Jẹnẹsis 1:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Akpọ na da de dia reghe reghe diodi, ebrin da enu rẹ akpọ na duvwu; Erhi rẹ Ọghẹnẹ kọye re yan vwẹ enu rẹ ame na.

Jẹnẹsis 1:2 Referans Kwoze

Jerimaya 4:23

Mi de ni akpọ na, me vwọ mrẹ, kẹ ẹghwọrọ kugbe odiodi mi vwo ni obenu, ayen gbi vwo urhukpẹ-ẹ.

Une rẹ Ejiro 104:30

Ọke wo de ji Erhi wẹn, ka mama ayen; wọ me rhoma ru opharo rẹ otọ na phihọ ọkpokpọ.

Aizaya 45:18

Kidie enẹ Ọrovwohwo tare, rọ ma idjuvwu na (ọye Ọghẹnẹ) rọ mama otọ na rọ maro (ọye muro vi) ọ vwẹ ozighi ma-a, o marọ ra vwọ dia. Mẹvwẹ Ọrovwohwo na, o gbi vwo ọfa-a.

Une rẹ Ejiro 33:6

Vwẹ ota rẹ Ọrovwohwo na ọye odjuvwu na vwọ mama, obo re vọnrọ ejobi kẹ ẹnwẹ rẹ unu rọye.

ỌBE RẸ JOB 26:7

Ọ riẹn obenu na phihọ enu rẹ odiodi, ọ da vwẹ akpọ na ya enu rẹ odiodi.

ỌBE RẸ JOB 26:14

Nighe, enana akakọ rẹ idjerhe rọye; ye mavọ me nyo ophiọrọ rọye hanvwe te! Ẹkẹvuọvo agbrara rẹ ogangan rọye ono se vughe?

Nahum 2:10

Kua! ẹkuafiotọ vẹ ẹghwọrọ! Udu nẹ ẹdia, igbo ra phariẹ, uvweri vọn oma ejobi hwe, epharo ejobi ki phurẹn phurẹn!

2 Kọrẹnt 4:6

Kidie Ọghẹnẹ re tare nẹ, E jẹn urhukpẹ lo nẹ evun rẹ ebri rhe, ro lo mu udu rẹ avwanre ro vwo dje urhukpẹ rẹ erianriẹn rẹ urinrin rẹ Ọghẹnẹ vwẹ opharo ri Kristi.

Urhi Rivẹ 32:11

Kerẹ ugo ro tuẹ ẹho rọye, ro tuetue iphoro rọye vwẹ enu rẹ emọ rọye, rọ bẹrẹ ibekpe rọye, vwo mu ayen, o mu ayen phihọ uwurho re ibekpe rọye.

ỌBE RẸ JOB 38:9

re me vwọ ma irharheghe na vwọ dia ewun ro kuphiho, ebri hwi na nọ dia okpan ro vwo phopho,

Une rẹ Ejiro 104:6

Wọwẹ re vwe okokodo na rhurho kerẹ ewun; ame na de mudia vwe obenu rẹ igbenu na.

Une rẹ Ejiro 136:6

vwọ kẹ ohwo rọ riẹn akpọ na phihọ enu rẹ ame na, kidie ẹguọnọ rọye rọ jẹ rhẹriẹ na dia rhiri bẹdẹ,

Une rẹ Ejiro 148:7

Jiri Ọrovwohwo na nẹ akpọ na rhe wẹ ikperanvwe rẹ abadi vẹ ikokodo ejobi,

Isẹ 8:24

Ọke rẹ ikokodo na je dia-a ye me herọ nure, ya je mrẹ ogbugbu rẹ ame djẹ nẹ cha-a.

Aizaya 31:5

Kere ephran re rhan vwe obenu, eriyin Ọrovwohwo rẹ otuofovwi na cha sẹro ri Jerusalẹm, ọ sẹro rọye rọ de sivwọ, ọ yan jovwo ro de muo ne ughwu.

ỌBE RẸ JOB 41:32

Urhiẹ ọvo lo wrowro nene vwẹ obuko, ka vwẹ urhiẹ na roro okpan rẹ iphughẹ.