ọ da kpahe ọ da ta nẹ, Ovwan ji se nẹ ohwo rọ ma ayen notọrhe ọshare vẹ aye a ma ayen?

Ẹfesọs 2:10

Kidie avwanre ekuakua rẹ iruo rọye, ra mare vwi Kristi Jesu vwọ kẹ iruo esiri, rẹ Ọghẹnẹ rhuẹrẹ vwọ hẹ otọ rhabae, nẹ avwanre yan nene ayen.

Iyẹnrẹ Esiri ri Mak 10:6

Ẹkẹvuọvo nẹ ẹtuọhọ re ẹma rhe, Ọshare vẹ aye Ọghẹnẹ ma ayen.

Ẹfesọs 4:24

re we ku ohwo ọkpokpọ na phihọ oma, ra mare vwẹ uhoho rẹ Ọghẹnẹ vwẹ omamọ rẹ ọvwata kugbe ẹfuọn.

Une rẹ Ejiro 139:14

Mi jiri uwe, kidie wọ vọnre vẹ oshọ kugbe igbunu. Igbunu ọye iruo wẹn epha! Wọwẹ re riẹn vwẹ tototo;

Aizaya 43:7

kohwo kohwo ra vwẹ odẹ mẹ se, re me mare vwọ kẹ urinrin mẹ, re me mamare re Me mare

Kolose 1:15

Ọye hẹ uhoho rẹ Ọghẹnẹ re jẹ mrẹ na, ọmọ ọkpako rẹ emama na ejobi.

Malakae 2:15

Ọ dia Ọghẹnẹ ọvuọvo na rọ ma avwanre na ọye je vwẹ erhi rẹ arhọ na yọnrọn avwanre na? Kidie ọ guọnọre? Omamọ ẹkpẹvwẹ rẹ uyota. Gba kẹnẹ oma wẹn, rere ohwo kohwo vwo jẹ ọfanrhiẹn e gbe rhurhu aye rẹ ọke-emọ rọye.

Jẹnẹsis 2:18

Ọrovwohwo Ọghẹnẹ da ta, Oyoma rere ọshare ọvo vwọ dia sogono-o, Me ma ọchuko ro fori vwọ kẹ.

Kolose 1:26

Uyota nana kọye hẹ, igbunu re sinu rhahae na; ẹkẹvuọvo asakiephana ka rhe vwọ phia kẹ ihwo efuanfon rọye.

Kolose 3:10

Ovwan ji ku ohwo ọkpokpọ na phihọ re, a da nabọ vwẹ erianriẹn vwọ ke rere ọ vwọ họhọ ohwo ro marọ.

Jẹnẹsis 9:6

Ohwo ro sun ọbara rẹ ohwo te otọ, ohwo ọfa ji sun ọbara rọye te otọ, kidie Ọghẹnẹ ma ohwo vwẹ uhoho rọye.

Urhi Rivẹ 4:32

Kidie gba nekpẹn rẹ ẹdẹ rẹ awanre na, e re hẹ obaro wẹn na, rha wẹ ọke rẹ Ọghẹnẹ vwọ ma ohwo phihọ enu rẹ akpọ na, nẹ abọvo rẹ odjuvwu re te abọ rivẹ, se oghẹre rẹ emu rode ọtiọnana ru vwọ dẹvure, gbenẹ e ji nyo ọ rọ họherọ re?

Aghwoghwo 7:29

Nighe, ọnana ọvo me mrẹre, nẹ Ọghẹnẹ ma ohwo ọsoso, ẹkẹvuọvo ayen rhe guọnọ egbẹlẹkẹ buebu mrẹ.

Jẹnẹsis 2:7

kọye Ọrovwohwo Ọghẹnẹ da vwẹ ekpẹn rẹ otọ na vwọ ma ohwo, ọ da wẹn ẹwẹn rẹ arhọ na phihọ iwen rọye, ohwo de hirhe ohwo ọkpokpọ.

Iguẹdjọ 21:22

Ọke rẹ esẹ rayen eyẹ imoni rayen rẹ eshare da rhe nẹ iyenrẹn kẹ avwanre, avwanre ke cha ta kẹ ayen nẹ, vwẹ arodọvwẹ wẹn siobọ nẹ ayen kẹ avwanre; fikiridie avwanre mrẹ aye rẹ ọshare ọvuọvo vwọ kẹ vwẹ evun rẹ ofovwi yena-a, eyẹ ovwan ji mu ayen vwọ kẹ aye-en, a joma otọ-ọ ovwan cha riabe.

Jerimaya 29:6

Reyọ eya re we vwiẹ emeshare vẹ emetẹ; wa reyọ eya kẹ emeshare rẹ ovwan wa vwẹ emetẹ rẹ ovwan kpo orọnvwe, re ayen vwiẹ emeshare vẹ emetẹ; we bu vwẹ oboyin, wa havwa-a.