Jẹnẹsis 1:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ọghẹnẹ da ta, Gbe jẹn orẹmrẹ phia vwẹ evun rẹ irharheghe rẹ odjuvwu na rọ hẹriẹ uvo nẹ ason, re ayen dia kẹ oka kugbe ọke vẹ ẹdẹ te ukpe,

Jẹnẹsis 1:14 Referans Kwoze

Urhi Rivẹ 4:19

Jomaotọ wa da rhe kpare opharo rẹ ovwan ni enu, rhe mrẹ ọnre vẹ emeranvwe kugbe isio na, kugbe otu rẹ obenu na ejobi, i mi sun ovwan ghwru, we mi shekpotọ kẹ ayen, ga ayen, e rẹ Ọrovwohwo Ọghẹnẹ vwọ kẹ ihwo rẹ akpọ na ejobi.

Jerimaya 31:35

Enẹ Ọrovwohwo na tare, ọ rọ ma ọnre ra vwọ mrorẹ vwẹ uvo, ọ da gbẹn idjerhe kẹ emeranvwe vẹ isiọ re dia urhukpẹ kẹ ason. Ọ rọ kpare ame rẹ urhie rọ da sẹghẹ; Ọrovwohwo rẹ otuofovwi ọye hẹ odẹ rọye.

Une rẹ Ejiro 148:3

Jiro, ọnre kugbe emeranvwe, jiro, isio ri lo ejobi!

Une rẹ Ejiro 148:6

Ọ da vwẹ ayen ri rhiri bẹdẹ, o de gberi ughwru kẹ ayen re ja shariẹ

Emọs 5:8

Ohwo rọ ma Emetasa vẹ Oniọhọvikẹ rọ rhẹriẹ ebri hwi phihọ urhiọke, ọ Me rha rhẹriẹ uvo kpo ason, ro se ame rẹ abadi ejobi kpọ o mi rhe won ayen phihọ enu rẹ akpọ na, Ọrovwohwo na ọye odẹ rọye.

Joẹl 3:15

Te ọnre vẹ emeranvwe muegho, isio ri lo she divwi

Jerimaya 10:2

Enẹ Ọrovwohwo na tare: Wo yono uruemu rẹ ẹgborho na-a, wọ je djẹ oshọ rẹ eka rẹ obenu na-a, kidie ẹgborho na e je djẹ oshọ rayen,

Une rẹ Ejiro 81:3

Hworo owanre vwẹ ọtuphro rẹ emeranvwe, vwẹ ọke rẹ emeranvwe da vẹgbe, vwẹ ẹdorẹ rẹ avwanre.

Jẹnẹsis 8:22

Ọke rẹ akpọ na dia krite na, ọke ekankọn kugbe ọke orhọ ekpae kugbe oheri, ọkeuvo kugbe ohwahwa, uvo kugbe ason se re bẹdẹ-ẹ.

Aizaya 40:26

Kpare ẹro wẹn kpenu re wọ mrẹ, ono ma enana? Ọye ohwo rọ reyọ ayen rhe gbidiki, ro mu odẹ kẹ ayen ejobi, vwẹ orhuarho rẹ ẹgba rọye, kidie ọ ganre vẹ egba ọvuọvo rọye se ghwru-u

Matiu 24:29

Siẹvuọvo na, rẹ ukpokpogho nana ejobi de nẹ otọ nu, ọnre ko che muegho, emeranvwe gbi che lo-o, isio ki che she nẹ enu rhe, ogangan rẹ obo odjuvwu ejobi ki che kpogho;

Emọs 8:9

Vwẹ ẹdẹ yena eriyin Ọrovwohwo Ọghẹnẹ na tare, ki mi che ru ọnre ko che she vwẹ oghẹruvo, egho ko che mu vwẹ uvo koko na.

Joẹl 2:10

Otọ na re kpogho vwẹ obaro rẹ ayen, obenu na ra phariẹ. Ọnre na vẹ emeranvwe mu ebri, elo rẹ isio na de si reyọ.

Jerimaya 33:20

Enẹ Ọrovwohwo tare, Ọ da dianẹ wo se miovwi ọphọ re me vẹ uvo gba re kugbe ọphọ re mẹ vẹ ason gba re, rẹ uvo vẹ ason gbe phia vwẹ ọke re bruphihọ kẹ aye-en,

Ẹvwọphia 6:12

Ọke re vwo novie usiaphrẹ resan, mi vwo ni, nighe, otọ rode de rhi kpogho; ọnre de rhi bi kerẹ ubi, emeranvwe rọ vẹgbẹ da họhọ ọbara,

Matiu 2:2

tanẹ, Tivọ e de vwiẹ ovie ri Ju na? Kidie avwanre mrẹ isio rọye vwẹ obaro ọnre, kọye avwanre vwọ rhe re ga na.

Izikiẹl 46:1

E nẹ Ọrovwohwo Ọghẹnẹ tare: Anurhoro rẹ obo ẹtan rẹ ọguan na rọ hirhe aro ku obaro ọnre na ke huho vwẹ ediruo esan na, ẹkẹvuọvo vwẹ ẹdidjala na ke rhie phihọ kugbe otuphro rẹ emeranvwe na ke rhie phihọ.

Jerimaya 33:25

Enẹ Ọrovwohwo tare. Ọ dianẹ me rha vwẹ ọphọ mẹ mu kẹ uvo vẹ ason ji kugbe ekuakua rẹ obo odjuvwu vẹ akpọ-ọ,

ỌBE RẸ JOB 25:5

Gbe nighe, emeranvwe dede se lo-o isio je fon vwẹ obaro rọye-e;

Jẹnẹsis 9:13

Me cha vwẹ aphoro mẹ vwo mu vwẹ enu rẹ ikoro na, kọ cha dia oka rẹ ọphọ vwẹ uvwre mẹ kugbe akpọ na.

Ẹvwọphia 8:12

Amakashe rẹne de hworo oware rọye, a da ghwiẹ akarha rẹ ọnre, kugbe akarha rẹ emeranvwe, kugbe akarha rẹ isio, ọtiọye na akarha rẹ orẹmrẹ rayen de mu ebri; akarha rẹ ọnre gbi vwo orẹmrẹ-ẹ, ọtiọye ji te akarha rẹ emeranvwe.

Iyẹnrẹ Esiri ri Luk 23:45

Rẹ ọnre vwo she re; amwa ra vwọ tan uwevwi rẹ ẹga na de mu bẹre ẹbẹre ivẹ.

Iyẹnrẹ Esiri ri Mak 13:24

Ẹkẹvuọvo vwẹ ẹdẹ yena, rẹ ukpokpogho na de re nu, ọnre ko che mu ebri, emeranvwe gbi se lo-o.

Izikiẹl 46:6

Vwẹ ẹdẹ rẹ otuphro rẹ emeranvwe na kọ vwẹ upene rẹ erhuẹn ọshare ro vwo eka-an vwo ze izobo, kugbe imigodẹ esan kugbe egbo, ro jẹ upe evwo;

Une rẹ Ejiro 119:91

Obo wo djere phihọ ọye ayen vwọ herọ rhi te nonẹ, kidie emu na ejobi e rẹ odibo wẹn.

ỌBE RẸ JOB 25:3

E se kerẹ unuofovwi rọye? Ono urhukpẹ rọye je lo muo?

ỌBE RẸ JOB 3:9

Jẹn isio rẹ ọke erhie rọye mu ebri, jo rhẹro rẹ orẹmrẹ ẹkẹvuọvo jo cha mrẹ-ẹ, ọ je mrẹ iphophẹro rẹ urhiọke-e;

Ẹvwọphia 9:2

o de rhie ẹchẹ re orho rẹ igbẹphẹre na, ivwirhi de bru nẹ evun rọye rhe kerẹ ivwirhi rẹ ẹkuerhanre rode, te ọnre te enu ejobi de rhi bi hwi vẹ ivwirhi na.

Jẹnẹsis 1:13

Te ovwọnvwọn te irhiọke da dia ẹdẹ rerha.

Jẹnẹsis 1:15

gbe jẹn ayen dia orẹmrẹ vwẹ evun rẹ irharheghe rẹ odjuvwu na rọ vwẹ orẹmrẹ kẹ akpọ na. O da ghene dia ọtiọye.

Une rẹ Ejiro 150:1

Jiri Ọrovwohwo na! Jiri Ọghẹnẹ na vwẹ enu rẹ ẹshẹ jiro vwẹ irharheghe rẹ ẹgba rọye!